Morgunblaðið - 21.08.2008, Blaðsíða 29
MORGUNBLAÐIÐ FIMMTUDAGUR 21. ÁGÚST 2008 29
man hvernig við nutum þess að
hittast í tjaldinu á Pasta Basta og
borða góðan mat með þeim t.d. um
áramótin.
Þegar hann hafði stækkað fyr-
irtækið eins mikið og plássið leyfði
vildi hann meiri tilbreytingu með
ennþá fjölbreyttari og öðruvísi
eldamennsku. Þá keyptu þau veit-
ingahúsið Einar Ben þar sem Ingvi
naut þess að breyta og bæta, bæði
húsnæðinu og eldamennskunni.
Ingvi vildi að allt væri ,,grand“ og
bætti heilli hæð ofan á reksturinn
sem fyrir var. Rauði barinn var
opnaður á efri hæðinni og var hann
gott dæmi um dugnað og vand-
virkni Ingva. Síðar hóf Ingvi svo
samstarf með Svanþóri á Kaffi Óp-
eru.
Ingvi vildi stöðugt bæta sig og
þjónustuna, vera fyrstur með nýj-
ungar og sætti sig ekki við neitt
hálfkák. Það var sama hvort hann
var að innrétta eða útbúa matseðla
það var aldrei kastað til höndum.
Ingvi var góður teiknari og hafði
ríkt hugmyndaflug, átti auðvelt
með að tjá sig og hreif aðra með í
leik og starfi. Það var unun að
horfa á listaverkin sem hann fram-
kallaði úr mat og enn meiri ánægja
að njóta. Ingvi var maður sem átti
auðvelt með að setja hversdagsmat-
inn í spariföt. Ég man þegar systir
mín var smástelpa, þá sagðist hún
ætla að eignast mann sem bæði
gæti eldað og tekið til. Mér varð
svo oft hugsað til þessara orða þeg-
ar ég horfði á hann í eldhúsinu, á
fullu að undirbúa, elda og svo ein-
staklega snyrtilegan.
Síðustu fjögur ár tóku Ingvi og
Þóra að sér að kokka og þjónusta í
veiðihúsinu í Víðidal í Vestur-Húna-
vatnssýslu og í Dölunum fyrir þá
Gest og Brynjólf. Þau tóku börnin
sín með og allir höfðu hlutverk, fjöl-
skyldan vann vel saman og þau
skiluðu góðri þjónustu sem margir
nutu og er þeirra sárt saknað úr
báðum þessum veiðihúsum.
Ingvi var heppinn að eiga Þóru,
sem var oft bremsan og jörðin í lífi
þeirra hjóna. Nú sjáum við örlítið
af Ingva í börnunum þeirra þrem-
ur, María er hugmyndarík með
stóra drauma, Dagur er kraftmikill,
jákvæður orkubolti og Agnes er svo
lagin við að teikna. Allt þetta minn-
ir á Ingva svo það má segja að hann
lifi áfram í þeim.
Sigurbjörg.
Elsku Ingvi, strákurinn hans
Rabba frænda, er farinn frá okkur.
Ég man svo vel eftir þegar Ingvi
kom frá Eyjum til Reykjavíkur með
pabba sínum. Grannvaxinn, kvikur,
glaður og fullur af lífi. Ég held að
líf hans hafi einkennst af þessari
lífsgleði, þó svo að oft hafi á mótið
blásið. Hann tók alltaf vel á móti
mér þegar ég kom við hjá honum á
veitingastöðunum sem hann byggði
upp og rak af þeim mikla krafti
sem einkenndi þennan fallega
dreng.
Ég votta þeim sem stóðu Ingva
næst mína innilegustu samúð.
Bryndís frænka.
„Blóð, sviti og tár!“
Nemendur á fyrsta kennsludegi
haustið 1967 í MH störðu forviða á
töfluna þar sem kennarinn hafði
skrifað þessi orð stórum stöfum. A-
bekkingar voru mættir í fyrsta lat-
ínutíma hjá Teiti Benediktssyni sem
hafði verið ráðinn að skólanum þetta
sama haust. Þeim mætti sporléttur
kennari sem hóf alvöruþrunginn lest-
ur um að ekki væri áhlaupaverk að
læra latínu, það gæti kostað blóð,
svita og tár – skrifað á töfluna til
áhersluauka – og nemendur skyldu
umfram allt minnast þess að nám
væri „í fyrsta lagi vinna, í öðru lagi
vinna og í þriðja lagi vinna“ – sem var
líka samviskusamlega skrifað á töfl-
una. Mátti sjá marga nemendur sitja
opinmynnta undir þessum lestri. Víst
var að ekki hvarflaði að neinum að
mæta í næsta tíma án þess að hafa
lagt amo, amas, amat á minnið. Þann-
ig hófst skólaganga okkar fyrir
margt löngu hjá Teiti og líður okkur
seint úr minni. Fljótlega áttum við þó
eftir að sannreyna að í Teiti bjó ekki
aðeins góður kennari, heldur af-
burðakennari, eftirminnilegasti
kennari sem við höfum haft á langri
skólagöngu. Latínunámið varð vissu-
lega mikil vinna, kostaði svita,
kannski stöku tár, ekki þó blóð, enda
Teitur oft ráðagóður: „Þykja ykkur
latínubeygingarnar erfiðar? Er þá
ekki ráð að syngja þær, kannski við
Heims um ból.“ Og svo hóf Teitur
upp raustina og söng beygingar en
nemendur tóku undir. Gleðin og fjör-
Teitur Benediktsson
✝ Teitur Bene-diktsson fæddist
í Nefsholti í Holta-
hreppi í Rang-
árvallasýslu 13.
mars 1931. Hann
lést á Hrafnistu í
Reykjavík 5. ágúst
síðastliðinn.
Útför Teits var
gerð frá Marteins-
tungukirkju í Holta-
hreppi 14. ágúst, í
kyrrþey.
ið sem gagntók Teit í
skólastofunni hreif
nemendur með sér.
Þannig lauk hann upp
fyrir okkur löngu horf-
inni veröld Cesars, Hó-
ratíusar, Virgils og
Cícerós.
Á aðventunni sótt-
um við jólaguðspjallið í
hina gömlu latnesku
biblíuþýðingu Vúlgötu
og færði hún óneitan-
lega hátíðarblæ yfir
kennslustofuna. Síð-
asta veturinn lásum við
verk Cícerós Um ellina. Teitur flíkaði
sjaldan persónulegum skoðunum sín-
um, latínan var alltaf í fyrirrúmi. Ein-
mitt þess vegna er okkur minnisstætt
það sem Teitur sagði þegar við höfð-
um lesið hjá Cíceró „svo sem vitrum
öldungi fellur vel að blanda geði við
vel gefna unglinga … og ellin verður
léttbær þeim sem njóta virðingar og
ástar þeirra sem yngri eru …“. Hér
staldraði Teitur við og sagði sem svo:
„Ætli megi ekki segja að þarna sé
hlutskipti kennarans líka lýst.“ Anda-
gift og einlægur áhugi gerðu Teit að
þeim afburðakennara sem hann var,
ævi hans var integer vitæ í þágu nem-
endanna. Kannski mætti segja að
hann hafi verið „kennari af guðs náð“
en við áttum eftir að kynnast því síð-
ar þegar við urðum samstarfsmenn
hans í MH að kennslan kostaði hann
líka óhemju vinnu, aga og einbeit-
ingu. Í frímínútum hafði Teitur þann-
ig iðulega fyrir sið að stika um ganga
skólans, djúpt hugsi, frekar en að
bregða sér á kennarastofuna. Hvað
hafðist hann að? Án efa var hann að
undirbúa þá kennslustund sem í
vændum var, hvessa einbeitinguna
svo að hann gæti undið sér beint í efn-
ið og haldið athygli nemenda allan
tímann. Athygli okkar hélt hann
óskiptri í þrjú minnisstæð ár þegar
við áttum því láni að fagna að hafa
hann sem latínukennara. Vale Teitur,
gratiam habemus.
Aldís Unnur Guðmundsdóttir og
Jörgen L. Pind.
Morgunblaðið birtir minningargreinar alla útgáfudagana.
Skil | Greinarnar skal senda í gegnum vefsíðu Morgunblaðsins: mbl.is –
smella á reitinn Senda efni til Morgunblaðsins – þá birtist valkosturinn
Minningargreinar ásamt frekari upplýsingum.
Skilafrestur | Ef birta á minningargrein á útfarardegi verður hún að berast
fyrir hádegi tveimur virkum dögum fyrr (á föstudegi ef útför er á mánudegi
eða þriðjudegi). Ef útför hefur farið fram eða grein berst ekki innan hins til-
tekna skilafrests er ekki unnt að lofa ákveðnum birtingardegi. Þar sem pláss
er takmarkað getur birting dregist, enda þótt grein berist áður en skila-
frestur rennur út.
Minningargreinar
SENDUM
MYNDALISTA
✝
Elskulegur eiginmaður minn, faðir okkar, tengda-
faðir, afi og langafi,
HÖRÐUR ÞÓRHALLSSON
húsasmiður,
Brúnavegi 5,
Reykjavík,
lést á líknardeild Landakotsspítala þriðjudaginn
12. ágúst.
Hann verður jarðsunginn föstudaginn 22. ágúst frá
kirkju Óháða safnaðarins kl. 15.00.
Halldóra K. Guðjónsdóttir,
Elín Birna Harðardóttir, Ársæll Gunnsteinsson,
Katrín Úrsúla Harðardóttir, Guðni B. Guðnason,
G. Svafa Harðardóttir,
Þórhallur. G Harðarson, Brynja Björk Rögnvaldsdóttir,
barnabörn og barnabarnabörn.
✝
Okkar ástkæra
UNNUR KRISTJÁNSDÓTTIR
frá Þingvöllum
sem andaðist á St. Franciskusspítala
í Stykkishólmi mánudaginn 11. ágúst verður
jarðsungin frá Helgafellskirkju laugardaginn
23. ágúst kl. 12.00.
Aðstandendur hinnar látnu.
✝
Kærar þakkir færum við öllum þeim er sýndu okkur
samúð og vinarþel vegna andláts og útfarar
elskulegs bróður, mágs og frænda,
BJÖRNS STEFÁNS LÁRUSSONAR
frá Miklabæ,
Suðurhólum 28,
Reykjavík.
Sérstakar þakkir færum við öllu starfsfólki
Gjörgæsludeildar og deildar 12E á Landspítalanum
við Hringbraut. Einnig Hjúkrunarþjónustu Karítasar.
Stefán Lárusson og aðstandendur.
✝
Elskulegur faðir okkar, tengdafaðir, afi og langafi,
BRYNJÓLFUR SÆMUNDSSON
frá Borðeyri,
Dalbraut 27,
sem lést 13. ágúst verður jarðsunginn frá Prest-
bakkakirkju laugardaginn 23. ágúst kl. 14.00.
Minningarathöfn verður frá Fossvogskirkju
föstudaginn 22. ágúst kl. 13.00.
Dagmar Brynjólfsdóttir, Georg Jón Jónsson,
Jóhanna Brynjólfsdóttir, Sveinbjörn Jónsson,
Jóna P. Brynjólfsdóttir, Gylfi Helgason,
barnabörn og barnabarnabörn.
✝
Ástkær unnusti minn, bróðir okkar, mágur og
frændi,
ÞORVALDUR ÁRSÆLL PÁLSSON,
Ránargötu 4,
Flateyri,
sem andaðist sunnudaginn 10. ágúst verður
jarðsunginn frá Stykkishólmskirkju laugardaginn
23. ágúst og hefst athöfnin kl. 14.00.
Þeir sem vilja minnast hans vinsamlegast láti
orgelsjóð Stykkishólmskirkju njóta þess.
Sarah Jane Allard,
Sesselja Pálsdóttir, Þorbergur Bæringsson,
Áslaug Pálsdóttir,
Ásgerður Pálsdóttir,
Rósa Marinósdóttir, Kristján Andrésson,
systkinabörn og frændsystkini.
✝
Innilegar þakkir til allra sem sýndu fjölskyldunni
samúð og hlýhug vegna andláts
HALLDÓRU BRYNJÓLFSDÓTTUR
Sérstakar þakkir til starfsfólks Efstulautar á
Vífilsstaðaspílala.
Jón Hannesson,
Brynjólfur Jónsson, Kristín Siggeirsdóttir,
Hannes R. Jónsson, Beatriz Ramirez Martinez,
Guðrún Jónsdóttir, Eiríkur Ingi Eiríksson,
Soffía Jónsdóttir, Björn L. Bergsson,
barna- og barnabarnabörn.