Morgunblaðið - 22.08.2008, Blaðsíða 14
14 FÖSTUDAGUR 22. ÁGÚST 2008 MORGUNBLAÐIÐ
FRÉTTIR
Eftir Þorbjörn Þórðarson
thorbjorn@mbl.is
HANNA Birna Kristjánsdóttir, nýr
borgarstjóri Reykjavíkurborgar,
segir að mest aðkallandi verkefni
hins nýja meirihluta sé að koma á
öryggi og festu í stjórnkerfinu og
tryggja að ákvarðanir gangi hratt
og örugglega fyrir sig.
„Hægagangur hefur verið inn-
gróinn í kerfið of lengi og það þarf
að snúa því blaði við. Það þarf að
sýna að Reykjavíkurborg er nú-
tímalegt fyrirtæki sem klárar hlut-
ina,“ segir Hanna Birna.
Samstarf við minnihluta aukið
Hanna Birna telur mikilvægt að
efla samstarfið við minnihlutann,
það skili sér í vandaðri ákvarðana-
töku og efli traust. „Ég hef boðað
stóraukið samstarf við minnihlut-
ann og vil gjarnan formgera það
samstarf með einhverjum hætti.
Ég er þeirrar skoðunar að of oft
séu átök í borgarstjórn átakanna
vegna. Ég er sannfærð um að því
fleiri sjónarmið sem koma að, því
sterkari og betri verði niðurstaðan.
Það breytir því ekki að hér er
ábyrgur og sterkur meirihluti. Við
eigum samt að auka aðkomu minni-
hlutans að ákvarðanatöku og efla
traust. Það auðveldar öll störf og
skilar sér nánast undantekninga-
laust í góðum ákvörðunum.“
Unnið eftir hugmyndasam-
keppninni um Vatnsmýrina
Nýr meirihluti vill strax fara í
viðræður við ríkisvaldið um framtíð
flugvallarins. „Ég hef lengi verið
þeirrar skoðunar að svæðið undir
flugvellinum sé besta bygginga-
svæðið í Reykjavík. Áður en
ákvarðanir eru teknar um flutning
flugvallarins verður hins vegar að
finna honum nýja staðsetningu sem
sátt getur náðst um. [...]Þess vegna
verðum við að byrja að svara því
hvar flugvöllurinn eigi að vera.
Við munum strax fara í viðræður
við ríkisvaldið um framtíð flugvall-
arins. Við munum halda áfram upp-
byggingu í grennd við Vatnsmýrina
á grundvelli hugmyndasamkeppn-
innar sem efnt var til. Ég er þeirr-
ar skoðunar að sú hugmyndasam-
keppni sé eitt mesta framfaraskref
sem stigið hefur verið í íslenskum
skipulagsmálum.“
Hanna Birna segist þeirrar skoð-
unar að ekki sé raunhæft að klára
staðsetningu flugvallarins á þessu
kjörtímabili.
„Ég held að þetta [viðræður við
ríkið um framtíð flugvallar] sé
besta skrefið sem hægt sé að taka á
þessum tímapunkti. Þessari hug-
mynd, að flugvöllurinn eigi ekki að
vera þarna, þarf ég augljóslega að
vinna aukið fylgi.“
Ekki þörf á endurskoðun
sveitarstjórnarlaga
Hanna Birna telur að sú atburða-
rás sem hefur átt sér stað, tíð
meirihlutaskipti á kjörtímabilinu,
gefi ekki tilefni til breytinga á
sveitarstjórnarlögum.
„Ég held að við ættum að leyfa
okkur aðeins meiri tilraunastarf-
semi með formið áður en við förum
að breyta lögunum. Þessi átaka-
miðuðu stjórnmál, sem allt of lengi
hafa einkennt íslenska pólitík, ættu
að vera tækifæri fyrir okkur að
endurskoða þá menningu sem oft
einkennir stjórnmálin. Mál ættu
ekki alltaf að vera bitbein milli
minnihluta og meirihluta heldur
þurfum við að vinna sameiginlega
að hagsmunum borgarbúa.“
Skuldir Orkuveitu Reykjavíkur
[OR] hafa hækkað mikið með veiku
gengi krónunnar. „Fjárhagsstaða
OR er þyngri en oft áður og það er
áhyggjuefni. OR er samt mjög
sterkt fyrirtæki og ég hef ekki sér-
stakar áhyggjur af rekstrinum sem
slíkum. Ef við hefðum hins vegar
tekið alla þá milljarða sem átti að
taka að láni erlendis til þess að fara
í útrásina þá værum við að horfa
upp á mun verri stöðu. Fyrirtækið
glímir tímabundið við óvenjulegar
aðstæður í efnahagslífi, eins og
flest önnur fyrirtæki.“
Aðspurð segir Hanna Birna ekki
stefnuna að selja fyrirtækið. Það
hafi ekki verið stefna Sjálfstæðis-
flokksins hingað til. „Stefnan er að
setja góða þjónustu við borgarbúa í
forgang en fyrirtækið þarf þá að
halda sig við kjarnastarfsemina og
þjónustu við borgarbúa en fara
ekki út í verkefni sem eru betur
komin í höndum fyrirtækja í einka-
eigu.“
Viðvarandi vandi Strætó
Strætó bs glímir við mikinn
rekstrarvanda og það vantar 300
milljónir í reksturinn. Reykjavíkur-
borg á 65% í fyrirtækinu. Að sögn
Hönnu Birnu er verið að skoða
hvernig eigi að leysa vanda fyrir-
tækisins. „Vandi Strætó hefur ver-
ið viðvarandi. Sveitarfélögin eru að
velta því fyrir sér hvort það ríki al-
menn sátt um að bætt sé í götin í
rekstrinum eða vandanum sé mætt
með öðrum hætti. Ef borgarbúar
myndu nýta sér vagnana betur
myndi það fela í sér umtalsverðan
sparnað fyrir borgina alla. Minna
slit á götum með minni bílaumferð
o.s.frv.“
Í Reykjavíkurborg eru 750 stæði
á hver 1.000 störf og það er mun
hærra hlutfall en meðaltalið í
bandarískum og evrópskum borg-
um. Þarf ekki að snúa þessu við?
„Til langs tíma höfum við for-
gangsraðað í þágu einkabílsins.
Núna þurfum við að forgangsraða
með hliðsjón af ólíku vali fólks.
Samgöngukostir eiga að vera jafn-
réttháir. Ef fólk vill ferðast á hjóli
þurfa að vera aðstæður fyrir þann
ferðamáta, ef fólk vill nota strætó
þarf að efla almenningssamgöngur.
[...] Það hefur verið forgangsraðað í
þágu einkabílsins og jafnvel á
kostnað annarra samgöngukosta.
Það er mikilvægt að umbuna þeim
sem nýta sér aðra kosti en bílinn.
Það helst í hendur við minni meng-
un og minni slit á vegum. Það á að
vera forgangsmál okkar að borgin
verði ekki sundurskorin af sam-
gönguæðum.“
Að mati Hönnu Birnu var færsla
Hringbrautarinnar mistök „Hún
sker í sundur borgina og við mun-
um gera allt sem í okkar valdi
stendur til að fyrirbyggja að slíkt
gerist aftur.“
Engar uppsagnir
Borgarsjóður stendur verr en
áætlanir gerðu ráð fyrir. Fyrirséð
er að nýir kjarasamningar munu
kosta borgina 4-4,5 milljarða og
tekjur munu dragast saman um 2
milljarða á þessu ári, samkvæmt
spám sem liggja fyrir.
„Auðvitað er hægt að hagræða.
Við verðum að setja upp áætlun um
samfellda hagræðingu í rekstri og
það munum við gera. Við leggjum
áherslu á að viðhalda grunnþjón-
ustu, þ.e. þeirri þjónustu sem
borgarbúar líta á sem sjálfsagða og
eðlilega. Uppsagnir starfsfólks
koma heldur ekki til greina. Varð-
andi frestun framkvæmda, sumar
framkvæmdir eru þess eðlis að við
hægjum á hjólum atvinnulífsins ef
við drögum úr þeim. Reykjavík get-
ur ekki sent út þau skilaboð. Við
þurfum samt að búa okkur undir að
taka á okkur einhverja skelli eins
og önnur fyrirtæki í landinu, það er
einfaldlega það efnahagsumhverfi
sem við búum við.“
Húsnæði Listaháskólans
klárað með nýjum meirihluta
Ólafur F. Magnússon lagði mikla
áherslu á að viðhalda 19. aldar
götumynd Laugavegar. Einhverjir
kölluðu hugmyndir um nýtt hús
Listaháskólans við Laugaveg
„steinsteypubarbarisma.“ Nýr
meirihluti leggur áherslu á upp-
byggingu á Laugavegi samhliða
verndun.
„Það hefur náðst mjög góð sátt
um þetta í borgarstjórn. Við eigum
að leyfa uppbyggingu samhliða
virðingu fyrir hinu gamla. Það er
samt alveg ljóst að verkefni tengt
nýbyggingu Listaháskólans verður
auðveldara núna. Það er meðal
annars vegna þess að skipulagsráð
talaði á sínum tíma um húsin nr. 41
og 45 við Laugaveg en Ólafur F.
talaði einnig um 43 og alla götu-
myndina á þessu svæði. Það er
mjög erfitt að koma til móts við það
því skólinn myndi hörfa verulega í
slíkri mynd. Ég vil sjá skólann á
þessum stað við Laugaveginn. Mér
finnst það mikilvægt og í því felast
mikil sóknarfæri fyrir borgina. Ég
ligg ekki á því að lausnin verður
einfaldari með nýjum meirihluta
við stjórnvölinn.“
Gömul og ný hús í bland
Spurð hvort draga þurfi úr stíf-
um kröfum um að viðhalda gömlum
húsum í miðbænum segir Hanna
Birna að götumyndin sómi sér vel
með blandaðri byggð. „Mér þykir
mjög vænt um gömlu húsin og þau
skipta miklu máli. Mér finnst að við
eigum að reyna að leyfa þessum
húsum að lifa saman. Hugmynda-
auðgi í arkitektúr og djörfung í
hugsun mun gera það mögulegt.“
Skortur á framkvæmdum eftir
húsbrunann í Austurstræti hefur
sett óskemmtilega mynd á gatna-
mót Lækjargötu og Austurstrætis.
Að sögn Hönnu Birnu hefur drátt-
ur á fornleifarannsóknum sett strik
í reikninginn.
„Þær hafa tekið lengri tíma en
menn áætluðu. Skipulagsvinna tók
samt engan tíma og gekk vel fyrir
sig. Skipulag er tilbúið, fornleifa-
rannsóknir klárast senn og núna
þurfum við bara að byrja að
byggja.“
Morgunblaðið/Golli
Saman Hanna Birna með Vilhjálmi Jens Árnasyni og dætrum þeirra, Aðalheiði (t.h.) og og Theódóru Guðnýju.
Vill auka samstarf við minnihluta
Svæðið undir flugvellinum er „besta byggingasvæðið í Reykjavík“ Draga þarf úr ofuráherslu á
einkabílinn Hefur ekki áhyggjur af Orkuveitunni Borgin tekur skelli eins og önnur fyrirtæki
Hanna Birna Kristjánsdóttir er
fædd 12. október 1966 í Hafnar-
firði, þar sem hún ólst upp. Hún
lauk verslunarprófi frá Verzlunar-
skóla Íslands og stúdentsprófi frá
Kvennaskólanum, BA-prófi í
stjórnmálafræði frá Háskóla Ís-
lands og M.Sc.-prófi í alþjóðlegum
og evrópskum stjórnmálum frá
Edinborgarháskóla.
Hanna Birna var starfsmaður
öryggismálanefndar 1990–1991,
deildarsérfræðingur í mennta-
málaráðuneytinu 1994–1995,
framkvæmdastjóri þingflokks
sjálfstæðismanna 1995–1999 og
aðstoðarframkvæmdastjóri Sjálf-
stæðisflokksins 1999–2006.
Hanna Birna tók fyrst sæti í borg-
arstjórn eftir kosningar 2002. Hún
hefur setið í skipulagsráði Reykja-
víkur frá 2002, síðast sem formað-
ur þess. Hún hefur jafnframt setið
í stjórnkerfisnefnd og verið vara-
maður í stjórn Orkuveitu Reykja-
víkur.
Eiginmaður Hönnu Birnu er Vil-
hjálmur Jens Árnason heimspek-
ingur og eiga þau tvær dætur,
Aðalheiði og Theódóru Guðnýju.
Borgarstjórinn Hanna Birna