Morgunblaðið - 27.08.2008, Side 9
MORGUNBLAÐIÐ MIÐVIKUDAGUR 27. ÁGÚST 2008 9
FRÉTTIR
Eftir Helga Bjarnason
helgi@mbl.is
Flúðir | Íslenskar paprikur eru nú á
markaði allt árið. Garðyrkjustöðin
Jörfi á Flúðum hefur verið að þróa
lýsingu á plöntunum og er það starf
nú farið að skila þeim árangri að
paprikur eru sendar á markað allar
vikur ársins.
Garðyrkjumennirnir á Jörfa eru
nú á sínu þriðja ári með ræktun á
papriku með aðstoð gróðurlýsingar.
Gerðar hafa verið tilraunir með
slíka ræktun í Finnlandi og í Noregi
en um þessar mundir er hún hvergi
stunduð á norðlægum slóðum, ann-
ars staðar en á Flúðum. Þrautseigja
garðyrkjubændanna í Jörfa, Georgs
Ottóssonar og Friðriks Friðriks-
sonar, skilar sér. „Við erum að ná
þeim árangri sem við stefndum að í
upphafi, nálgumst 30 kíló af papriku
á fermetra á ári. Það er nærri því
tvöföldun framleiðslunnar,“ segir
Friðrik.
Friðrik segir að paprikan sé erf-
iðari í ræktun en tómatar og gúrkur
og hafi átt erfitt uppdráttar í tutt-
ugu ár. Sama þróun sjáist víða í
Norður-Evrópu því framleiðslan
hafi færst suður á bóginn. Íslenska
varan hafi ekki sama samkeppn-
isforskot og ýmsar aðrar tegundir
vegna þess að hún þoli flutningana
og haldi betur gæðum. „Eigi að síð-
ur er til hópur neytenda sem ein-
göngu vill íslenskt grænmeti og við
þjónum honum betur með því að
hafa paprikuna á boðstólum allt ár-
ið,“ segir Friðrik.
Tilraunir með lýsingu á papriku
eru nú að hefjast á Reykjum. Prófuð
er mismunandi lýsing. Friðrik von-
ast til að þær muni flýta þróuninni.
Lýsingin skilar íslenskum
paprikum á markað allt árið
Morgunblaðið/Siguður Sigmundsson
Gular, rauðar, grænar Paprikum í mismunandi litum er pakkað í garðyrkjustöðinni Jörfa á Flúðum.
Slík ræktun hvergi á norðlægum slóðum nema á Flúðum
Eftir Andrés Þorleifsson
andresth@mbl.is
Í SÍÐUSTU viku hélt Arkitekta-
félag Íslands svokallaðan rýnifund
þar sem dómnefnd í samkeppni um
hönnun Listaháskólans gerði grein
fyrir niðurstöðum sínum. Mjög góð
mæting var á fundinn og áttu fund-
argestir hreinskilnisleg skoðana-
skipti.
Tillaga Teiknistofunnar Tark að
húsi Listaháskóla Íslands lenti í öðru
sæti í samkeppninni. Hún er ívið
stærri en vinningstillaga +Arki-
tekta, sem gerði ráð fyrir 14.747 fer-
metrum. Halldór Eiríksson hjá Tark
Teiknistofu segist virða niðurstöðu
dómnefndar þótt auðvitað standi
hann enn með sinni tillögu.
Hverfisgatan frekar
en Laugavegur
„Menn eru að þrýsta á reitinn,“
segir Halldór, „menn eru að biðja um
ansi mikið,“ bætir hann við aðspurð-
ur um hið mikla byggingarmagn.
Arkitektinn segist telja að í tillögu
stofu hans hafi það verið leyst ágæt-
lega með því að beina áherslunni frá
Laugavegi og að Hverfisgötunni.
Þannig hafi tillagan t.d. gert ráð fyr-
ir aðalinngangi sem sneri að Hverf-
isgötu.
„Hverfisgatan þarfnast upphaln-
ingar frekar en Laugavegurinn og
við hana standi stærri stofnanir og
því fellur Listaháskólinn ágætlega
að henni,“ útskýrir Halldór, sem tel-
ur að sökum þessara stóru stofnana
þoli Hverfisgatan meira álag en
Laugavegurinn.
Hann segir niðurstöðuna hafa ver-
ið þá að hægt væri að reisa skólann
án þess að valda óþarfa álagi á
Laugavegi.
„Það er staðreynd að það hefur
verið lítil umræða um Hverfisgötu-
hlutann af þessi verkefni, þótt það sé
sitt hvorum megin við Hverfisgötuna
en bara öðrum megin við Laugaveg-
inn.“
Langt ferli að fá lóð
Hann segir þó að stofan hafi ekki
sett fyrir sig staðsetninguna, vissu-
lega geti hann bent á aðra kosti sem
hann teldi heppilegri.
Halldór bendir á að það að fá lóð
sé mikið ferli og því miður hafi engin
önnur hugmynd bæði haft pólitíkina
sem og peningana með sér til að geta
gengið upp. „Nú er staðan einfald-
lega sú að skólinn og eigandi lóðar-
innar hafa vilja til að reisa þarna og
hafa alla getu til þess nema borg-
aryfirvöld beinlínis hindri breyting-
ar á deiliskipulagi. Þetta er komið í
ákveðinn farveg,“ útskýrir Halldór.
Hefur Hverfisgatan
gleymst í umræðunni?
Listaháskólinn
á líka að snúa að
Hverfisgötu
Morgunblaðið/G.Rúnar
Svæðið Hornið á Laugavegi og Frakkastíg þar sem hinn umdeildi skóli á að
rísa. Þá mun skólinn einnig snúa út að Hverfisgötu.
Í HNOTSKURN
»Deilur um Listaháskólannhafa einkum spunnist um
hvort rífa eigi gömul hús við
Laugaveg 43 og 45 og sýnist
sitt hverjum.
»Þá hefur hið mikla bygg-ingarmagn á lóðinni verið
umdeilt.
Fáðu úrslitin
send í símann þinn
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
Skokkar og kjólar
Útimálning
Viðarvörn
Lakkmálning
Þakmálning
Gólfmálning
Gluggamálning
Allar Teknos vörur eru framleiddar skv. ISO 9001 gæðastaðli.
Afsláttur af málningarvörum
20%
Sætúni 4 Sími 517 1500
Sérhönnuð málning fyrir íslenskar aðstæður.
Skútuvogi 13 S. 517 1500 www.teknos.com
Pallaolía 3l.
Kr. 1290,-
Skeifan 11d • 108 Reykjavík • sími 517 6460
www.belladonna.is
Opið mán.-fös. kl. 11-18, lau. kl. 11-15
Stærðir 42-56
Nýjar
haustvörur
frá
Sí
ðu
stu
da
ga
r