Morgunblaðið - 27.08.2008, Síða 19
|miðvikudagur|27. 8. 2008| mbl.is
daglegtlíf
Eftir Guðrúnu Huldu Pálsdóttur
gudrunhulda@mbl.is
Íslensk náttúra býr yfir mikl-um lækningamætti. Þaðsem íslenskar jurtir hafafram yfir aðrar jurtir er að
þær vaxa hægt og eru harðar af
sér, hér er kalt og því þurfa jurt-
irnar hafa mikið fyrir því að
blómstra og vera til,“ segir Sóley
Elíasdóttir sem nýtir íslenskar
jurtir og grös til manneldis og
heilsueflingar með smyrslum er
hún framleiðir og
selur undir vöru-
merkinu „Sóley:
Grös og Heilsa.“
Hún segist hafa
dundað við smyrsla-
gerð í mörg ár en
hafi sett þau á
markað fyrir tæpu ári. Með fram-
leiðslunni segist Sóley vera að
svara ákveðinni köllun. „Ég geri
þetta fyrst og fremst af brennandi
áhuga, þekking á grösum og lækn-
ingamætti þeirra hefur blundað í
fjölskyldunni margar kynslóðir.
Ég hef óbilandi áhuga og trú á
náttúrunni og í sumar höfum við
vinkonurnar farið út í fallegu
veðri og safnað villtum jurtum í
framleiðsluna.“
Jurtir í stað lyfja
Sóley nýtir sér aldagamlar hefð-
ir og þekkingu úr stórfjölskyldu
sinni. Það þarf ekki að rekja ættir
hennar langt aftur til að rekast á
sögufræga grasalækna, Þórunn
Gísladóttir var langamma Sóleyjar
og Erlingur grasalæknir var
langafi hennar.
Til er saga af Þórunni sem með-
höndlaði brjósthimnubólgu,
undanfara berkla. „Til að losa lík-
amann við brjósthimnubólgu var
húð brjóstkassans brennd upp
með steinolíu í grisjum. Þessi
bruni skemmdi húðina en með
þessu móti var hægt að ná öllum
vessum úr henni. Síðan sauð hún
smyrsl úr villijurtum og tólg eða
smjöri og lagði á
húðina. Sagt er að
húðin hafi orðið eins
og ný á viku.“ Sóley
notar sömu upp-
skriftir en aðrar fit-
ur. „Smyrslin mín,
sem eru öll lífræn,
hafa reynst vel á brunasár, psori-
asis og frostbitnar kinnar og gyll-
inæð en það er í raun hægt að
nota þau á hvað sem er.“
Þrátt fyrir aukna heilsu- og um-
hverfisvitund undanfarin ár segir
Sóley Íslendinga aftarlega á mer-
inni miðað við nágrannaríkin. Það
sé þó að breytast. „Þegar þrengir
að fer fólk meira að hugsa inn á
við og hugar betur að heilsunni.
Undanfarið hefur lífræn stefna
verið í hávegum höfð og Íslend-
ingar eru því smátt og smátt að
opna augun fyrir náttúrulegum
lækningum. Jurtir geta oft komið í
stað almennra lyfja.“
Birki er hreinsandi og er einstaklega
græðandi bæði innvortis og útvortis.
Birkið losar bjúg úr líkamanum, örvar
slímhúðina og er líka talið lækka blóð-
þrýsting. Þá er það gott við öðrum kvill-
um sem leggjast á nýrun. Einnig hefur
birkið reynst vel gegn gigt.
Fíflarót er tilvalið að safna á haustin,
en ef nýta á blöðin er best að tína þau
fyrir blómgun. Rótunum er hins vegar
best að safna að vori eða hausti. Túnfíf-
illinn er mikið notuð jurt og og margar
rannsóknir sýna að rót hennar er talin
hreinsa lifrina, hún er sögð blóðhreins-
andi. Hún er því tilvalin ef fólk hefur
verið í mikilli lyfja- eða áfengisneyslu.
Fíflarótin er líka talin virka vel fyrir
gallið.
Burnirót er sögð ginseng norðursins.
Hún vex á túndruslóðum og unir sér því
líka vel hér á landi. Í Síberíu er hún til
að mynda gefin tilvonandi hjónum til að
auka frjósemi þeirra. Hún er talin hafa
afar jákvæð áhrif á hormónakerfi og
kynhvöt bæði karla og kvenna. Burni-
rótin er einnig talin virka vel við mátt-
leysi og vinnur gegn streitu og einbeit-
ingarleysi.
Lækningamáttur
náttúrunnar
Morgunblaðið/Árni Sæberg
Náttúrubörn Sóley Elíasdóttir og vinkonur hennar sitja einbeittar við villijurtasöfnun í nágrenni Helgafells fyrir ofan Hafnarfjörð í sumar.
Beislar lækningamátt náttúrunnar
Þær kalla ferðirnar „gönguferðir með tilgang“
vinkonurnar sem í sumar hafa ferðast um landið
og safnað villijurtum. Forsprakki kvennanna er
Sóley Elíasdóttir sem nýtir íslenskar jurtir og grös
til manneldis og heilsueflingar.
Grös og heilsa Sóley Elíasdóttir hefur dundað við smyrslagerð í
mörg ár og er nú komin með eigin framleiðslu.
Mæðgur Margrét Alice og dóttir hennar Íris Ásmundardóttir eru
meðal þeirra sem aðstoðað hafa Sóley í sumar.
„Þegar þrengir að
fer fólk meira að
hugsa inn á við og
hugar betur að
heilsunni.“