Morgunblaðið - 31.08.2008, Blaðsíða 18

18 SUNNUDAGUR 31. ÁGÚST 2008 MORGUNBLAÐIÐ
Þ
að er kvöld í júlí og við
sitjum fyrir utan einn
uppáhaldsbarinn okkar
í borginni Norwich í
Bretlandi. Marglitar
ljósaseríur lýsa upp port fullt af
fólki. Innan af barnum heyrist tón-
list, hlátrasköll, hróp og köll.
Úr loftinu falla stórir dropar og
við þjöppum okkur saman undir
regnhlíf sem stendur út úr veggn-
um. Bjór siglir á borðið og við skál-
um fyrir lífinu og tilverunni. Og
gleðilegum endurfundum.
Skilur einhver reglurnar?
Við lærðum öll saman í þessari
borg, komum hvert úr sinni áttinni
haustið 2006 og urðum perluvinir í
School of Development Studies í
UEA.
Af einhverjum ástæðum útskrifar
skólinn okkar stúdenta ári eftir að
þeir klára námið. Sumarið eftir að
við skiluðum lokaverkefnum okkar í
þróunarfræðum hittumst við því á
nýjan leik. Þau sem enn eru á
staðnum eða höfðu efni á að koma.
Margir eru frá löndum utan Evr-
ópusambandsins og tókst að kría út
vegabréfsáritun til að dvelja aðeins
lengur í Bretlandi. Það var þó ekki
heiglum hent.
Nemendurnir eiga langa sögu af
viðskiptum sínum við sendiráðið;
pappírsflóði og endalausri bið.
Enginn skilur reglurnar, allir
klóra sér í höfðinu meðan þeir út-
skýra hlæjandi í hverju þeir lentu.
Hákarl og vegabréfsáritun
Þetta júlíkvöld rifjum við upp
tímann í skólanum, ræðum heims-
málin, tölum og flissum. Það er
gaman að vera til. Með glampa í
auga ákveðum við endurfundina
sem koma skulu.
„Við verðum að halda hópinn! Af
hverju hittumst við ekki öll á sama
tíma að ári á Íslandi? Það tekur
ekki nema þrjá tíma að fljúga til Ís-
lands frá Bretlandi og þið getið öll
búið ókeypis hjá mér. Flatsæng í
stofunni!“ segir Íslendingurinn og
uppsker glasalyftingu.
„Ísland, mergjað! Alltaf langað að
koma þangað!“
Á kvöldi sem þessu verður allt
mögulegt, ótrúlegustu hlutir fram-
kvæmanlegir. Þeir sem komu á
skólastyrk til Bretlands frá fátæk-
um þróunarríkjum ætla að gera allt
sem þeir geta til að safna peningum
og hitta hópinn.
„Hverjar haldið þið annars að séu
líkurnar á að við fáum öll Schen-
gen-vegabréfsáritun til að komast
til Íslands?“ heyrist í hjáróma
röddu við borðið. Efasemdamann-
eskjan er samstundis kveðin í kút-
inn.
„Hugsum ekki um það núna, það
bjargast!“ Skólafélagi minn er æst-
ur í að borða hákarl á Íslandi og sjá
miðnætursólina.
Úganda og Mósambík
Ein í hópnum er á leið í rann-
sóknarvinnu til Úganda. Önnur til
Mósambík. „Við gætum líka hist
Ljósmynd/Sophie Bremner
Nemendur frá öllum heimshornum Þróunarfræðinemar í UEA, University of East Anglia, stilla sér upp í útskriftarbúningum sínum og með prófskírteinin.
Heimsækið þið mig ekki
örugglega í fangelsið?
Þau komu úr hvorri áttinni þegar þau hófu nám í þró-
unarfræði í Norwich í Bretlandi haustið 2006.
Sigríður Víðis hitti gömlu skólafélaga sína þegar hóp-
urinn útskrifaðist í sumar og ákvað að viðhalda vinátt-
unni með því að heimsækja hvert annað.
En heimspólitíkin setur strik í reikninginn og ekki
geta allir farið hvert á land sem er.
Ljósmynd/Sophie Bremner
Í fullum skrúða Glaðir útskriftarnemar í fullum skrúða á útskriftinni í
UEA í Bretlandi. Nemendur frá Póllandi ræða við annan frá Eþíópiú en
fremstur situr Jamali frá Pakistan.
» Iss, já hún getur
örugglega farið hvert
sem er og bara brosað
og sagst vera frá Ís-
landi!
PAKISTAN
Hamedullah
Jamali
Aldur: 31 árs
Fæðingarstaður: Balochistan í
Pakistan
Núverandi
búseta: Norwich í Bretlandi
Móðurmál:
Balochi
Kannski er ég bara eitthvað
taugaveiklaður. En ef maður vill
hámarka möguleika sína á að
geta dvalið í Evrópu í framtíð-
inni vill maður ekki beint hafa
bæði Pakistan, Íran og Afgan-
istan á vegabréfinu eða fer-
ilskránni …
ÍSRAEL
Adi Cahaner
Aldur: 27 ára
Fæðingarstaður: Rehovot í
Ísrael
Búseta: Tel Aviv í Ísrael
Móðurmál: Hebreska
Ef þú kemur í heimsókn til mín
getur þú komið í leiðinni við í
Sýrlandi eða Líbanon. Það eina
er að með ísraelska vegabréfið
mitt má ég bara ekki fara með
þér …