Morgunblaðið - 31.08.2008, Blaðsíða 31
erfitt með sig. „Það er örfín lína milli
þess að missa vitið og halda geði og
það var tvísýnt hvorum megin henn-
ar ég myndi lenda. Það mætti líkja
því við að innan í mér hafi slitnað
strengur. Og sá strengur er slitinn til
frambúðar. En sem betur fer var fólk
þarna úti sem studdi mig og kom mér
út á flugvöll, til þess að ég kæmist til
fjölskyldunnar sem fyrst.“
Þegar Pétur kom heim var hann
með hugmynd í kollinum um hvernig
hann vildi minnast Stefaníu og einnig
hvernig hann gæti stutt aðra sem
lentu í því sama síðar meir.
„Þegar við hjónin hittumst
ákváðum við strax að sitja ekki að-
gerðalaus, heldur stofna minning-
arsjóð og gefa út geisladisk til að
minnast hennar. Og við lofuðum Stef-
aníu að við myndum láta af þessu
verða, en ekki gefast upp á miðri
leið.“
Sjóðurinn sem um ræðir nefnist
Kærleikssjóður Stefaníu Guðrúnar
Pétursdóttur. Sjóðnum er ætlað að
veita einhverjum af þeim foreldrum
sem missa börnin sín vegna slysa eða
sjálfsvíga fjárhagslegan stuðning.
Pétur segir að það sé mikilvægt að
reyna að aðstoða þá sem þurfa fjár-
hagslegan stuðning. Sorgin sé svo
djúp og mikið þurfi til að ná fótfestu í
lífinu aftur.
„Eitt af því sem nauðsynlegt er
fyrir foreldra, sem verða fyrir því að
missa börnin sín, er að þau fái tæki-
færi til að komast aðeins burt. Þegar
einhverjir mánuðir eru liðnir frá at-
burðinum getur verið gott að fara í
ferðalag og fá að vera í friði. Við hjón-
in höfum ferðast aðeins og það hefur
hjálpað okkur mikið, en því miður
hafa ekki allir ráð á því. Kærleiks-
sjóðurinn mun í upphafi stuðla að því
að foreldrar geti fengið tækifæri til
þess að komast í frí og stefnt er að því
að fyrstu styrkirnir verði veittir árið
2009,“ segir Pétur.
Nú er kominn út geisladiskur til
styrktar sjóðnum. Á diskinum eru
þrettán þekkt lög og glænýtt lag
samið til minningar um Stefaníu af
frændfólki hennar, Sigurði Breiðfjörð
Jónssyni og Valgerði Ólafsdóttur. Að
sögn Péturs var allt gert til að útgáf-
an yrði eins vönduð og kostur var á.
„Það hefur tekið okkur fimm ár að
taka þetta skref. Örfáir sem missa
börnin sín ákveða að stofna sjóð sem
þennan eða fara út í álíka fram-
kvæmdir. Hins vegar hætta nær allir
við þegar það rennur upp fyrir þeim
hversu mikil vinna það er. En við vor-
um í hjörtum okkar búin að lofa Stef-
aníu að láta af þessu verða.“
Pétur segir þó að hann hafi ekki
getað klárað verkið án góðs stuðnings
fjölskyldu sinnar og vina og nefnir
sérstaklega vin sinn, Þorvald Inga
Jónsson.
„Þorvaldur hvatti mig áfram þegar
honum fannst ég hafa tekið það ró-
lega nógu lengi. Hann veitti mér and-
legan stuðning í gegnum allt ferlið og
án hans hefði þetta varla orðið að
raunveruleika.“ Þorvaldur skipar
stjórn minningarsjóðsins ásamt Pétri
og Sigrúnu Eddu, foreldrum Stef-
aníu, Dís Kolbeinsdóttur, sr. Vigfúsi
Þór Árnasyni og Sigríði Emilsdóttur.
Binda vonir við diskinn
Pétur vonast til að sjóðurinn nái að
styrkja fleiri en eina fjölskyldu á ári,
en það fari eftir því hversu miklu þau
nái að safna. Auk þess sem hann hef-
ur verið í sambandi við fyrirtæki
bindur hann miklar vonir við ein-
staklingsframlög.
„Í upphafi lagði góðvinur minn Jó-
hann G. Jóhannsson til lagið Kærleik.
Á diskinum er það
flutt í upprunalegri útgáfu Óð-
manna. Flest lagana eru í upphaflegri
útgáfu með frábærum listamönnum,
Bubba, Björgvini, KK, Ellen og fjöl-
mörgum öðrum. Þetta eru allt af-
skaplega falleg og viðeigandi lög sem
eru á diskinum. Þegar ég hlusta á
diskinn skjótast oft minningarnar
upp í kollinum. Það kemur auðvitað
fyrir að ég og Edda grátum, stundum
af gleði og stundum af sorg og sökn-
uði,“ segir Pétur um geisladiskinn.
„Ég er afar þakklátur öllum þeim
sem komu að gerð geisladisksins á
einn eða annan hátt. Sérstaklega er
ég þakklátur þeim Eiði Arnarssyni í
Senu og Páli Ólafssyni og Birni
Braga í Stúdíó Sýrlandi. Auðvitað má
heldur ekki gleyma listamönnunum
sem góðfúslega veittu leyfi fyrir að
verk þeirra yrðu á diskinum. Einnig
vil ég færa þeim mörgu þakkir sem
aðstoða okkur við að dreifa honum,
halda við heimasíðunni og þeim sem
styrkja sjóðinn.“
Þó nokkur tími sé liðinn frá andláti
Stefaníu segir Pétur að sorgin sé enn
til staðar og verði um ókomna tíð.
„Við ástvinamissi rennur upp fyrir
manni hversu djúp ástin er. Þó svo að
það sé ábyggilega meira af hatri til
staðar í heiminum, þá er ástin mun
sterkari tilfinning og hún ristir
dýpra. Stefanía átti framtíðina fyrir
sér og lífið var rétt að byrja. Hún fór
með vinum sínum til Spánar þar sem
þau ætluðu að skemmta sér saman
áður en að skóli hæfist. En því miður
þá fór sem fór.“
Heimasíða minningarsjóðsins er
www.kaerleikur.is.
Morgunblaðið/Ómar
dda standa að útgáfu geisladisks til að safna í Kærleikssjóðinn.
» Flest laganna eru í
upphaflegri útgáfu
með frábærum lista-
mönnum og flytjendum,
Bubba, Björgvini, KK,
Ellen og fjölmörgum
öðrum.
MORGUNBLAÐIÐ SUNNUDAGUR 31. ÁGÚST 2008 31
Kópavogsbær auglýsir byggingarétt til úthlutunar á eftirtöldum lóð-
um í Smalaholti, Hnoðraholti og Rjúpnahæð:
Smalaholt:
Örvasalir 1 - Einbýlishús á tveimur hæðum.
Um er að ræða lóð fyrir einbýlishús á tveimur hæðum.
Heimiluð hámarksstærð húss er 280 fm. Lágmarks lóðargjöld eru kr. 15.522.361.
Hnoðraholt:
Þrúðsalir 1 - Einbýlishús á tveimur hæðum.
Um er að ræða lóð fyrir einbýlishús á tveimur hæðum.
Heimiluð hámarksstærð húss er 300 m². Lágmarks lóðargjöld eru kr. 15.522.361.
Þrúðsalir 8 - Einbýlishús á einni hæð auk kjallara.
Um er að ræða lóð fyrir einbýlishús á einni hæð auk kjallara.
Heimiluð hámarksstærð húss er 300 m². Lágmarks lóðargjöld eru kr. 15.522.361.
13. Þrúðsalir 13 - Einbýlishús á tveimur hæðum.
Um er að ræða lóð fyrir einbýlishús á tveimur hæðum.
Heimiluð hámarksstærð húss er 300 m² . Lágmarks lóðargjöld eru kr. 15.522.361.
Þorrasalir 25 - Einbýlishús á tveimur hæðum.
Um er að ræða lóð fyrir einbýlishús á tveimur hæðum.
Heimiluð hámarksstærð húss er 300 m². Lágmarks lóðargjöld eru kr. 15.522.361.
Rjúpnahæð:
Akrakór 8 - Einbýlishús á einni hæð auk kjallara.
Um er að ræða lóð fyrir einbýlishús á einni hæð frá götu séð auk kjallara.
Heimiluð hámarksstærð húss er 350 m². Lágmarks lóðargjöld eru kr.15.522.361.
Akrakór 12 - Einbýlishús á einni hæð auk kjallara.
Um er að ræða lóð fyrir einbýlishús á einni hæð frá götu séð auk kjallara.
Heimiluð hámarksstærð húss er 350 m². Lágmarks lóðargjöld eru kr.15.522.361.
Austurkór 163 - Parhús á einni hæð.
Um er að ræða lóð fyrir parhús á einni hæð (ein íbúð).
Heimiluð hámarksstærð húss er 170 m². Lágmarks lóðargjöld eru kr. 10.788.298.
Austurkór 165 - Parhús á einni hæð.
Um er að ræða lóð fyrir parhús á einni hæð (ein íbúð).
Heimiluð hámarksstærð húss er 170 m². Lágmarks lóðargjöld eru kr. 10.788.298.
Austurkór 54 - Einbýlishús á einni hæð auk kjallara.
Um er að ræða lóð fyrir einbýlishús á einni hæð frá götu séð auk kjallara.
Heimiluð hámarksstærð húss er 400 m². Lágmarks lóðargjöld eru kr. 15.465.182.
Austurkór 93 - Einbýlishús á einni hæð.
Um er að ræða lóð fyrir einbýlishús á einni hæð.
Heimilaður hámarksgrunnflötur húss er 250 m². Lágmarks lóðargjöld eru kr. 15.465.182.
Austurkór 107 - Einbýlishús á einni hæð auk kjallara.
Um er að ræða lóð fyrir einbýlishús á einni hæð frá götu séð auk kjallara.
Heimiluð hámarksstærð húss er 280 m². Lágmarks lóðargjöld eru kr. 15.465.182.
Austurkór 111 - Einbýlishús á tveimur hæðum.
Um er að ræða lóð fyrir einbýlishús á tveimur hæðum.
Heimiluð hámarksstærð húss er 400 m². Lágmarks lóðargjöld eru kr. 15.465.182.
Austurkór 113 - Einbýlishús á tveimur hæðum.
Um er að ræða lóð fyrir einbýlishús á tveimur hæðum.
Heimiluð hámarksstærð húss er 400 m². Lágmarks lóðargjöld eru kr. 15.465.182.
Austurkór 129 - Einbýlishús á einni hæð
Um er að ræða lóð fyrir einbýlishús á einni hæð.
Heimiluð hámarksstærð húss er 250 m². Lágmarks lóðargjöld eru kr. 15.465.182.
Austurkór 143 - Einbýlishús á tveimur hæðum
Um er að ræða lóð fyrir einbýlishús á tveimur hæðum.
Heimiluð hámarksstærð húss er 400 m². Lágmarks lóðargjöld eru kr. 15.465.182.
Austurkór 49- 53 - Raðhús á tveimur hæðum - 3 íbúðir
Um er að ræða lóð fyrir þriggja íbúða raðhús á tveimur hæðum.
Heimiluð hámarksstærð húss er 264 m². Lágmarks lóðargjöld eru kr. 10.748.479 fyrir hverja
íbúð.
Austurkór 19-21, 23-25 - Klasahús á tveimur hæðum - 8 íbúðir
Um er að ræða lóð fyrir tvö hús á tveimur hæðum með 4 íbúðum í hverju húsi.
Heimiluð hámarksstærð húss er 600 m². Lágmarks lóðargjöld eru kr. 26.610.686.
Austurkór 27-29, 31-33 - Klasahús á tveimur hæðum - 8 íbúðir
Um er að ræða lóð fyrir tvö hús á tveimur hæðum með 4 íbúðum í hverju húsi.
Heimiluð hámarksstærð húss er 600 m². Lágmarks lóðargjöld eru kr. 26.610.686.
Ofangreindar lóðir eru byggingarhæfar. Nánar verður kveðið á um afhendingu í úthlutunarbréfi. Lóðargjöld
eru bundin byggingarvísitölu og breytast með henni. Lóðargjöld eru lágmarksgjöld og miðast við ákveðna
stærð. Greiða þarf viðbótargjöld ef stærra er byggt. Úthlutunargögn ásamt umsóknareyðublöðum og úthlut-
unarreglum fást afhent hjá þjónustuborð Kópavogs, Fannborg 2, 1. hæð, alla virka daga frá kl. 8-16:00. Um-
sóknum skal skilað á sama stað fyrir kl. 16:00 mánudaginn 15. september nk. Vakin er athygli á reglum
Kópavogsbæjar um úthlutun á byggingarétti fyrir íbúðarhúsnæði. Þá er jafnframt vakin sérstök athygli á því
að umsóknum einstaklinga um byggingarétt þarf að fylgja staðfesting banka eða lánastofnunar á greiðslu-
hæfi. Fyrir umsækjendur einbýlishúsalóða kr. 35 milljónir. Fyrirtækjum ber að skila ársreikningi sínum fyrir ár-
ið 2007. Yfirlýsing frá banka og lánastofnunar um greiðsluhæfi og lánamöguleika umsækjenda skal vera án
fyrirvara. Æskilegt er að umsækjendur leggi inn skattframtal.
Bæjarstjórinn í Kópavogi.
Kópavogsbær
Úthlutun á byggingarétti
, ,magnar upp daginn