Morgunblaðið - 05.09.2008, Blaðsíða 18

18 FÖSTUDAGUR 5. SEPTEMBER 2008 MORGUNBLAÐIÐ
MENNING
ÞORGERÐUR Agla Magnúsdóttir
hefur verið ráðin framkvæmdastjóri
Bókmenntasjóðs. Hún er bók-
menntafræðingur frá Háskóla Ís-
lands og M.Sc. í menningarstjórnun
frá Queen Margaret University í
Edinborg. Þorgerður Agla hefur
undanfarin ár starfað hjá bóka-
forlaginu Bjarti-Veröld og situr
einnig í stjórn Bókmenntahátíðar í
Reykjavík. Alls sótti 21 um starfið
en það var auglýst 10. ágúst sl.
Þorgerður Agla segir sjóðinn það
nýjan af nálinni að enn sé verið að
móta stefnur í ýmsum málum. Hlut-
verk Bókmenntasjóðs er að efla ís-
lenskar bókmenntir, þýðingar á er-
lendum ritum á íslensku, íslenska
bókmenningu, bókaútgáfu og stuðla
að útbreiðslu og kynningu á íslensk-
um bókmenntum erlendis.
Þorgerður Agla segir starfið fela
margt í sér, m.a. að fara yfir um-
sóknir um þýðinga- og útgáfustyrki.
„Það er verið að móta stefnuna í því
hverjar áherslurnar verða í framtíð-
inni, það sem lýtur að öðrum skyld-
um sjóðsins, eins og kynningu á bók-
um hérlendis og erlendis.“
Njörður Sigurjónsson, sem gegnt
hefur starfi framkvæmdastjóra, hef-
ur verið ráðinn forstöðumaður
Rannsóknarmiðstöðvar Háskólans á
Bifröst. Bókmenntasjóður tók til
starfa í fyrra. Nánari upplýsingar
um sjóðinn má finna á www.bok.is.
| helgisnaer@mbl.is
Morgunblaðið/G.Rúnar
Bók í hendi Þorgerður Agla.
Stefnan
mótuð
Nýr framkvæmda-
stjóri tekur við hjá
Bókmenntasjóði
FULLTRÚAR
gallerísins Baltic
Centre for Con-
temporary Arts í
Gateshead á
Englandi mættu
fyrir rétti í gær,
vegna ákæru um
að hafa sært
blygðunarkennd
manna með því
að sýna gifsstyttu af Jesú Kristi
með holdris. Stytta þessi var á sýn-
ingunni Gone, Yet Still, sem hófst í
september í fyrra og lauk í janúar
síðastliðnum. Styttan var meðal
tuga annarra í innsetningu kín-
verska listamannsins Terence Koh.
Auk Jesústyttunnar mátti þar sjá
styttur af Mikka mús og ET.
Emily nokkur Mapfuwa varð svo
móðguð er hún sá styttuna af Jesú
að hún fór í mál við galleríið. Þótti
henni styttan særa blygðunarkennd
fólks og valda hugarangri. Map-
fuwa benti á að svona yrði aldrei
farið með Múhameð spámann.
Kristileg samtök í Northumbria
slógust í lið með henni og hétu því
að greiða allan málskostnað.
Fulltrúar gallerísins bera við
sakleysi, en málið verður tekið fyr-
ir aftur 23. september.
Málsókn út
af dónaleg-
um Kristi
Styttan umdeilda.
SÝNING á verkum Kristínar
Rögnu Gunnarsdóttur fyrir
bókina Örlög guðanna verður
opnuð í Þjóðminjasafninu á
morgun. Bókin kom út fyrir
hálfum mánuði og er um nor-
ræna goðafræði. Í bókinni má
finna allar helstu sögurnar af
norrænum goðum og gyðjum í
endursögn sem höfða á til allr-
ar fjölskyldunnar. Ingunn Ás-
dísardóttir er höfundur text-
ans og útgefandi er Mál og menning. Kristín
Ragna hannaði jafnframt bókina. Sýningin verður
opnuð kl. 14 og mun Ingunn lesa upp úr bókinni.
Þá munu Ingunn og Kristín árita bækur og léttar
veitingar verða í boði fyrir gesti.
Myndlist
Örlög guðanna í
Þjóðminjasafni
Ein af myndum
Kristínar Rögnu
NÝTT gallerí, Marló, verður
opnað í dag kl. 18 á Laugavegi
82. Galleríið er í eigu Mar-
grétar Lóu Jónsdóttur og verð-
ur lögð sérstök áhersla á að
sýna og selja teikningar og
grafík eftir framsækna lista-
menn nokkurra kynslóða sem
spanna vítt svið íslenskrar
myndlistar. Í galleríinu verða
m.a. til sölu verk eftir Birgi
Snæbjörn Birgisson, Bjarna
Hinriksson, Halldór Baldursson, Hallgrím Helga-
son, Helga Þorgils Friðjónsson, Hugleik Dagsson,
Lóu Hlín Hjálmtýsdóttur, Ragnhildi Jóhanns-
dóttur, Sigríði Melrós Ólafsdóttir, Söru Björns-
dóttur og Þórarin Leifsson.
Myndlist
Áhersla á grafík
og teikningar
Trérista eftir
Sigríði Melrós
Á MORGUN verður haldin
ráðstefna í hátíðarsal Háskóla
Íslands um strúktúralisma í
mannvísindum, í tilefni af ald-
arafmæli franska mannfræð-
ingsins Claudes Lévi-Strauss
sem talinn er einn helsti kenn-
ingasmiður síðustu aldar.
Ráðstefnan hefst klukkan 10
og lýkur kl. 16. Hún er á vegum
Hugvísindastofnunar og
Mannfræðistofnunar með að-
stoð sendiráða Frakklands, Kanada og rektors
Háskóla Íslands og verða fluttir sjö fyrirlestrar
og fara þeir flestir fram á ensku. Aðalfyrirlesarar
verða Philippe Descola frá Collège de France og
Margaret Lock, mannfræðingur frá Kanada.
Fræði
Um strúktúralisma
í mannvísindum
Claude
Lévi-Strauss
ÁSDÍS Sif Gunnardóttir og Ingibjörg Magnadóttir skrifa handrit
og leikstýra kvikmyndinni Háveruleiki sem frumsýnd verður í
Regnboganum í kvöld. Leikarahópurinn er mjög fjölbreyttur og
telur m.a. myndlistarmenn, fyrrverandi sjónvarpsstjóra og hár-
greiðslumenn. „Þetta er kvikmyndagerðarhópurinn Hin dýra list
og svo vinir og ættingjar sem bættust í hópinn,“ segir Ásdís Sif.
Myndin fjallar um sértrúarsöfnuð. „Þessi söfnuður trúir því að
draumur sé það sama og raunveruleiki. Hann hefur líka ýmiskon-
ar reglur, til dæmis að það má ekki tala illa um fólk og það má ekki
tala um fortíðina.“
Hún segir að myndin hafi hvorki upphaf né endi, heldur sé hún
samsett af litlum sögum sem eru fléttaðar saman. „Það koma líka
inn í þetta vídeóverk, svo maður hefur aldrei á hreinu hvað er að
gerast.“
Fjölbreyttur söfnuður
Leikarahópurinn í Háveruleika
kemur úr öllum áttum Geðlæknir og klæðskiptingur: Benedikt Erlingsson
Kona í leit að hjálp: Laufey Elíasdóttir
Leiðtogi: Ragnar Kjartansson
Kærasta og dansari: Ingibjörg Magnadóttir
Kærasti: Egill Sæbjörnsson
Dagbjört: Ásdís Sif Gunnarsdóttir
Kærasti Dagbjartar: Jón Atli Jónasson
10 ára strákur: Curver Thoroddsen
Mamma: Guðrún Ásmundsdóttir
Pabbi: Magni R. Magnússon
Mamma: Steinunn Guðlaugsdóttir
Hommi: Skjöldur Eyfjörð
Fréttamaður 1: Jón Hallur Stefánsson
Fréttamaður 2: Jón Óttar Ragnarsson
Meðlimur í sértrúarsöfnuði: Guðmundur Oddur
Persónur og leikendur
Kærasti Egill Sæbjörnsson í
hlutverki sínu í Háveruleika.
EFtir Gunnhildi Finnsdóttur
gunnhildur@mbl.is
UNDANFARNA fjóra mánuði
hefur myndlistarmaðurinn Ásdís
Sif Gunnarsdóttir verið á flakki
um heiminn og tekið upp efni á
myndbönd. Þau eru efniviðurinn í
sýningu á vídeóverkum sem hún
opnar annað kvöld í Kling & Bang
gallerí. Sýningin ber yfirskriftina
Appelsínurauði eldurinn sem þú
sýndir mér í Hljómskálagarðinum
og er Hekla Dögg Jónsdóttir sýn-
ingarstjóri. Texti og myndir spila
þar saman, en titillinn er sóttur í
útvarpsleikrit sem Ásdís Sif samdi
og flutt var á Rás 1 í vetur.
Hún segir að líta megi á vídeó-
verkin að vissu leyti sem málverk.
„Þegar maður er að setja sýn-
inguna upp þarf maður að finna
staði fyrir allt og þá teiknar mað-
ur inn í rýmið.“
Vídeó í ljóði
Vídeóverkunum er varpað á
veggi sýningarsalarins svo að
gestir ganga um inni í þeim.
„Þetta eru þrjú vídeóverk sem ég
gerði á þessu ári og þau fljóta um
sýningarrýmið bæði á skjám og
veggjum. Þetta er svolítið eins og
vídeó í ljóði.“
Hún segist leggja upp með
ákveðna tilfinningu sem hún
spinnur svo út frá og breytir í orð
og myndir. „Þetta er byggt upp
þannig að ég fæ hugmynd að ein-
hverri ákveðinni stemningu og svo
klippi ég þetta saman til þess að
búa hana til. Þetta er unnið mjög
mikið út frá tilfinningum og ég er
aldrei með neitt handrit. Ég beini
oft myndavélinni frá mér þegar ég
er úti að labba. Myndböndin eru
tekin í París, Kanada, Belgíu,
New York, Berlín og New Or-
leans, þannig að þetta eru klippur
úr líkamlegu og sálrænu ferða-
lagi.“
Sýningin verður opnuð klukkan
átta og tveimur tímum síðar býður
Ásdís Sif upp á sjónrænt leikrit
eftir sig sem heitir Fallegi, við-
kvæmi konungdómur þinn sem
Guðrún Ásmundsdóttir leikstýrir.
„Það á sér rætur í ljóðum sem ég
er búin að vera að skrifa og fjalla
mikið um ástina,“ segir hún.
Appelsínu-
rauður eldur
Ásdís Sif Gunnarsdóttir sýnir vídeóverk
og leikrit í Kling & Bang galleríi
Morgunblaðið/Golli
Á ferð „Þetta eru klippur úr líkamlegu og sálrænu ferðalagi,“ segir Ásdís
Sif Gunnarsdóttir um verk sín sem hún sýnir í Kling & Bang.
„Mig dreymdi að þú værir að
tala um þig og ég bað þig um
að endurtaka þig. Því í orð-
unum var algjör sannleikur.
Eitthvað sem þú þurftir að
heyra! Sannleikur já, mig
langaði til að vita hvað ég
ætti að gera. Þetta er svo
fall-eg rödd. Þessi rödd sann-
leikans. Ég skil ekki alveg
þennan draum en hann sækir
á mig, ég fæ ljúfsára tilfinn-
ingu. Þegar ég er búinn að
klára listaverk, þá líður mér
eins og að ég hafi labbað út á
enda veraldar og er búinn að
tapa tíma og rúmi, þá hef ég
ekkert meira að segja. Allt er
án upphafs og endis og ég
breytist í ungling aftur.“
Úr leikritinu Fallegi, við-
kvæmi konungdómur þinn
eftir Ásdísi Sif Gunnars-
dóttur.
Orðrétt