Skinfaxi - 01.10.1928, Blaðsíða 2

82
SKINFAXI
GrærTeru laufin og leggir,
langa það vegu má sjá.
Regnbogans lifa þar litir
ljómandi blaðkrónum á.
Skrúður er rósfagur reitur,
rótin er öflug og sterk.
Alúð og ræktunar ástin
unnu þar sameinað verk.
Þú, sem ert fæddur við fjöllin
fögur, en hrjóstrug og grá,
skoðaðu Skrúð, og þú kynnist
skapandi ræktunarþrá.
Skrúður er brosandi blettur,
blettur, sem vert er að sj'á,
sýnir hve mild er og máttug
moldin, sem landið þitt á.
Guðra. Ingi Kristjánsson
U. M. F. Bifröst.
1930.
„Skunduin á Þingvöll og treystutn vor heit“.
Svo kvað góðskáldið fyrir nokkrum áratugum og
enn verður svipuð hugsun I herhvöt þjóðarinnar 1930
og verður jafnvel enn sterkara að kveðið.
Heil þjóð í hátíðahug á helgum stað, ef hollvættir
lands og þjóðar vilja oss nokkuð veita þá er það á
slíkum tíma. Eg býst við því að ekki þurfi á þetta að
minna.
Með hverjum pósti og miklu oftar heyrast raddir
hvaðanæfa um þessa miklu væntanlegu þjóðarsamkomu.
Flestir virðast sammála um það að tnikinn viðbúnað
þurfi og að naumur sé tíminn, en jafnhliða þessu virðist
einhver uggur og ótti vera í mönnum um það að mjög