Skinfaxi - 01.11.1928, Blaðsíða 9
SKINFAXI
105
í Björgvin í Norvegi var siðastliðið sumar
haldin ein hinna meiri og merkilegri sýn-
inga — „Norska landssýningin“. —- Á bréf-
um öllum og öðrum pósti er frá Norvegi
kom stóð áletrað: „Heimsækið landssýninguna.1' Og að
sjálfsögðu var margt og mikið gert til þess, að draga
athygli annara þjóða að þessari sýningu og fá fólk til
að sækja til Björgvinjar.
Björgvin liggur á margan hátt bæja best í Noregi.
Hún er mest meðlendis og samgöngur ágætar, í allar
áttir, bæði á sjó og landi. Hún er og gamalþektur bær
og góðkunnur. Er því ekki óeðlilegt að þá er nokkuð
skal framkvæmast eða vera á boðstólum fyrir Norveg i
heild sé valinn staður í Björgvin og þannig var því
háttað með þessa sýningu.
Sýningunni var komið fyrir á völlum umhverfis stöðu-
vatn eitt Litla Lungegaardsvatn, sem er nær miðjavega
1 aðalbænum, og þó litlu norðar. Litla og Stóra Lunge-
gaardsvatn heita nú eftir dönskum manni — Lungegaard,
sem, eins og fleiri danir, um eitt skeið var ráðandi I
Björgvin. En áður hafa vötnin heitið Álreks- eða Ál-
reksstaðavogur eftir kongsbænum uppi undir hlíðinni,
þar sem Hákon konungur góði óskaði eftir að hann
fengi að deyja.
Vellir sem eru auðir umhverfis vatnið, og
á þrjá vegu ná nokkuð útfrá, voru afgirtir
með hárri timburþilsgirðingu svo að ekki
mátti yfir sjá. Einn aðalinngangur var á
þessari stóru girðingu og vissi að götu er liggur þvers
um miðbæinn og er bæjargarðurinn (Byparken) á aðra
hönd. Ekki varð farið inn á öðrum stöðum, en útgang-
ar voru ýmsir. lnnan girðingar þessarar voru svo þær
mörgu byggingar reistar er inni byrgðu það alt, sem
undir þaki hlaut að vera.
Byggingarnar voru aðallega tvennskonar: Stórbygg-
ingar, skálar eða sýningar „hallir“ (eins og Norðmenn
Sýningar-
svæðið.
Sýningin í
Björgvin.