Skinfaxi - 01.11.1965, Blaðsíða 6

íslenzk æska úr sveitum og þéttbýii rak
af sér slyðruorðið á þessu móti. Háværar
raddir höfðu spáð slæmri framkomu og
svalli þegar þúsundir æskufólks mættust á
þessari stóru útiskemmtun. En unga fólk-
ið hrakti sjálft þessar hrakspár út í veður
og vind með kurteislegri hegðun og æsku-
gleði, sem ekki lenti á villigötum áfengis-
neyzlu eða óláta. Allir virtust skemmta sér
vel við frjálst útilíþíþróttakeppni, menn-
ingardagskrá og dans. Tugþúsundir hurfu
frá þessu móti með góðar endurminning-
ar um fagra sumardaga og ógleymanlega
skemmtun á 12. landsmóti UMFÍ.
Ný íþróttamannvirki
Um leið og landmótið hófst voru vígð
og tekin í notkun ný og vegleg íþrótta-
Hafsteinn Þorvaldsson, framkvæmda-
stjóri 12. Iandsmótsins.
mannvirki á Laugarvatni. Eru það tveir
ágætir íþróttavellir, annar grasvöllur af
löglegri stærð með góðum hlaupabrautum
og ágætri aðstöðu til keppni í frjálsíþrótt-
um og knattleikjum, en hinn er malarvöll-
ur fyrir knattspyrnu.
Þá var komið fyrir bráðabirgðasundlaug,
25 metra langri, í hinu skemmtilegasta um-
hverfi á mótssvæðinu. Voru veggir sund-
laugarinnar úr timbri, en kiæddir innan
með plasti. Landsmótsnefnd hafði sam-
vinnu við íþróttafulltrúa ríkisins um inn-
flutning á plastlauginni, og leysti þessi
nýjung sundlaugarvandamálið á mótinu. Ef
þessarar laugar hefði ekki notið við, hefði
orðið að láta sundkeppni mótsins fara fram
í Hveragerði, líkt og gera varð á Þing-
vallamótinu 1957.
Á mótssvæðinu var einnig reistur geysi-
stór sýninga- og íþróttapallur með um 600
fermetra trégólfi. Þar fóru fram íþrótta-
sýningar, keppni í körfuknattleik og glímu
og á kvöldin voru þar dansleikir.
Skammt frá íþróttavöllunum var áðstaða
til keppni í flestum greinum starfsíþrótta
karla, svo sem búfjárdómum og dráttar-
vélaakstri. Á svipuðum slóðum var véla-
sýning ýmissa innflutningsfyrirtækja, sem
sýndu þar bíla og landbúnaðarvélar.
Oll þessi mannvirki höfðu verið reist á
hinu gamla Laugarvatnstúni, og var þeim
sérstaklega vel og skipulega fyrir komið.
Aðstaða fyrir áhorfendur var mjög góð við
öll þessi íþróttamannvirki. Keppendur á
landsmótum UMFÍ hafa aldrei haft svona
góðar keppniaðstæður, sérstaklega var nýi
leikvangurinn mikil framför frá því sem
áður hefur tíðkazt á landsmótum.
6
SKINFAXI