Skinfaxi - 01.11.1965, Blaðsíða 8
grænum vellinum tók til máls Árni Guð-
mundsson, skólastjóri íþróttakennaraskóla
íslands á Laugarvatni, en nýju íþróttavell-
irnir eru eign þess skóla. Lýsti Árni ánægju
sinni með byggingu íþróttavallanna og
bauð ungmennafélaga velkomna til keppni
á þeim. Árni kvað það sérstakt gleðiefni,
að landsmóti UMFÍ skyldi valinn staður á
Laugarvatni, þar sem nú væri að rísa full-
komin íþróttamiðstöð.
Þar næst flutti dr. Gylfi Þ. Gíslason
menntamálaráðherra ræðu í tilefni vígslu
íþróttavallanna. Dr. Gylfi óskaði íslenzkum
æskulýð allra heilla og sérstaklega þeirri í-
þróttaæsku úr ungmennafélögunum, sem
þarna var saman komin. Ráðherrann ræddi
um hinn stóra þátt ungmennafélagshreyf-
ingarinnar í sjálfstæðisbaráttunni. Sú bjart-
sýni og sá stórhugur, sem ungmennafélagar
hefðu blásið þjóðinni í brjóst, hefði átt
stóran þátt í sigrum í sjálfstæðisbaráttunni
og framförum í verkmenningu og almennri
menntun. Ráðherrann minnti á, að verk-
efni ungmennafélagshreyfingarinnar væru
stór og ævarandi, og óskaði þess að UMFÍ
mætti takast vel að rækja hlutverk sitt í
framtíðinni, leiða æskuna til aukinna
dyggða og meiri þroska, á sama hátt og
frumherjarnir kveiktu neista bjartsýni með
þjóðinni í árdaga hreyfingarinnar.
Þá óskaði ráðherrann fþróttakennaraskól-
anum, öðrum skólum að Laugarvatni og
íþróttaæsku landsins til hamingju með hin
nýju íþróttamannvirki á staðnum: „Henni
eru þessi mannvirki helguð. Megi hún
vinna mikil afrek, en fyrst og fremst óska
ég þess að hún megi vaxa að manndómi,
að hún Iæri að nota rétt sinn og gegna
skyldum sínum." Með þessum orðum vígði
menntamálaráðherra hin nýju íþróttamann-
virki. Að svo búnu lék hljómsveitin „Rís
þú unga íslands merki", og þjóðfánar allra
Norðurlandanna, sex að tölu, voru dregnir
að hún.
Síðasta atriðið í setningarathöfninni var
ræða Eiríks J. Eiríkssonar formanns UMFÍ.
Er ræða hans birt í heild á öðrum stáð
hér í blaðinu. Að Iokinni ræðu formanns
var „hvítbláinn", merki UMFÍ, dreginn að
hún og hljómsveitin lék þjóðsönginn. Þátt-
takendur gengu síðan skipulega af leikvelli,
og hátíðlegri, látlausri en áhrifamikilli setn-
ingarathöfn 12. landsmóts UMFÍ var lokið
Keppni hefst
Mikill mannfjöldi var kominn til leik-
vangs þegar er setningarathöfnin hófst.
Stöðugt fjölgaði áhorfendum er á leið
morguninn, og skipti fjöldinn brátt þús-
undum.
Þegar að setningarathöfn lokinni hófst
keppni í frjálsum íþróttum, sundi og starfs-
íþróttum, en keppni í einni grein starfs-
íþrótta hafði þó farið fram á föstudags-
kvöld. Stöðugt streymdu áhorfendur til í-
þróttasvæðanna. Raddir þulanna hljómuðu
í gjallarhornum, og hvatningarhróp ogklið-
ur heyrðist brátt við leikvanginn og sund-
laugina. Skömmu síðar fór fyrsti knatt-
spyrnukappleikurinn fram og áttust þar við
lið Skagfirðinga og lið Ungmennafélags
Keflavíkur, sem hafði í sínum hópi all-
marga kunna knattspyrnukappa úr íslands-
meistaraliði ÍBK.
Það sem vakfi athygli við íþróttakeppn-
ina, voru ekki sérstök afrek eða met ein-
staklinga, heldur hin glæsilega þátttaka í
8
SKINFAXl