Skinfaxi - 01.11.1965, Blaðsíða 13

sonar er við ræddum um undirbúning þessa
móts á fundi með forráðamönnum staðar-
ins. „Vitanlega verður ykkur lögð til öll
aðstaða hér á staðnum, sem þið þurfið með
til að halda ykkar mót, — þið eruð að
vinna að uppeldi og framtíð æskunnar í
landinu eins og við."
Þakka þér fyrir þessi ummæli, Bjarni
Bjarnason. Slík orð og óskir hæfa höfð-
ingjum einum og gleymast ekki.
Er ekki einmitt hér kjarni málsins?
Hvort þetta mót tekst vel eða ekki — er
ekki einkamál örfárra manna sem lagthafa
saman nótt og dag að undanförnu við að
undirbúa mótið, það er spurning um það
hvort íslenzk æska verður fær um það að
taka við arfinum frá þeim eldri og skila
honum með sóma fram á leið. Kannski er
það vegna alls þessa að það heftir verið
létt verk að undirbúa þetta mót, þó það
hafi verið nokkuð erfitt.
Við höldum hátíð í dag. Veðurguðirnir
hafa verið okkur hliðhollir að undanförnu.
Megi sú heiðríkja, sem ríkt hefur yfir
þessum stað — og það geislaflóð, sem ár-
degissólin sendi hingað yfir þessi fallegu
mannvirki við sólarris s.l. nótt, verða tákn
þess manndóms og drengskapar, sem héðan
kemur íslenzkum æskulýð til heilla og
blessunar á ókomnum tíma.
Ungmennafélögin hafa verið undir smá-
sjá þjóðarinnar á þessu móti. — Mín loka-
orð eru þessi:
Ef við treystum æskunni, svíkur hún
okkur ekki.
Ég segi þessa hátíðasamkomu setta."
Vig'nir Valtýsson (HSÞ) sigraði í kcppni í akstri dráttarvéla.
SKINFAXI
13