Skinfaxi - 01.12.1969, Blaðsíða 3
1909 Skinfaxl 1969
Tímarit' Ungmennafélags íslands — LX. árgangur — 6. heftí — Desember 1969
Ritstjóri Eysteinn Þorvaldsson ■— Út koma 6 hefti á ári hverju, hvert 32 síður.
FUNDARDAGUR 0G FUNDARÍTMI
Flestum okkar er kunn sú þróun er átt
hefur sér stað á undanförnum árum í
fundarsókn og félagsmálastörfum. Það
er orðið mjög erfitt að fá menn til að
mœta á fundum og taka þátt í félags-
störfum.
Staðreyndin er því miður sú, að allur
félagsmálaáhugi hefur stórminnkað. —
Það er margt, sem glepur, útvarp, sjón-
varp, kvikmyndir og alls konar skemmti-
samkomur.
Ungmennafélögin hafa ekki farið var-
hluta af þessari þróun. Af skýrslum fé-
laganna sést, að mörg þeirra halda ekki
nema einn fund á ári, og sum halda
ekki aðalfundi reglulega. Þegar svo er
komið eru hin félagslegu málefni að
mestu leyst af formanni, í sumum til-
fellum af stjórninni, og er þá vanalega
stutt í að félagið sé raunverulega eins
manns félag. Samt er, sem betur fer,
oft allmikil starfsemi hjá félögunum, þó
ekki takist að halda félagsfundi.
Ungmennafélögin hafa yfirleitt °kki
fasta, ákveðna fundardaga, en það
er staðreynd, að í þeim félagssamtökum
er hafa slíkt fyrirkomulag, er bezt fund-
arsókn. Ungmennafélögin œttu að reyna
þetta fyrirkomulag: Ákveða fastan fund-
ardag, t. d. fyrsta mánudag í hverjum
mánuði, auglýsa síðan fundarstað og
tíma, þannig að allir félagar viti að það
er alltaf fundur á þessum ákveðna degi.
Dagskrá þarf ekki að vera margbrotin:
félagsstarfið, upplestur, umrœður, kaffi
eða öldrykkja. Ef félagssvœðið er mjög
fámennt, geta félagarnir haldið fundina
til skiptis heima hjá sér.
Ungmennafélögin hafa um langan ald-
ur verið stœrsti félagsmálaskóli þjóðar-
innar. Til þess að svo verði áfram þurf-
um við að auka og efla fundarsóknina
og þar með félagsstarfið.
G. Sveinsson
SKINFAXI
3