Skinfaxi - 01.12.1969, Blaðsíða 8

Ungmennaíélag Njarðvíkur
Laugardaginn 25. okt. s.l. hélt Ung-
mennafélag Njarðvíkur hátíðlegt 25 ára
afmæli sitt, ásamt Kvenfélaginu Njarð-
vík, í hinu glæsilega félagsheimili
Stapa. Bæði félögin eru stofnuð lýð-
veldisárið 1944, ungmennafélagið 10.
apríl, en kvennafélagið 17. apríl. Af-
mælisfagnaðinn sóttu um 300 manns,
þar af margir gestkomandi boðsgestir.
Ibúar Njarðvíkurkauptúns, sem eru
aðeins liðlega 2000 að tölu, munu eiga
fjársterkasta sveitarfélagið á landinu
miðað við höfðatölu og sér þess vissu-
lega merki í kauptúninu. Ungmenna-
félag Njarðvíkur er nærri því jafn-
gamalt sveitarfélaginu, og hefur því
vaxið upp með því og tvímælalaust
sett svip sinn á líf og framkvæmdir í
samfélagi Njarðvíkinga. I Njarðvík er
eitthvert glæsilegasta félagsheimili
landsins, þar eru góðir íþróttavellir,
bæði grasvöllur og malarvöllur, rúm-
gott íþróttahús og annað stórt og full-
komið íþróttahús nærri fullsmíðað
ásamt sundlaug. Það er því augljóst,
að æskufólki þessa kauptúns er vel
séð fyrir hinum ytri aðstæðum til
menningarlegs íþrótta- og félagsstarfs.
Sveitarstjórnin hefur skilið vel þýðingu
Ungmennafélagsins í þessu starfi og
stutt það á ýmsa vegu.
I tilefni afmælisins heiðraði Ung-
mennafélagið þrjá af fyrstu stjórnar-
mönnum félagsins, og var þeim afhent
heiðurmerki félagsins fyrstum manna.
Ólafur Sigurjónsson hlaut gullmerki
Ungmennafélags Njarðvíkur fyrir frá-
bær störf í þágu félagsins, en hann var
formaður þess í 23 ár, og fyrir margvís-
legan stuðning á opinberum vettvangi.
Ólafur er nú oddviti Njarðvíkurhrepps
og framkvæmdastjóri félagsheimilisins
Stapa.
Karvel ögmundsson hlaut silfur
merki fyrir að hafa öðrum fremur hvatt
til stofnun félagsins og fyrir ýmis störf
í þágu þess og veittan stuðning alla tíð.
Þá hlaut Oddbergur Eiríksson silfur-
merki félagsins fyrir 17 ára stjórnar-
störf og margþætta leiðsögn og stuðn-
ing félaginu til handa.
Fyrsti fullkomni
grasvöllurinn var
byggður í Njarðvík.
Myndin er frá kappleik
á vellinum. f baksýn
er íþróttahúsið.
8
SKINFAXI