Skinfaxi - 01.12.1969, Blaðsíða 16
Unglingar úr HSK að
melskurði á
Landeyjasandi. Lengst
til vinstri er Erlendur
á Skíðbakka að
fylgjast með verkinu.
(Ljósm. Sv. ísleifsson).
allt svæðið grænt næsta ár, þegar farið
verður, sem ég vona fastlega að verði,
því verkefnin eru óþrjótandi.
Nokkuð af fólkinu dreifði einnig
áburði og fræi í Hvítárnesi og þar voru
smíðaðir skjólgarðar gegn sandfoki,
sem hafa gefizt mjög vel.
Uppúr fjögur á sunnudag var farið
að halda heim og voru sumir orðnir
hálfkaldir og lerkaðir af allri rigning-
unni, sem alltaf var jafnmikil. Var ferð-
in vel heppnuð að öðru leyti en því, hve
veðrið fór illa með okkur.
Þetta starf er afskaplega þroskandi
og skemmtilegt fyrir ungt fólk og er
sannarlega verðugt verkefni fyrir ung-
mennafélagshreyfinguna og er óskandi
að það aukist og haldi áfram á næstu
árum.
Melskurður
Seinni landgræðsluferðin var ölhi sér-
stæðari því að hún var farin austur á
Landeyjarsand til að safna melfræi.
Melskurður hefur að mestu legið niðri
undanfarin ár og hefur verið erfitt að
fá menn í þessa vinnu. H. S. K. bauðst
til að skera mel í sjálfboðavinnu einn
dag og tóku forráðamenn Landgræðslu
Islands því fegins hendi. — Þátttakend-
ur voru um 60 og flestir á aldrinum
12—14 ára. A austurleið fórum við inn
Fljótshlíðina og síðan yfir Markarfljóts-
aura hjá Stóra-Dímon. Þar var áð en
síðan haldið niður í Austur-Landeyjar,
þangað sem ferðinni var heitið. Þegar
við komum niður á sandinn blasti við
okkur geysistórt flæmi vaxið melgrasi
með fullþroskuðu fræi, tilbúið til skurð-
ar. Þessi sandur hefur verið græddur
upp á síðustu 10 til 15 árum en áður
gekk sjórinn alltaf meira og meira á
sveitina og minnkaði hana stöðugt.
Erlendur bóndi á Skíðabakka, helzti
áhuga- og framkvæmdamaðurinn við
þessa landgræðslu, var með okkur og
leiðbeindi við melskurðinn, þar sem
fæstir þátttakenda höfðu snert á slíku
fyrr. Veður var sæmilegt um daginn
eftir því sem maður átti að venjast
þetta alræmda rigningasumar sem gekk
yfir Suðurland nú í ár. Það kom aðeins
ein hellidemba um hádegisbilið sem
verður að kallast vel sloppið. Fólk vann
16
SKINFAXI