Skinfaxi - 01.12.1969, Blaðsíða 23

ÞaS fer ekki á milli mála að heimurinn allur er nú að rumska. Vísindamenn ýmissa landa hafa hafið rann-
sóknir á gagnsemi hreyfingarinnar fyrir líkamann og margir hafa þegar birt niðurstööur rannsókna sinna, en
öllum er þéim sameiginleg útkoman. Sú, að hollusta h reyfingarinnar sé yfir allan vafa hafin. Jafnframt ráð-
leggja þeir fólkinu að hefja nú þegar æfingar og að viðhalda hreyfingagetu líkamans á allan hugsanlegan
máta, með eða án keppni í lokin. Það skal þó alltaf fyrst og fremst haft í huga að vega upp á móti sællífi
nútímans og öllum þægindum hans, sem gerir manninum, þ. e. a. s. öllum fjöldanum, það því ónauðsynlegra
að hreyfa sig hratt eða að taka verulega á, eftir því sem árin líða.
Ekki vilja þó sumir þcirra leggja ákveðnar æfingar fyrir fólk, heldur ráðleggja því að æfa eitthvað en þó
reglulega, og þá ætlast þeir til að fólk geri það, sem því þykir gaman að, en það gefur og bezta raun.
Því miður er því svo farið að ekki eiga allir jafn auðvelt með að gera sér grein fyrir því, hvað þeir
eiga að taka sér fyrir hendur eða hvaða æfingar þei r eiga að velja.
Ég vil því að þessu sinni hjálpa þeim dálítið, sem svo er farið, og set hér á eftir fram létt prógram,
sem næstum því má gera hvar sem er. Það er létt og það er auðvelt að gera sér það erfiðara með tímanum.
Ég vil þó biðja þá, sem koma til með að nota það, að fara sér hægt í byrjun og vænta þess ekki að
verða miklum mun betur líkamlega stæðir eftir örfáar æfingar. En að vori trúi ég, að þeir sem fara eftir
því, muni finni mun á sér, finna hvað allt veitist þeim lóttara í framkvæmd en áður var.
Vona ég að einhverjir hafi gagn af. Guðm. Þórarinsson.
Agæt leið til heilbrígðara líiernis
Gerum það að vana að hreyfa okkur eitthvað ákveðið
á degi hverjum.
a. Göngum til vinnunnar í stað þess að fara í bíl eða
strætisvagni.
b. Göngum upp tröppurnar í stað þess að fara í lyft-
unni.
c. Tökum örlílinn krók, ef með þarf, á leið heim úr
vinnunni og göngum hratt í 15 mín. minnst.
d. Gætið þess, að það er nauðsynlegt að gera þetta
reglulega ef árangur á að nást.
1. Höfði rúllað í hringi
Standið með fætur lítið eitt sundur og hendur aftan á baki og
axlirnar signar: Höfðinu rúllað mjúkt til hliðar og í hring á báða
vegu. (2x10 er ágætt).
SKINFAXI
23