Skinfaxi - 01.08.1996, Blaðsíða 14
HSH
-----------▼-----------
Frestaði brúðkaupinu
fyrir starfið hjá SH
Lilja Stefánsdóttir er framkvæmdastjóri HSH en hún tók við starfinu sl. sumar en þá
hafði hún þegar gert ráð fyrir því að gifta sig. Það var hins vegar svo mikið að gera
hjá sambandinu að tilvonandi eiginmaður hennar Eiríkur Gautsson mátti senda
hringana aftur til gullsmiðsins því Lilja ákvað að fresta brúðkaupinu um a.m.k. eitt
ár. Nú í október hefur Lilja fundið gat í stundatöflunni og ætlar að ganga í það
heilaga. Blaðamaður Skinfaxa fór og ræddi við Lilju um starfið mikilvæga og
brúðkaupið væntanlega.
Hvað hefur verið að gerast hjá HSH í sumar?
„Það er kannski það óhefðbundnasta sem við gerðum að
velja úrvalshóp í frjálsum. Þetta er um 20 manna hópur sem
undirbýr sig fyrir Landsmótið í Borgarnesi og má kannski líkja
verkefninu við FRÍ2000 hópinn sem undirbýr sig fyrir
Ólympíuleikana í Sydney. Til að kveikja áhugann hjá krökk-
unum fengum við Gísla Sig. og Jón Arnar til að koma hingað í
upphafi verkefnisins og þeir voru með okkur einn dag."
Hvernig er aðstaðan hjá ykkur?
„Það eru nýlegir grasvellur bæði í Ólafsvík og á Hellissandi
en þar hefði þurft að hugsa betur um frjálsíþróttaaðstöðuna.
Það er að vísu gryfja hérna og kasthringir en vantar
hlaupabrautir. Ég held að krakkarnir myndu sýna enn meiri
áhuga ef aðstaðan væri betri. Það er einnig verið að byggja
upp nýja grasvelli í Stykkishólmi og Grundafirði sem verða
væntanlega með góðum hlaupabrautum."
Stendur til að laga þessa aðstöðu?
„Ég er nú að vona það en það er nú reyndar einnmjög góður
völlur hérna í Snæfellsbæ og það er völlurinn í Lísuhól. Það er
langt fyrir okkur hér í Ólafsvík að fara að Lísuhól en maður
getur alveg skilið það að bæjaryfirvöld bendi á þann völl þegar
eitthvað er verið að kvarta."
Nú eru þið með tvær litlar sundlaugar, er erfitt að
starfrækja sunddeild?
14
Skiníaxi
UMFÍ
„Það er
nú alveg
ótrúlega
mikill áhugi á
sundinu ef
tekið er mið
af aðstæðum
og við erum
til dæmis
nýbúin að
halda mjög
fjölmennt
sundmót á
undan-
förnum
vikum."
Eruð þið
ekki líka að
fara af stað
með
forvarnar-
verkefni?
„Það er
búið að
samþykkja að
fara í
samstarf við
héraðsnefnd
með
forvarnar-
verkefni.
Okkur fannst
í fyrravetur
svo margir
vera að vinna
í þessum
málum að við
ákváðum að fresta því tímabundið að fara af stað með eitthvað
þar sem við vorum hrædd urn að kafna í „bólunni". Núna
erum við hins vegar að velta því fyrir okkur hvernig er best að
snúa sér í þessum málum og við bíðum líka eftir því hvað
kernur út úr samstarfi ÍSÍ og UMFI varðandi forvamarmál.
Við komum til með að fléttað okkar verkefni eitthvað í
kringum það."
Þegar þú talar um fíkniefni dettur manni óneitanlega í hug
steranotkun íþróttamanna sem einnig er mikið vandamál.
Nú var einn ungur strákur frá ykkur felldur á lyfjaprófi ekki
alls fyrir löngu?
„Já það er rétt. Það var hugmynd hjá okkur að taka herferð
í lyfjamálum íþróttamanna inn í forvarnarverkefnið og reyna
að sýna ungum íþróttamönnum að þetta er ekkert sem er neitt
spennandi."
Hvað heitir þessi strákur?
„Benjamín Þorgrímsson. Það var mikið áfall að fá þessar
Lilju finnst starfiö ekki fjölskylduvœnt og hún
þarf oft að fá pössun fyrir syni sína tvo.
fréttir og þá kannski sérstaklega þar sem hann var einn úr
úrvalshópnum hjá okkur."
Hvaða hegningu fékk hann?
„Hann fer í tveggja ára bann hjá ÍSÍ og í fjögurra ára bann hjá
FRÍ."
Eitthvað jákvæðara. Ættir þú ekki að vera gift núna?
„Já, það er mikið búið að gera grín að því hérna en það er
verkefni haustsins og stjórnin er fús til að gefa mér frí í
kringum þessa giftingu."
Hvað sagði tilvonandi eiginmaður þegar þú tilkynntir
honum að þú hefðir ekki tíma til að giftast honum?
„Hann er ýmsu vanur og því kom þetta honurn kannski
ekkert rosalega á óvart. Þetta starf er ekkert sérstaklega
fjölskylduvænt, það eru miklar fundasetur og oft óreglulegur
vinnutími. Þetta hefur bjargast þar sem við eigum góða að sem
eru tilbúnir að taka við börnunum á ólíklegustu tímum og
nánast fyrirvaralaust."
Finnst þér þetta skemmtilegt starf?
„Mér líkar mjög vel í þessu starfi og það á mjög vel við mig.
Maður kynnist fólki alls staðar af landinu og það er alltaf
eitthvað um að vera. Ég geri mér samt alveg grein fyrir því að
ég verð ekki í þessu starfi til frambúðar en ég hefði mikinn
áhuga á að vera fram yfir Landsmótið í Borgarnesi."*
UMFÍ
Skinfaxi
15