Skinfaxi - 01.08.1996, Blaðsíða 41

síðan á eftir, þar með er málið leyst.
Þetta er nú ekki svona einfalt eins og
margir ungmennafélagar vita sem
hreinsuðu fjörur landsins í fyrra í
umhverfisátaki UMFÍ. Það er ekki hægt
að saka sjómenn um allt
ruslið sem rekur á fjörurnar
en alltaf geta verið svartir
sauðir innan um. Einstaka
sinnum heyrir maður sögur
um það að sjómenn hendi
rusli í sjóinn. Hvernig
myndu sömu ménn bregðast
við ef ég færi að hreinsa rusl
út úr bílnum mínum við
íbúðarhús þeirra og henti því
inná lóðina.
Jarðgerum sorp
A Hólmavík hafa orðið
nokkrar breytingar á sorp-
málum bæjarins. Búið er að
loka sorphaugunum þar sem sorpið var
brennt við opinn eld og engar girðingar
voru í kringum haugana heldur fauk
ruslið í hvassviðri á girðinguna við
íþróttavöllinn eða til fjalls. Reykinn
lagði yfir íþróttasvæðið öllum til ama
þegar vindurinn blés þannig. Það er
mikið ánægjuefni að búið er að loka
þessum sorphaugum og vonandi er
aðstaðan við sorphauga kauptúna
landsins hvergi eins slæm og hún hefur
verið á Hólmavík síðustu ár.
Hólmvíkingar þurfa nú að flokka sorpið
meira en tíðkast hefur hér um slóðir.
Tekið er á móti flokkuðu sorpi á einum
stað í bænum. Ætlast var til að fólk
flokki timbur, málma, bylgjupappa,
pappír, garðaúrgang, steinefni og
spilliefni frá húsasorpinu. Húsasorpinu
er safnað saman einu sinni í viku og flutt
til Reykjavíkur í Sorpu. Tilraun um að
jarðgera sorp hefur staðið yfir á
Hólmavík í 2-3 ár. Smíðaðir voru kassar
úr timbri og settir hjá fólki sem tók þá í
þessu verkefni. Með því að halda
matarleifum aðskildum frá öðru sorpi
fæst gott efni til jarðgerðar, einnig er
allur garðaúrgangur settur í kassana.
Þessi tilraun hefur leitt í ljós
að brýn nauðsyn er á að
jarðgera það sorp sem hægt
er að jarðgera. Það ættu
flestir að jarðgera sorp. Það
má benda á að það er
kannski stílbrot að smíða
kassa til að jarðgera sorp úf
timbri sem fúavarið er með
einhverjum eiturefnum. Það
væri hægt að hafa þessa
kassa úr timbri fúavörðu af
náttúrunnar hendi, úr
rekavið sem bændur nýta og
vinna.
Flestallir ungmenna-
félagar um allt land eru
mjög meðvitaðir um umhverfi sitt og
náttúruna. Vonandi þurfum við ekki að
hafa eins miklar áhyggju af rusli sem
fýkur út um allt á komandi öld og getum
farið að hugsa um önnur verkefni tengd
umhverfisvernd eins og ræktun trjáa.
Ungmennafélagar, höldum ætíð áfram
að rækta lýð og land.
ÞaS er líklega stór
hákarl í sjónum sem
gleypir allt ruslið og
ropar síðan á eftir
‘Vd&amitt í
Mynd Theodór
Nýju íþróttamannvirkin séð frá skemmtilegu sjónarhorni.
Skallagrímsvöllur, nýji 6 brauta frjálsíþróttavöllurinn og áhorfendasvæðin
sem nýlega voru tekin í notkun í Borgarnesi.
UMFÍ
Skinfaxi
41