Skinfaxi - 01.12.1996, Blaðsíða 36

Císli Einarsson leikur fjögur hlutverk í leikritinu.
Sjálfstætt fólk
Leikdeild Umf. Dagrenningar í Lundarreykjadal
frumsýndi fyrir stuttu verkið „Sjálfstætt fólk"
eftir Halldór Laxness. Þetta er í fyrsta skipti sem
áhugamannaleikfélag settur þetta verk upp og
við hjá Skinfaxa litum inn á æfingu til þeirra
fyrir stuttu og hittum þar fyrir Gísla Einarsson,
einn af forsvarsmönnum leikdeildarinnar, en
Gísli leikur einnig fjögur hlutverk í leikritinu.
En hvenær var leikdeildin sto/nuð?
„Það var fyrir tveimur árum síðan en þá var
ákveðið að fara af stað með leikritið „Húrra
krakki" en að því leikriti loknu var ákveðið að
stofna leikdeild og þá fyrst og fremst til að fá
inngöngu hjá Bandalagi íslenskra leikfélaga."
Nú eruð þið fyrsta áhugmannaleikfélagið sem
setur upp leikritið „Sjálfstætt fólk" hefur
undirbúningurinn ekki verið erfiður?
„Það var kannski erfiðast að manna verkefnið.
Það eru nú bara um 80 manns hérna í sveitinni og
fjörutíu eru að vinna við verkefnið. Það eru margir
sem eru að leggja á sig óhemju vinnu við þetta en
um leið og þetta var ákveðið hafa allir verið mjög
jákvæðir og virkilega lagt sig fram við þetta. Eg
held að öllum þyki spennandi að takast á við
verkefnið og við höfum heyrt að fólk í sveitunum
hérna kring er líka mjög spennt að sjá hvernig
okkur tekst til."*
Jón Gíslason fer meö aöalhlutverkiö i leikritinu.
Himnaríki í Reykjadal
Leikdeild Ungmenna-
félagsins Eflingar í Reykja-
dal sýnir um þessar mundir
leikritið „Himnaríki -
geðklofinn gamanleikur"
eftir Árna Ibsen. Leikstjóri
er Arnór Benónýsson.
Leikritið var upphaflega
skrifað fyrir Hafnarfjarðar-
leikhúsið Hermóð og
Háðvöru og sett þar upp
síðastliðinn vetur. Þar sló
það í gegn, fékk frábæra
dóma og var sýnt 85 sinnum.
Leikritið „Himnaríki - geðklofinn gamanleikur" er í hæsta máta óvenjulegt
verk að formi og uppsetningu. Það gerist í sumarbústað, þar sem þrjú ung
pör koma saman snemma vors til helgardvalar. Þetta er rótlaust fólk sem er
að reyna að finna sjálft sig og einhvern tilgang í lífinu. Við kynnumst
vinunum þremur, Gauja, Tryggva og Begga, sem vilja sýnast „pottþéttir" en
eru allir í hálfgerðum vandræðum með sjálfa sig. Gaui kemur með nýju
vinkonuna sína, Anítu, sem fellur ekki inn í hópinn, enda er harla lítið gert til
að svo verði. Hinar „vinkonurnar" tvær, Steinunn og Unnur, spila á eigin
strengi og innan hópsins er alls konar sýndarmennska og tvöfeldni í gangi.
Húmorinn er einnig á sínum stað.
Uppsetningu leikritsins er þannig háttað að leiksviðið er á miðju gólfi
sýningarsalar, en áhorfendasvæði eru tvö, sitt hvorum megin við það.
Sviðinu er skipt með vegg sem á eru tvennar dyr. Leikritinu er skipt í tvo
þætti, sem leiknir eru samtímis sitt hvorum megin við vegginn. Þeir eru
leiknir tvisvar, það er fyrir hlé og eftir hlé, en í hléi skipta áhorfendur um sæti,
þannig að þeir sem
fylgdust með því sem
gerðist „úti" fyrir hlé
sjá það sem gerist
„inni" eftir hlé og
öfugt. Engu máli
skiptir hvorn þáttinn
áhorfendur sjá á undan.
Þegar persóna fer út af
sviðinu í öðrum
þættinum kemur hún
jafnskjótt inn á svið í
hinum þættinum.
Leikarinn fer því aldrei
út af sviðinu heldur inn
í annan þátt sama
leikrits.
Sex leikarar koma fram
í sýningunni; Ingólfur
Víðir Ingólfsson,
Jóhanna Magnea
Stefánsdóttir, Freydís
Anna Arngrímsdóttir,
Þorgerður
Sigurgeirsdóttir, Sverrir
Guðmundsson og
Hörður Þór
Benónýsson •.
Snorri Sturluson
leikdeild ungmennafélags Reykdœla hefur nú
tekið upp samvinnu við Freyvangsleikhúsið en
Reykdœlar sýndu nýverið söngleikinn um Snorra
Sturluson fyrir Norðlendinga. / staðinn mun
Freyvangsleikhúsið koma í heimsókn og sína
verk sín fyrir Borgfirðinga.
36
Skinfaxi
UMFÍ