Skinfaxi - 01.02.1997, Blaðsíða 53

Hvenær var athvarfið opnað?
„Húsið var opnað 14. desember 1985 og við vorum því ellefu ára
í fyrra. Reykjavíkurborg á húsið, góð staðsetning. Yfirleitt alltaf
einhver, minna á sumrin. 172 komur í fyrra 130 einstaklingar -
Krakkar úti á landi koma líka.
Er alltaf einhver starfsmaður til staöar hjá ykkur?
„Það er opið allan sólahringinn allan ársins hring og annað væri
ekki hægt. Það eru alltaf einhverjir gestir hjá okkur til dæmis yfir
jól og áramót og sumir koma jafnvel sérstaklega til að eyða
jólunum með okkur. Það eru þá helst þeir sem myndu annars
þurfa að eyða þeim einir.“
Er mikið um unglinga hér á landi sem eigi sér hvergi
samastað?
„Ég vil nú ekki segja að það sé mikið um það en það er alltaf
eitthvað. Það virðist hins vegar vera að aukast og árið í fyrra var
metár hjá okkur hvað varðar gistinætur.“
Eru þessir krakkar sem leita til ykkar þá alveg búnir að slíta
sambandi við foreldra sína eða koma þeir til ykkar eftir
rifrildi og annað þessháttar?
„Það má skipta þessum unglingum upp í nokkra hópa. Það eru
krakkar sem hafa ákveðið að fara að heiman útaf einhverjum
illdeilum sem þau hafa átt við foreldra sína og sumir búa
hreinlega bara við óbærilegt ástand heima fyrir. Aðrir eru
hreinlega reknir að heiman og svo eru krakkar sem eru
einstæðingar og eiga hreinlega engan að. Að lokum eru krakkar
sem eru komnir í mikla neyslu og búin að brjóta á öllum í
kringum sig og enginn vill taka á móti þeim lengur."
Er húsið opið öllum?
„Húsið er fyrir unglinga átján ára og yngri en það hafa nú verið
gerðar undantekningar á því.“
Starfsmenn athvarfsins eru þeir allir menntaðir til að vinna
með unglingum?
„Það eru sjö aðilar sem starfa í húsinu og við erum öll með
blöndu af góðri menntun og mikilli reynslu."
Hvernig vinnið þið með þeim foreldrum sem vilja enn hafa
samband viö krakkana sína?
„Við förum að lögum og ef krakkarnir eru yngri en 16 ára ber
okkur að tilkynna foreldrunum með einum eða öðrum hætti að
krakkinn þeirra sé hjá okkur. Ef þau eru eldri en sextán ára ber
okkur ekki skylda að láta foreldrana vita en við förum samt fram
á það þeir láti foreldra sína vita. Við hringjum hins vegar alltaf í
lögregluna og látum vita svo ekki fari af stað leit að einhverjum
sem staddur er hjá okkur. Að sjálfsögðu hefur það komið upp að
foreldrar hafa verið ósáttir við veru barns síns hjá okkur en það
hefur aldrei verið neitt sérstaklega alvarlegt. Við fáum foreldra
hingað í heimsókn, við reynum að funda með þeim og
krökkunum til að koma á sáttum því við viljum auðvitað finna
lausn á öllum þeim vandamálum sem hægt er að leysa.“
Hvað getur einstaklingur verið lengi hjá ykkur?
„Það eru engin takmörk fyrir því. Ein af grunnreglunum í starfi
okkar er að einstaklingurinn sé að gera eitthvað í sínum málum til
að gera sitt líf betra.“
Nú hljóta að vera einhverjar húsreglur hjá ykkur um notkun
áfengis og annara vímuefna?
„Meginreglan er sú að hjá okkur er enginn undir áhrifum áfengis
eða í annarri neyslu. Það leita mikið til okkar krakkar sem eru í
mikilli neyslu og að sjálfsögðu skarast þetta alltaf eitthvað. Það
hefur líka gerst að við höfum tekið við krökkum sem eru undir
áhrifum en þá hefur það bara verið vegna þess að við höfum ekki
getað vísað þeim á dyr vegna veðurs eða ástands þeirra. Þá
koma þau inn og fá að sofa en verða svo að fara strax næsta
dag ef þau hafa ekki neinn áhuga á að bæta ráð sitt. En við
leggjum alltaf mikla áherslu á það að þau eru alltaf velkomin aftur
þegar þau þurfa á okkur að halda.“
En eru krakkarnir frjálsir ferða sinna á meðan þau eru hjá
ykkur?
„Þau geta komið og farið að vild. Við erum hins vegar með
útivistartíma á kvöldin og ef unglingur er yngri en sextán ára
fylgjum við bara lögum sem segja að þeir verða að koma heim
klukkan tíu. Þeir sem eru eldri en 16 ára verða að vera komin
heim fyrir hálftólf á kvöldin og klukkan tvö um helgar.“
M Almenn skyndihjálp
Námskeiðið er opið öllum 15 ára og eldri. Markmiðið
er að þátttakendur verði hæfir til að veita fyrstu hjálp
á slysstað. Fjallað er um grundvallarreglur í
skyndihjálp; endurlífgun, meðvitundarleysi, lost
blæðingu, sár, beinbrot, brunasár, rafmagnsslys, kal,
ofkælingu, ofhitun, bráða sjúkdóma, aðskotahluti í
hálsi, sálræna skyndihjálp, umbúðir og flutning
slasaðra. Grunnnámskeiðið er lágmark 16
kennslustundir.
M Slys á börnum
Námskeiðið er öllum opið. Vakin er athygli á þeim
slysum sem algengast er að börn lendi í og hvaða
fyrstu hjálp skuli veita. Einnig er fjallað um hvernig
megi hugsanlega koma í veg fyrir slík slys.
Námskeiðið er 8 kennslustundir.
(Námskeiðin stytta biðtíma atvinnulausra)
Einnig:
^ Móttaka þyrlu á slysstað
^ Sálræn skyndihjálp
I
+ Starfslok
+ Námskeið fyrir nýbúa á íslandi
^ Námskeið fyrir barnfóstrur
A Upprifjunarnámskeið í skyndihjálp
+
Skráning á námskeiðin er hjá Rauða kross
deildum eða hjá aðalskrifstofu RKI í
síma: 562 6722
RAUÐI KROSS ISLANDS