Skinfaxi - 01.02.1997, Blaðsíða 56

Guðmundur Þ. B. Ólafsson er íþrótta- og tómstundafulltrúi
þeirra Eyjamanna og í dag er hann framkvæmdastjóri
sameinaðs félags Þórs og Týs. Guömundur er því vel inni í
öllum málefnum ungs fólks í Vestmannaeyjum og okkur hjá
Skinfaxa fannst tilvalið að heyra í honum hljóðið.
Hvað er þaö helsta sem unglingar í Vestmannaeyjum hafa
fyrir stafni?
„íþróttimar eru númer eitt, tvö og þrjú hérna í Vestmannaeyjum
og lang stærsti hópur ungs fólks tekur á einhvern hátt þátt í starfi
íþróttahreyfingarinnar. Það er mjög fjölbreytt íþróttalífið hérna í
Eyjum þrátt fyrir að við höfum ekki skíði, skautaíþróttir eða neitt
þannig. Það eru einnig margir sem eru í öðru félagsstarfi og má
þar til dæmis nefna skátana og ýmis trúarstörf."
Nú er alltaf þessi hópur sem ekki finnur neitt við sitt hæfi hjá
íþróttahreyfingunni og öðrum félagasamtökum. Hvaö gerir
bæjarstjórnin fyrir þann hóp?
„Það er alveg rétt að það er alltaf ákveðinn hópur sem ekki næst
til. Við reynum að hafa fjölbreytt starf í félagsmiðstöðinni okkar
og má til dæmis nefna að 100 manns vinna við útvarpsstöð sem
sendir út í Eyjum í kringum jólin. Einnig hefur bærinn tekið yfir
rekstri grunnskólanna og þar leggjum við mikla fjármuni í að efla
félagsstarf. Við reynum í samstarfi við grunnskólana að finna
eitthvað við allra hæfi. Á sumrin stöndum við svo fyrir þessum
hefðbundnu þáttum eins og vinnuskólanum þar sem við hjálpum
ungu fólki að fá vinnu.“
HITAVEITA
SUÐURNESJA
BREKKUSTÍG 36
PÓSTHÓLF 225
260 NJARÐVÍK
SÍMI 421 5200
FAX 421 4727