Skinfaxi - 01.04.1997, Blaðsíða 23
/./
III
Texti: Sigríður B. Tómasdóttir
Myndir: Sigurjón Ragnar
Það var hrein tilviljun sem réði því að Þórunn Hermannsdóttir, eða Tóta eins
og hún er kölluð, fór að starfa með jafningjafræðslunni. Tóta er
félagsmálafrík að eigin sögn og var beðin um að taka að sér að
vera tengill jafningjafræðslunnar í sínum skóla. Hún sér ekki
eftir því enda hefur hún hellt sér út í starfsemi
jafningjafræðslunnar og á nú sæti í framkvæmdastjórn
hennar. Stjórnarmenn eru kosnir úr hópi tengla
sem sitja í öllum framhaldsskólum.
Það er bryddað upp á ýmsu á vegum jafningjafræðslunnar og var
t a.m. farið til Færeyja á dögunum. Að sögn Tótu tókst ferðin
f/ábærlega. Á fjórða tug ungmenna fór til þessara granna
Islendinga, auk forstjóra Samvinnuferða og
kvikmyndatökumanna. Þeir voru í fylgd með hópnum í því skyni
að festa ferðina á filmu en stefnt er að því að gera þátt um
ferðina. Haldið var frá íslandi á föstudegi og komið til baka á
mánudegi. Tóta segir móttökur heimamanna hafa verið
höfðinglegar. Helgin var nýtt til skoðunarferða og var dansiball
(eins og það heitir upp á færeysku) á laugardagskvöldinu. Ekkert
áfengi var haft um hönd en hópar á vegum jafningjafræðslunnar
Þekkja nú orðið vel hversu mikið stuð er að skemmta sér án þess
að bakkus sé með í för. Á mánudeginum var svo haldinn fundur í
framhaldsskólanum í Þórshöfn. „Við hittum áhugasama unglinga
að máli enda hefur komið til tals að setja jafningjafræðslu á
laggirnar í Færeyjum."
það segir sína sögu um starfsemi jafningjafræðslunnar hér á
landi að orðstír hennar hefur borist út fyrir landsteinana. Það er
samdóma álit þeirra sem fylgst hafa með jafningjafræðslunni að
vel hafi tekist til og umræðan sem hún hefur vakið þörf. í stuttu
máli felst starfsemi jafningjafræðslunnar í fræðslu um skaðleg
áhrif fíkniefni og hafa ungir fíklar verið virkjaðir til að segja
uagmennum frá eigin reynslu. Tóta segir þessa aðferð gefast vel
enda ungt fólk oft fúsara að hlusta á jafnaldra sína en eldra fólk.
„Meginmarkmið er að fá fólk til að hugsa sjálfstætt þannig að það
geti tekið sjálfstæðar ákvarðanir. Til þess að ná þessu takmarki
er nauðsynlegt að vera upplýstur" segir Tóta. „Þess vegna verður
að fræða ungt fólk um fíkniefni.“ Tóta er vel kunnug þessari hlið
starfseminnar en hún vann síðastliðið sumar á vegum
jafningjafræðslunnar. Hún fór þá á milli staða í Vinnuskólanum
ásamt fíkli og ræddi við unglinga.
Tóta leggur áherslu á að jafningjafræðslan sé grasrótarhreyfing.
Öllum er opið að vera með og er þátttakan ekki bundin við
skólafólk. Aðstaða jafningjafræðslunar er í Hinu húsinu og er
hægt að nálgast aðstandendur hennar þar. Hún segir tenglana
koma úr öllum áttum og hafi þeir mjög ólíkan bakgrunn. „Sumir
þekkja til heims fíkniefna af eigin reynslu, aðrir hafa aðeins
kynnst honum af afspurn,” segir hún, „en öll erum við full af
áhuga og eldmóði til að vinna að þessu forvarnarstarfi.“
Ekki spillir fyrir starfinu hversu góð tengsl hafi myndast meðal
þeirra sem starfa að jafningjafræðslunni og hvetur Tóta ungt fólk
til að kynna sér starfsemina. „Það er mjög þroskandi að taka þátt
í starfsemi eins og jafningjafræðslunni. Maður lærir mjög mikið á
því að umgangast svona margt fólk og takast á við þetta
verkefni.“ Hún segist viss um að hún muni búa að þessari
reynslu í framtíðinni og er óhætt að taka undir þau orð.
Þú getur pantað hamborgara,
pastarétti, samlokur,
kjúklingavængi, franskar
kartöflur, Jalapeno belgi og
síðast en ekki síst...pizzur sem
eru okkar fag! bessu rennir bú
síðan niður með ísköldu kóki.
PIZZApSID CRENSASVECI 10
SIMI 533 2200