Skinfaxi - 01.07.1997, Blaðsíða 12
Kristmar Ólafsson er
framkvæmdastjóriLlandsmótsins.
Hlutverk hans er stórt og
veigamikið. Hann sér m.a. um
fjármálin, útgáfumál, og stýringu á
umferða- og gæslumáium svo fátt
eitt sé nefnt. Þessum störfum fylgja
900 sex tíma vaktir sem Kristmar
þarf að sjá um að manna. Ólíkt
flestum þeim sem vinna að
Landsmótinu í ár, þá hefur Kristmar
aðeins komíð á eitt Landsmót og það
var á Akranesi 1975. Hann er þó
mikill áhugamaður um íþróttir og
veit nákvæmlega hvernig á að
standa að framkvæmd og
undirbúningsvinnu fyrir slíkt mót.
Texti: Valdimar Kristótersson
Mynd: Jóhann Ingi Árnason
- Hvernig hefur undirbúningi miöaö?
„Mjög vel. Líklega hefur undirbúningurinn fyrir mótið nú verið
með dálitlu öðru sniði en áður þar sem sett var upp ákveðið
skipurit af mótinu, sem er hefðbundið skipurit eins og fyrirtæki
vinna eftir. Settir voru upp sjö höfuðhópar sem vinna afmarkað í
hverju máli. Við höfum fengið mjög duglegt fólk til að starfa í
hópunum og við höfum treyst þeim til að sjá um ákveðna hluti.
Svo er einn úr Landsmótsnefnd í hverjum höfuðhóp sem kemur
skilaboðunum áleiðis til Landsmótsnefndar. Með þessu móti
höfum við komist hjá því að menn séu með puttann í öllum
málum. Þetta fyrirkomulag hefur reynst mjög vel.”
- Nú verðið þið með sérstak Landsmótsútvarp?
„Já, þetta útvarp mun nást hér á svæðinu. Ástæðurnar fyrir að
reka útvarp eru nokkrar. Kannski fyrst og fremst sú að við
óttumst dálítið að fá mikið fólk hér á ákveðnum tímapunkti þá
gætu orðið vandamál umferðalaga séð. Við erum að vona að
þetta útvarp geti hjálpð okkur til að leysa þann vanda og þá er
hægt að vísa fólki aðrar leiðir um bæinn. Einnig verður maður
frá Umferðarráði hérna til að hjálpa okkur við að stýra umferðinni.
Útvarpið mun nýtast okkur á margan hátt og við munum m.a.
vera með lýsingar af mótinu. Krakkarnir í grunnskólanum eru
komin með mikla reynslu í útvarpsmálum. Þau hafa rekið
útvarpsstöð í grunnskólanum í þrjú ár og eru orðin ansi góð í því.
Þau munu sjá um alla tæknihlið og hluta af dagskrárgerð
útvarpsins.”
- Hvert verður hlutverk þitt á meðan mótinu stendur?
„Ég vona að ég þurfi ekkert að gera. Það er draumurinn að setja
kerfið þannig upp að maður geti leyft sér að vera á ferðinni og
fylgjast með. Ég og Ingimundur ætlum ekki að vera í neinum
ákveðnum hlutverkum á meðan mótið stendur. Þá erum við
lausir ef eitthvað klikkar og þurfum þá ekki að vera að stökkva úr
einhverju ákveðnu hlutverki sem við áttum að sinna, til að leysa
vandamálin er upp geta komið. Svo á bara eftir að koma í Ijós
hvort þetta haldi.”
- Hvernig hefur gengið að fjármagna Landsmótið?
„Það hefur gengið mjög vel. Kostnaðurinn er í kringum 21 til 22
milljónir og ég hef trú á að það muni ganga vel að dekka hann.
Við höfum fengið fimm stærstu fyrirtækin hér í Borgarbyggð til að
vera helstu styrktaraðilar mótsins og síðan höfum við gert
samninga við félagasamtök, heilbrigðisráðuneytið o.fl. Þá eigum
við von á að auglýsingatekjur og þátttökugjald á Landsmótið
muni einnig dekka kostnaðinn að töluverðu leiti. “
- Hvað eru margir sem munu koma til með að starfa við mótið?
„Ég gæti trúað því að sjálfboðaliðar verði aldrei færri en 500. Þá
eru ótaldir þeir aðilar sem koma með félögunum til að aðstoða
þau, sem gæti verið um þrjú hundruð manns. Þetta gæti því
orðið alls um 800 aðilar.”
- Hvað er búist við mörgum keppendum?
„Skráningu er ekki lokið en hún hefur gengið vel og búast má við
1700 til 1800 hundruð keppendum. Ef það gengur eftir þá verður
þetta fjölmennasta Landsmót sem haldið hefur verið.”
- Verður þetta glæsilegt Landsmót?
„Menn hafa unnið hörðum höndum og lagt sig alla fram svo að
vel megi takast. Við höfum alla burði til að gera þetta að
glæsilegu Landsmóti, með þeim atriðum sem við ráðum við. Svo
er bara spurningin hvort veðurguðinir vinni með okkur. Ef svo
verður þá getur þetta orðið glæsilegt Landsmót og áhorfendur
gætu jafnvel orðið 10.000 til 15.000 manns. Sú tala gæti orðið
hærri ef veðrið verðu gott og svo er að auki ókeypis aðgangur á
mótið í ár.”
'’07MBCl997
ÆBIiI'IJM
12