Skinfaxi - 01.07.1997, Blaðsíða 29

Heimamenn verða alls ráðandi, innan vallar sem utan á
Landsmótinu í Borgarnesi. Sigmar Gunnarsson er einn þeirra
sem heimamenn tefla fram en hann hefur einnig lagt sitt af
mörkum við gerð sundlaugarinnar þar sem hann sér um
pípulagnir. Að auki er hann bóndi og þessa dagana hleypur
hann á milli staða.
Langhlaup eru sérgrein Sigmars og tekur hann þátt í 1.500 m
og 5.000 m hlaupi. Hann sigraði í báðum þessum greinum á
Laugarvatni 1994. Hvaða markmið setur Sigmar sér fyrir
Landsmótið nú?
„Ég stefni að sigri í 5.000 m en keppnin er að öllum líkindum
harðari í 1.500 metrunum þó auðvitað væri gaman að vinna
tvöfalt eins og á síðasta Landsmóti. Það er erfitt að segja til
um hverjir eru helstu keppinautarnir því það er ekki Ijóst enn
hverjir mæta. Þó eru Skagfirðingar og Húnvetningar sterkir.
Svo eru alltaf einhverjir nýir og yngri og því ekkert gefið í
þessu.”
Er öðruvísi tilfinning að vera á heimavelli?
„Já, það er ekki verra en setur kannski meiri kröfur á mann
líka.
Ég reyni að æfa sem mest og æfi aðallega einn. Vinnan við
sundlaugina setur strik í æfingaáætlunina. Ég hleyp mest
heimavið en öðru hvoru á hlaupabrautinni.”
Það er hugur í heimamönnum og þónokkur stemmning enda
gengur undirbúningur vel. Margar kempur hafa tekið fram
skóna á ný og það hvetur þá yngri til að bæta sig. Það verða
því ný og kunnugleg andlit á mótinu.
„Svo vona ég að veðrið verði gott og mæting sömuleiðis,” segir
Sigmar að lokum.
BREKKUSTIG 36
PÓSTHÓLF 225
260 NJARÐVÍK
SÍMI 421 5200
FAX 421 4727
29