Skinfaxi - 01.10.1997, Blaðsíða 29
: ' ■P' \
krananum.
Kajakhópurinn æfði í sundlauginni á staðnum og var það mikil
skemmtun á að horfa þegar krakkarnir voru að æfa „snúning",
þ.e. hvolfa bátnum og koma honum aftur á réttan kjöl. Þegar allir
höfðu lært þetta var farið í heilsdagsferð á á sem rennur þarna í
nágrenninu og komust flestir þurrir heim I Róðrarhópurinn fór til
borgarinnar Slésvíkur sem ekki er langt frá Cristianslyst. Eftir
smá leiðbeiningar var lagt í hann á fjögurra manna bátum, þ.e.
fjórir réru og svo var stýrimaður. Þetta voru líka heilsdagsferðir.
Hvað bolta- og leikjahópurinn gerði segir sig nokkuð sjálft, þ.e.
þau léku sér! Handavinnuhópurinn spann úr ull og vann einnig
með tin og bjó til listaverk úr því. Þrykkihópurinn þrykkti myndir á
boli en allir þátttakendur fengu suður-slésvíska boli og fengu
bolir þrykkihópsins fallegar skreytingar á bakið !
Hópavinnan var í þrjá daga en hina dagana var farið af bæ. Fyrst
var farið til Flensborgar þar sem við skoðuðum húsnæði
ungmennafélaganna þar í bæ. í húsinu er boðið upp á
hiargskonar starfsemi og má kannski helst líkja starfseminni við
félagsmiðstöð þar sem krakkarnir geta komið og unnið að sínum
hugðarefnum, s.s. Ijósmyndun, blaðaútgáfu og hljóðritað eigin
tónlist svo fátt eitt sé nefnt. Annan dag var farið til Slésvíkur þar
sem við skoðuðum víkingasafn og þriðja daginn var svo farin
heilsdagsferð til eyjarinnar Hallig Hooge sem er ein af frísnesku
eyjunum við vesturströnd Þýskalands. Þessar eyjar eru litlar og
fbúarnir geta hvenær sem er búist við því að það flæði yfir
eyjarnar. Þess vegna eru öll hús á eyjunum byggð upp á hólum
sem oftast standa upp úr þegar flæðir.
Á kvöldin voru kvöldvökur þar sem þátttakendur frá hverju landi
kynntu sitt félag, sögðu lítillega frá starfseminni og voru með
skemmtiatriði. Það var líka sungið og dansað og sjaldnast var
farið snemma að sofa enda ekki markmið ferðarinnar að sofa !!!
Síðasta kvöldið var hðátíðarkvöldverður, maturinn heldur fínni en
hann hafði verið hina dagana (annars var maturinn alveg
ágætur) og allir fínir og stroknir. Eftir kvöldvökuna var svo
varðeldur og þar var í rauninni síðast möguleikinn til að spjalla
og kynnast hinum krökkunum. Þessi síðasta nótt var vel nýtt og
alveg sérlega lítið sofið. Næsta morgun fóru menn svo að tínast
af stað heim og vorum við þau síðustu sem fórum af staðnum.
Við vorum bæði þreytt og ánægð þegar við komum heim á
föstudagskvöldið 5. ágúst, öll sammála um að þetta hefði verið
góð ungmennavika og allir höfðu eignast nýja vini frá hinum
Norðurlöndunum.
Næsta vika verður á vegum sænskumælandi Finna og verður
haldin á Álandseyjum 2. - 8. ágúst 1998. Þeir sem hafa áhuga á
að fara á ungmennaviku geta fengið upplýsingar á skrifstofu
UMFÍ í síma 568-2929. Skilyrði fyrir þátttöku er að vera á
aldrinum 15-25 ára og vera í ungmennafélagi.
Helga Barðadóttir
fararstjóri
29