Skinfaxi - 01.10.1997, Blaðsíða 31

félögunum hérna á svæðinu."
Fer mikill tími í þetta starf?
„Ef ég vildi, gæti ég verið á fundum og öðrum samkomum minnst
þrjú kvöld í viku allt árið. Það er auðvitað mest hérna innan
svæðis en svo kemur fyrir að það þarf að funda annars staðar á
landinu til dæmis hef ég farið á vornámskeiðin sem haldin hafa
verið víðsvegar um landið.“
- Ef þú tækir þetta allt saman væri eflaust um prósentustarf
að ræða?
„í rauninni er þetta hlutastarf en ég veit að HSK gæti ekki í dag
haft formann á launum. Framkvæmdastjórinn vinnur alveg
frábært starf og hann er auðvitað á launum og sambandið ræður
ekki við meira en það.“
- En af hverju leggur fólk þá á sig þessa vinnu?
„Starfið er mjög gefandi og maður kynnist mikið af nýju fólki. Ég,
persónulega, hef alltaf haft gaman af því að vinna með börnum
og unglingum og með því að starfa hjá HSK tekst mér vel að
sinna áhugamáli mínu. Ég er líka mikil félagsvera og hef gaman
að vera innan um annað fólk og þetta er svo sannarlega
vettvangur til þess.“
- Hvað heldur þú að þú eigir eftir að gefa þig í starfið lengi?
„Það er ómögulegt að spá í það í dag. Það er svo margt sem
spilar þar inn í eins og fjölskyldan og vinnan en á meðan ég hef
gaman af þá er ég ekkert á leiðinni að hætta.“
- Hvernig fannst þér Landsmótið takast hjá UMSB?
„Mjög vel.“
- Ánægður með alla framkvæmd?
„Við erum nú einmitt þessa dagana að skila inn lista til nefndar á
vegum Landsmótsins um framkvæmd mótsins. Ég veit að það er
erfitt að halda Landsmót þannig að ekkert fari úrskeiðis en í
stórum dráttum var framkvæmdin á mótinu frábær.“
- Hvað hefði mátt fara betur?
„Mér fannst kannski einn helsti gallinn sá sami og á síðasta
unglingalandsmóti. Það var of langt á milli sumra
keppnisstaðanna og því erfitt að fylgjast með öllu sem var að
gerast. Auðvitað veit ég hins vegar að það er erfitt að bregðast
við þessu í litlum bæjarfélögum. Ég vil hins vegar endurtaka það
sem ég sagði áðan að yfir höfuð var ég mjög ánægður með
mótið."
- Nú var í fyrsta
skipti frítt fyrir
áhorfendur en í
staðinn komu
keppnisgjöld á
þátttakendur. Hvert
er þitt álit á þessari
breytingu?
„Við hjá HSK vorum
nú manna harðastir á
síðasta þingi að berja
þessa tillögu niður og
fengum gjaldið að
vísu lækkað þótt það
hafi ekki tekist alveg
átakalaust. Ég held
hins vegar að þessi
breyting sé kominn til
að vera og ef það er
rétt að síðasta
Landsmót hafi verið
rekið með hagnaði þá
er það alveg
^hyggilegt að þessu
verður ekki breytt
aftur."
31