Skinfaxi - 01.12.1997, Blaðsíða 32
Iþrottafelag íyrir börn og unglinga
Fjölnir er ungt lélag og Snorri Hjaltason er aðeins
annar formaður þess. Hann er búinn að vera formaður
í fimm ár og finnst vera komin tími til að hætta. Forveri
hans, Guðmundur Kristinsson, var einnig formaður í
fimm ár og Snorra finnst sá tími hentugur í formennsku.
Snorri segir að kominn sé tími til að breyta til og vill fá
nýtt fólk inn í félagið. Hann tók á sínum tíma við for-
mennskunni til að geta fylgst með börnum sínum vaxa úr
grasi innan félagsins. Þau eru nú öll að fullorðnast og
það þarf ekki lengur að fylgja þeim á æfingar. Snorri vill
því gefa nýjum formanni tækifæri til að fylgja sínum
börnum eftir og sjá þau dafna og þroskast innan féalgs-
ins. Á þessum fimm árum hefur Snorri fylgst vel með
og tekið mikinn þátt í starfsemi Fjölnis og þekkir vel til
innan félagsins. Grafarvogurinn hefur byggst upp á
skömmum tíma og það hefur Ungmennafélagið Fjölnir
einnig gert.
Snorri hefur verið formaður Fjölnis í fimm ár en hann segir að það sé
samstöðu og dugnaðar íbúa Grafarvogs að þakka hversu öflugt félagið
sé orðið.
„Fjölnir varð til fyrir níu árum síðan
vegna elju og dugnaðar fólks hér í Grafar-
voginum. Ef maður tekur einhvern út sem
stofnanda félagsins að þá er það helst
Guðmundur Kristinsson fyrrverandi for-
maður sem var driffjöðrin ásamt fleirum.
Það mætti þó segja að fólkið í hverfinu hafi
gert þetta að veruleika. Sá sem bakkaði
þetta upp á sínum tíma var Davíð Oddson,
þáverandi borgarstjóri Reykjavíkur. Við
fengum mikinn stuðning frá honum og hann
vildi að þetta yrði öflugt félag. Eftir að við
fórum af stað vildu Frammarar fá hér að-
stöðu en þá var Fjölnisandinn orðinn það
sterkur að þeir komust ekki að. Grafarvog-
urinn er sérstakt „bæjarfélag" og við viljum
hafa okkar eigið íþróttafélag.
Þetta hófst þannig að við byrjuðum að
spila fótbolta og það var verið að hlaupa
með mörkin út og suður á öllum túnum sem
hægt var að spila á. Þetta voru því erfið
fyrstu spor en það er skemmtilegt að horfa
til baka í dag."
- Var knattspyrnan fyrsta deildin sem
var stofnuð hér?
„Fótbolti, handbolti og frjálsar fóru strax
af stað og síðan hófst fljótlega starfsemi
tennis- og karatedeildar. Þær deildir sem
byrjuðu seinna voru svo almenningsdeildin,
sem var stofnuð fyrir fimm árum, og síðan
J2____________________________________________
er körfuboltinn svo til nýfarinn af stað.
Almenningsdeildin hjá okkur er hugsuð
þannig að ef einhverjir koma með hug-
mynd um nýja deild þá gefum við þeim
tækifæri til að sanna sig. Við byrjuðum til
dæmis með borðtennis en það var ekki
nógu mikill kraftur þannig að sú deild var
lögð niður. Við hlúum að nýjum greinum til
að byrja með og hjálpum þeim fyrstu spor-
in. Nú eru glímu- og tae kwondo-deildirnar
orðnar mjög öflugar þannig að þær eru far-
nar að skera sig frá almenningsdeildinni og
sjálfsagt verða þær innan skamms það
sjálfstæðar að þær geti staðið á eigin fót-
um."
- Hvenær byrjaðir þú að starfa fyrir
félagið?
„Það var fyrir sex árum þegar ég var
beðinn að koma almenningsdeildinni af
stað, sem ég gerði. í dag þykir mér vænt
um að hafa fylgt þessu eftir fyrsta árið og
komið þeirri deild af stað."
- Hver var ástæðan fyrir því að þú fórst
að starfa fyrir Fjölnir?
„Ég kom inn í þetta barnanna vegna.
Þau voru þá öll að æfa með Fjölni, stelpan
í frjálsum, yngri strákurinn í fótbolta og eldri
strákurinn var einnig eitthvað í fótbolta en
byrjaði síðan í tae kwondo. Konan mín tók
síðan að sér að verða gjaldkeri frjálsíþrótta-
deildarinar og þá byrjaði ég að samtvinnast
þessu. Ég kom alltaf meira og meira að
þessu og Guðmundur Kristinsson bað mig
síðan að koma almenningsdeildinni af stað
og þá varð ekki aftur snúið. Ári síðar hætti
hann sem formaður og bað mig að taka
við."
- Varst þú fyrst að koma að íþróttum
þegar þú kemur hingað í Grafarvoginn?
„Nei, nei, ég var alltaf í Val og spilaði
þar bæði handbolta og fótbolta til að byrja
með en sneri mér síðan alfarið að mark-
vörslunni í handbolta. Ég hætti keppni
þegar ég var kominn í meistaraflokkinn og
þá tók fjölskyldan við."
- Uppgangurinn hefur verið geysalega
mikill hér hjá Fjölni. Ekki var íþróttahúsið til
staðar þegar þið byrjuðuð?
„Nei, völlurinn var fyrst tekinn í gegn og
íþróttahúsið var reist í framhaldi af því.
Það var einmitt verið að taka húsið í notk-
un þegar ég tók að mér formennskuna. ;
Öll starfsemin var á sínum tíma í JL-
húsinu. Því var breytt í leikfimisaðstöðu,
með tveim stórum sölum. Þetta húsnæði
bjargaði Fjölni frá upplausn því að það var
eina húsið sem við gátum starfað í. Við
höfum haft þetta hús allan þennan tíma en
í ár tók Pharmaco við rekstrinum og við
höfum ekki aðstöðu þar lengur. ( dag erum