Skinfaxi - 01.02.2001, Blaðsíða 11

séð með augum
LandsmótshöfðinglaiM
Ingimundar
Z'/7. Zs}A//7S/lf/ýr //Af/ý
/&.-/SL +///// /F/7//SSr/y/7//AS
Landsmótið á Egilsstöðum 12.-15. júlí.
Þrettánda Landsmót UMFÍ fer fram á Egilsstöðum 12. til 15. júlí. Mikil
undirbúningsvinna hefur átt sér stað síðustu mánuði en það er enginn annar en
Landsmótshöfðinginn sjálfur Ingimundur Ingimundarson sem er framkvæmdastjóri
Landsmótsins. Ingimund þarf vart að kynna fyrir mönnum en hann er að upplifa sitt
13. Landsmót og geri aðrir betur. Skinfaxi fékk Ingimund til að rifja upp í stuttu máli
nokkra Landsmótspunkta fyrri tíma, hvernig hann kemur að Landsmótinu í ár og
hvernig það verður byggt upp. En eitt er á hreinu að mikil stemmning verður yfir
Landsmótshelgina á Egilsstöðum
Þrettánda Landsmótið
Landsmótið á Egilsstöðum verður
þrettánda Landsmót UMFÍ sem ég
tek þátt í. Fyrsta Landsmótið mitt var
á Laugum í S. Þing. J 961 en þá var ég
17 ára. Þar keppti ég í sundi.
Umgjörð mótsins var yndisleg og
mótið að flestu leyti skemmtilegt, en
ég hugsa með hryllingi til
sundkeppninnar. Hún fór fram í
tjörninni fyrir framan skólann. Fyrir
okkur sem æfðum í venjulegum
laugarhita 26-29 gráðum var
skelfilegt að synda í 14-18 gráðum,
en það var hitastig tjarnarinnar ef ég
man rétt. Enda hættu margir við
keppni sérstaklega í lengri
sundunum - eða hreinlega gáfust
upp í miðju sundi.
Hitabylgja á Laugarvatni
Annað var upp á teningnum á
Laugarvatni fjórum árum síðar. Það
mót er öllum eftirminnilegt vegna
veðurblíðunnar. Þá gekk hitabylgja
yfir Suðurland og hitastigið var fast
að 30 gráðum. Ég keppti þar einnig í
sundi og varð þriðji í 80Q m
skriðsundi. A tveimur fyrstu
mótunum keppti ég fyrir mitt gamla
samband HSS, Héraðssamband
Strandamanna. Sveit HSS varð í
þriðja sæti í 4x50 m skriðsundi á
Laugarvatni. í henni voru auk mín
Sigvaldi tvíburabróðir minn, Jón
Arngrímsson frændi okkar og
Eiríkur jensson sem síðar varð
formaður Sunddeildar Breiðabliks. Á
Eiðum 1968 keppti ég fyrir UMSS og
varð þriðji í hástökki og á
Sauðarkróki 1971 keppti ég í 400 m
hlaupi. Á Akranesi 1975 var ég
þjálfari og framkvæmdastjóri HSH,
en frá þeim tíma til mótsins á
Húsavík 1987 var ég þjálfari UMSB.
Fyrst í frjálsum íþróttum en síðan
sundi.
Landsmót í Borgarfirði
Landsmótin hafa ýmist verið haldin
á þriggja eða fjögurra ára fresti. Ég
var framkvæmdastjóri UMSB 1987
þegar mótið fór fram á Húsavík en
jafnframt þjálfari sundliðsins. í ágúst
það ár lagði ég til á stjórnarfundi að
Ungmennasamband Borgarfjarðar
sækti um 22. Landsmót UMFÍ. Stjórn
sambandsins tók jákvætt í þá