Skinfaxi - 01.02.2001, Blaðsíða 12
hugmynd og UMFÍ úthlutaði UMSB
mótinu. Við fylgdumst með
framkvæmd mótsins í Mosfellsbæ 1990
og á Laugarvatni 1994. Ég var kosinn
formaður landsmótsnefndar UMSB og
sat um 20 fundi landsmótsnefndar HSK
sem áheyrnafulltrúi. Landsmótsnefnd,
bæjarstjórn Borgarbyggðar og UMSB
lagði metnað sinn í mótið og íbúar
héraðsins stóðu sig vel þegar á reyndi.
Stemningin á Landsmótum engu lík.
Landsmót UMFI hafa sérstakan sjarma
og tilfinningin og andrúmsloftið á
mótunum er ólýsanleg. Engin leið er að
lýsa því með orðum. Þeir einir sem sótt
hafa Landsmót UMFÍ skilja við hvað er
átt. Engin mót á íslandi ná upp slíkri
stemningu.
Því er ekki að neita að mikil vinna
liggur bak við framkvæmd Landsmóta.
Ábyrgðin hvílir oft á fárra herðum sem
verða að reyna hrífa aðra með sér þegar
mótið nálgast. Oft hefur maður verið
þreyttur eftir Landsmót en sú þreyta er
ótrúlega fljót að líða hjá og að fullu
gleymd þegar næsta Landsmót nálgast.
Ég var mjög sáttur við minn hlut og
félaga minna eftir mótið í Borgarnesi
1997. Taldi að nú væri hápunktinum
náð í félagsmálastarfinu og rétt væri að
fara að hægja á. En áður en ég viss
af var ég farinn að undirbúa næsta
Landsmót.
Atvinnulaus í fyrsta skipti
I byrjun september í fyrra stóð ég
skyndilega uppi atvinnulaus í fyrsta
sinn á ævinni. Ég hafði verið
forstöðumaður Iþróttamiðstöðvar-
innar í Borgarnesi í tæp átta ár en
atvikin höguðu því þannig að ég sá
mér vænstan kost að ganga út. Það
var undarleg tilfinning fyrir mann,
sem hefur ekki séð fram úr
verkefnum allt sitt líf, að vera á
svipstundu sviftur vinnunni. Sú
tilfinning er skelfileg.
Forlögin óútreiknanleg
í einhverri rælni hringdi ég í vin
minn, Sigurð Aðalsteinsson Vað-
brekku, en við höfum verið saman í
stjórn UMFI og sagði honum
tíðindin. Nokkrum dögum síðar
hringir hann og sagðist hafa vinnu
handa mér. Það vantaði
framkvæmdastjóra fyrir
Landsmótið á Egilsstöðum. Sá sem
gengdi því starfi þyrfti að hætta
skyndilega. Ég hló við og sagðist vita of
vel út á hvað það starf gengi til þess að
ég léti plata mig. Hann var greinilega
dálítið vonsvikinn yfir viðbrögðum
mínum.
Fjölskylda mín ræddi þessa uppá-
stungu Sigurðar og nokkrum dögum
seinna hringdi ég aftur í hann og sagði
honum að ég hefði áhuga að hitta menn
úr landsmótsnefnd og ræða málin. Ég
flaug austur og kannaði aðstæður. Mér
leist það vel á alla hluti að viku seinna
var ég kominn til starfa hjá
Landsmótsnefnd á Egilsstöðum.
Ánægjulegt starf
Austfirðingar hafa tekið vel á móti mér
og mér líður vel í starfinu. Ég sé ekki
eftir að hafa slegið til og stokkið inn í
þetta verkefni sem var í miðjum klíðum
þegar ég kom til starfa. Erfiðasti tíminn
er eftir og ég vænti þess að Aust-
firðingar standi einhuga að
undirbúningi og framkvæmd 23.
Landsmóts UMFÍ. Vinnan er að sönnu
krefjandi en um leið skemmtileg og
gefandi. Ég virtn að verkefnum sem eru
mér mjög hugleikin og hef nokkra
reynslu af. Ég hef kynnst mörgum
einstaklingum í þessu starfi. Öll höfum
við það markmiði að vinna að því að
framkvæmd Landsmótsins takist sem
allra best. Ég er sannfærður um að
framkvæmd mótsins verður til
fyrirmyndar enda eru sérgreinastjórar í
einstökum greinum fagmenn hver á
sínu sviði.
Keppt vítt um Austurland
Öll helstu keppnissvæðin eru tilbúinn
og aldrei hafur verið keppt við eins
góðar aðstæður á Landsmóti UMFÍ ef á
heildina er litið. Umgjörð aðalleikvangs
mótsins á Egilsstöðum er mjög
skemmtileg. Þar verður mótið sett og
því slitið. Þar fer fram keppni í frjálsum
íþróttum, starfshlaupi og úrslitaleik-
irnir í knattspyrnu.
Keppnin fer reyndar fram víðsvegar um
Austurland. Keppni í badminton og
boccia fatlaðra fer fram á Seyðisfirði.
Blakkeppnin verður á Norðfirði. Knatt-
spyrnan verður sennilega á Eskifirði og
Reyðarfirði. Glíman verður á Reyðar-
firði, handboltinn á Fáskrúðsfirði og
borðtennis á Hallormsstað. Aðrar
greinar fara fram á Egilsstöðum og
næsta nágrenni en úrslitaleikirnir í
knattleikjum fara fram á Egilsstöðum.
Búast má við góðum árangri
I nokkrum greinum er keppt til
stiga í fyrsta sinn. Má þar nefna
badminton og skotfimi sem eru í
fyrsta sinn keppnisgreinar á
Landsmóti. Einnig er í fyrsta sinn
keppt til stiga í íþróttum fatlaðra
en greinin hefur verið sýningagrein
á nokkrum landsmótum.
Starfsíþróttirnar vekja ætíð mikla
athygli. Má þar m.a. nefna
pönnukökubakstur, starfshlaup og
dráttarvélaakstur. Þá er stafsetning
í fyrsta sinn stigagrein á landsmóti.
Frjálsar íþróttir hafa ætíð verið ein
af aðalgreinum mótsins. Enda hafa
ungmennafélagar ætíð átt íþrótta-
menn í fremstu röð í þeirri grein.
Það sama verður upp á teningnum
á Egilsstöðum. Nægir að nefna
nokkra sterka einstaklinga sem
munu setja mikinn svip á mótið:
Jón Arnar Magnússon, Svein
Margeirsson, Sunnu Gestsdóttur
og Vigdísi Guðjónsdóttur. Sterkir
sundmenn af Suðurnesjum Selfossi
og víðar með ólympiufara í broddi
fylkinga. Sterk lið úr úrvals-
deildinni mæta í körfuknattleik og