Skinfaxi - 01.02.2001, Blaðsíða 16
undantekningarlaust. Það var gríðarlega góð vöggugjöf fyrir
Leiðtogaskólann."
Það koma nokkrir samstarfsaðilar að þessu með ykkur. Ekki
rétt?
„Asamt UMFI koma Nýsköpunarsjóður og , Impra
(Iðntæknistofnun) að Leiðtogaskólanum. Fulltrúar frá þessum
aðilum koma á námskeiðið og kynna sitt starf ásamt því að fjalla
um frumkvöðlastarf og nýsköpun. Við höfum leitað til fjölda aðila
í sambandi við styrki. Okkur hefur allstaðar verið vel tekið og
margir leggja þessu þarfa verkefni lið. Meðal fyrirtækja sem
styrkja okkur mjög myndarlega er Ingvar Helgason hf og kunnum
við bestu þakkir fyrir. Sveitarfélög í landinu hafa tekið vel á móti
okkur og tilnefnt og styrkt fjölda fólks til þátttöku. Fjöldi samtaka,
stofnana og fyrirtækja senda þátttakendur, þannig að það eru
margir sem koma að verkefninu."
Hefur UMFÍ staðið fyrir slíkum skóla áður?
„Ég hef ekki vitneskju um að UMFÍ eða aðrir aðilar hafi staðið
fyrir námskeiði sem þessu áður. Margskonar leiðtogafræðslu
hefur verið að finna hingað til, en ekkert námskeið sem tekur fyrir
allt efnið á einu bretti. Vissulega hefur UMFÍ staðið fyrir
margskonar félagsmálafræðslu í gegnum tíðina en enga þessu
tengda að mér vitandi."
Þannig að þið rennið blint í sjóinn?
„A einhvern hátt er eflaust hægt að segja að svo sé. Við höfum þó
ákveðna tryggingu fyrir því að þetta gangi vel. Sú trygging eru
mikil þekking og reynsla kennara ásamt góðum aðbúnaði
þátttakenda. Það gerir það að verkum að eftirspurnin er mikil
eftir því að komast að."
Hverjir geta tekið þátt - eru það bara ungmennafélagar?
„Þátttakendur koma víða að. Leiðtogaskólinn er hannaður að
þörfum fólks í forystu hjá félagasamtökum, sveitarstjórnum og
litlum og fyrirtækjum. Einungis hluti af þátttakendum kemur því
frá ungmennafélögum. Ég tel í raun að það sé hagur allra
þátttakenda að samsetningin sé sem breiðust. Þannig geta
þátttakendur miðlað af reynslu sinni til annara og fengið það
margfalt til baka. Það er nefnilega oft óþarfi að finna upp hjólið.
Þekking og reynsla getur oft komið án þess að fólk læri af
mistökum. Með því að margir sterkir leiðtogar hittist trúi ég að
hægt sé að skiptast á upplýsingum og tengja fólk betur en áður.
Allir þeir sem hafa áhuga á að starfa í forystu í framtíðinni eru
einnig velkomnir."
Hvernig verður námið uppbyggt og hvað tekur það langan tíma?
„Eins og fram kom að ofan skiptist námið í tvo hluta. í apríl er hist
í tvo daga og aftur í október og þá í þrjá daga. I sumar munu
þátttakendur leysa nokkur auðveld en hagnýt verkefni. Það mun
verða upplýst síðar út á hvað þau verkefni ganga. Kennslan er
aðallega í formi fyrirlestra. A milli fyrirlestrana eru æfingar sem
leiðbeinendur sjá um."
Hvar fara námskeiðin fram?
„A þessu ári fara námskeiðin fram við Mývatn, á Selfossi og
Stykkishólmi. Leiðtogaskólinn fer alltaf fram á hótelum. Við
viljum að þátttakendum líði vel því annars getum við ekki gert
kröfur um árangur."
Hvernig nemendur útskrifast frá ykkur úr skólanum?
„Þátttakendur eru allir kröftugir og hæfir einstaklingar og
markmið okkar er að efla þá enn frekar. Við ætlum að útskrifa
einstaklinga fulla af áhuga og meðvitaða um það sem þeir eru að
gera og hvernig þeir gera það."
Getur stigið úr þessum skóla nýr forsætisráðherra eða jafnvel
forseti?
„Að sjálfsögðu. Framtíðar leiðtogar þjóðarinnar geta leynst hvar
sem er og í hverjum sem er. Ég er hins vegar viss um það að
leiðtogar framtíðarinnar verða hæfari ef þeir hafa tekið þátt í
Leiðtogaskólanum."