Skinfaxi - 01.02.2001, Blaðsíða 30

hérna á Króknum í gegnum árin, farið til
Reykjavíkur að æfa svona 2 í mánuði eða
oftar. Eg vandist því strax og ég kom á
Krókinn að fara suður að æfa með hinum,
en það var ekki svona oft fyrstu árin hjá
mér. Ég held að Gísli þjálfari og þeir sem
voru að æfa þá hérna hafi byrjað á þessu
1986 eða einhvern tíman þá og það hefur
bara alltaf verið svona síðan."
Þú verður ekkert þreytt á því að keyra
alltaf svona í bæinn?
„Nei, nei, ég er í ágætu formi - ég verð
ekkert þreytt enda keyri ég ekki sjálf."
Hefur þú hugsað þér að flytja í bæinn til
að geta æft við betri aðstæður ?
„Já, sko þó það sé nauðsynlegt að komast í
Baldurshagann svona einu sinni í viku þá
veit ég ekki hvort ég fæ eitthvað út úr því
að flytja þangað. Þjálfarinn minn er nú ekki
í Reykjavík. Það er svo margt sem þarf að
taka inn í þegar verið er að tala um
"aðstæður". Svo er ég í góðri vinnu og gott
að æfa með henni."
Gísli Sigurðsson er þjálfarinn eins og
hefur komið fram. Þannig að þú ert með
topp þjálfara, ekki satt?
„Jú. Gísli er mjög góður þjálfari sem leggur
sig fram og er tilbúinn að leggja sig fram
fyrir þá íþróttamenn sem vilja bæta sig.
Hann er líka mjög góður að sjá út tæknina
og finna réttar æfingar. Hann er alveg
óhræddur við að nota æfingar sem enginn
er að nota ef það hentar manni. Hann er
mjög ákveðinn við okkur og ætlast til að
við leggjum okkur fram, en hann gerir bara
kröfur á þá sem hann veit að vilja ná
árangri."
Þá er hann mjög agaður á æfingum og ég
skil fullvel afhverju hann vill svona mikinn
aga.En það eru margir sem fíla það ekki
alveg fyrst, en yfirleitt eru það þeir sem eru
ekki vissir um sjálfan sig, hvort sem er. Svo
eru nú líka agavandamál í landinu eins og
allir eru að tala um sem sjást stundum
ágætlega.
Hann finnur líka vel hvernig fólkinu líður
og vinnur í samræmi við það, leggur mikla
áherslu á andlega þáttinn líka. Þannig
getur maður náð eimþá meiru út úr sér.
Svo held ég að hann hafi bara svo mikið
sjálfstraust sjálfur að það smitar út frá sér.
Honum finnst sjálfsagt að við krakkarnir í
hans liði verðum best þannig að öllum fer
að finnast það eðlilegt sem æfa lengi hjá
honum."
Á hvað stefnir þú í framtíðinni?
„Ég ætla að ná lengra en ég trúi að ég geti
náð á þessari stundu."
Nú hafa Vala Flosadóttir, Þórey Edda
Elísdóttir og Guðrún Arnarsdóttir náð
frábærum árangri og æft grimmt erlendis-
langar þig til að komast í þeirra fótspor?
„Þær eru frábærir íþróttamenn og erfitt að
feta í þeirra fótspor. Þær voru líka ótrúlega
efnilegar allar þrjár þegar þær byrjuðu.
Nei, ég held að það sé best að fara sína
eigin leið hvert sem hún leiðir."
Guðrún hefur æft í Bandaríkjunum og nú
er Þórey Edda þar og Vala á leiðinni.
Hefur þú einhvern áhuga að fara í nám til
Bandaríkjanna og geta æft við bestu
aðstæður?
„Ég er ekkert svo viss um að það henti mér
sérstaklega að fara til útlanda að æfa. Og
það er ekkert samasem merki á milli góðra
aðstæðna og góðs árangurs."
Hvað er síðan framundan hjá þér?
„Áframhaldandi æfingar, æfingaferð til
USA í vor, og svo eru mörg stór mót í
sumar, t.d. MI, Landsmót á Egilsstöðum,
Bikarkeppni FRI og Evrópubikarkeppni í
fjölþraut."
Helga Elísa Þorkelsdóttir, Þórunn Erlingsdóttir,
Áslaug H. Jóhannsdóttir og Vilborg
UTILIF
L « u i
\ te aWá-íl v á jy/jv#Y i Wn
i Ite/1
}
»