Skinfaxi - 01.02.2001, Blaðsíða 38
Kristín Gísladóttir, stjórnarmaöur UMFÍ
Mikil umræða hefur verið
s *
undanfarið um sameiningu ISI
og UMFÍ og hef ég skrifað
svolítið um þau mál. Það ætla
ég hins vegar ekki að gera hér
heldur velta þvt aðeins upp
hvers vegna þessi sameiningar-
krafa er fram komin.
Ég tel að þetta snúist allt um peninga eða öllu heldur skort
á peningum. Það er mín skoðun að þeim fjármunum sem
skipt er til grasrótarinnar sé vel varið en leita þarf á önnur
mið til að afla frekara fjár til starfsins því samtökin hafa yfir
allt of litlum fjármunum að ráða til að geta unnið sitt starf
eins og ætlast er til af þeim.
Ég vil að meira fé til íþrótta- og ungmennafélagsmála komi
frá ríkinu Að mínu mati kemur allt of lítið fjármagn til þessa
málaflokks úr ríkiskassanum. f ár fær UMFÍ 22 milljónir og
ÍSÍ rúmlega 40 milljónir á fjárlögum. Ég vildi sjá þessar
upphæðir margfaldaðar með 10 og að innan fárra ára komi
úr ríkiskassanum einn milljarður á ári til íþrótta- og
ungmennafélagsmála.
Ég tel að ríkið eigi að greiða fyrir þjálfun barna og unglinga.
UMFÍ og ÍSÍ eiga að fá veglegan styrk frá ríkinu sem
eyrnamerktur er til barna- og unglingastarfs. íþrótta- og
ungmennafélögin í landinu eru rekin í sjálfboðavinnu sem
er mjög mikið og óeigingjarnt starf en því miður er það
staðreynd að allt of fáir eru tilbúnir að leggja það á sig að
vera í stjórnum og ráðum vegna þess að allur krafturinn fer
í fjáraflanir og áhyggjur af því hvernig eigi að fjármagna
starfið. Það væri mikill munur að vera í stjórn félags og
þurfa ekki að hafa áhyggjur af því hvort endar náist saman
með kökubakstri eða sölu klósettpappírs. Það er mikið
áhyggjuefni að æfingargjöldin þurfi að vera svo há að þeir
sem hafa minna á milli handanna eigi í erfiðleikum með að
leyfa börnum sínum að stunda íþróttir.
íþrótta- og ungmennafélagshreyfingin vinnur mjög
þýðingarmikið forvarnarstarf í landinu og rannsóknir hafa
sannað að unglingar sem stunda íþrótta- og félagsstarf
leiðast síður út í óreglu. Þessi vitneskja segir okkur að gild
rök séu fyrir því að ríkið setji meiri peninga í þessi mál.
og unglinga að 18 ára aldri verði meginmarkmið í starfsemi
HSK næstu 4 starfsár" og önnur tillaga var "að beina þeim
eindregnu tilmælum til UMFÍ og ÍSÍ að sameinast um að
sækja meira fé til ríkisins vegna íþrótta- og félagsstarfs
barna og unglinga í íþrótta- og ungmennafélögum landsins.
Að UMFÍ og ÍSÍ setji sér það markmið að árlegt framlag
ríkisins til þessa verði verulegt".
Greinargerð með seinni tillögunnni var eftirfarandi:
"Rannsóknir sýna að hið virka og stöðuga starf íþrótta- og
ungmennafélaga landsins með börnum og unglingum er
öflugasta forvörnin sem til er í dag gegn þeirri vá sem
ungmennum stafar af vímuefnum, bæði þeim löglegu,
tóbaki og áfengi, og hinum sem eru eiturlyfin. Mikilvægt
er að þetta fé renni milliliðalaust til félaganna sem sinna
barna- og unglingastarfinu. Þannig nýtist þetta
forvarnarframlag best. Hið öfluga sjálfboðastarf félaganna
er mjög verðmætt fyrir samfélagið og það margfaldar
hverja krónu sem ríkið veitir þeim til að efla þennan virka
forvarnarþátt íþrótta- og félagsstarfsins."
Umf. Selfoss ætlar að beita sér fyrir því á næstunni að aukið
fjármagn fáist til þjálfunar barna- og unglinga, þannig að öll
börn hafi jafna möguleika á að stunda íþróttir óháð fjárhag
foreldranna og að gera hið mikla sjálfboðaliðastarf sem
unnið er í félaginu áhugaverðara. Vil ég hvetja alla sem
starfa með börnum og unglinum að taka undir með okkur
og halda á lofti kröfunni til ríkisins að meira fé verði lagt í
íþrótta- og félagsstarf barna- og unglinga.
Undirrituð er framkvæmdastjóri Umf. Selfoss og þar eru
miklar umræður og vangaveltur um þessi mál í dag. A
HSK þingi nýlega lögðum við fram nokkrar tillögur um
þetta. Ein tillagan var um það "að efling íþróttastarfs barna
Með ungmennafélagskveðju
Kristín Gísladóttir.
stjórnarmaður í UMFI