Skinfaxi - 01.04.2001, Blaðsíða 48

Helgi Kjartansson fræðir okkur um Íslandsglímuna
ISLAIMDSGUMAN
Keppendur í Íslandsglímunni. Siguvegarinn
Ingibergur Sigurðsson er lengst til vinstri.
91. Íslandsglíman var haldin við hátíðlega
athöfn 5. maí sl. í íþróttamiðstöðinni í
Grafarvogi. Sigurvegarinn í Islandsglímu
fær Grettisbeltið til varðveislu í eitt ár og
sæmdarheitið Glímukóngur Islands. Það
er því ákveðinn sjarmi og hátíðarblær yfir
því þegar Islandsglíman fer fram.
Að þessu sinni mættu til leiks sjö af bestu glímumönnum landsins.
Ingibergur Sigurðsson, UV, glímukóngur síðustu fimm ára ætlaði
sér ekkert annað en sigur, ef hann sigraði í sjötta sinn væri hann
búinn að jafna met Sigurðar Thorarensen en met Armanns ].
Lárussonar var ekki í hættu. En hann sigraði 15 sinnum sem er
einstakur árangur. Pétur Eyþórsson, UV, sem hafði gengið vel á
mótum vetrarins og sigrað á þeim flestum ætlaði sér líka sigur.
Nýliðinn í hópnum, Lárus Kjartansson HSK, nýkrýndur
skjaldarhafi HSK, ætlaði að koma á óvart og sigra í sinni fyrstu
Íslandsglímu. Aldursforsetinn í hópnum, Arngeir Friðriksson,
HSÞ, hafði lítið keppt í vetur en hann er óútreiknanlegur og gat
hæglega farið með sigur af hólmi. Ólafur Sigurðsson HSK sem var
í öðru sæti á Íslandsglímunni 1998 var í betra formi en oft áður
ætlaði sér einnig sigurinn. Ólafur Kristjánsson, UV, er glímumaður
sem getur lagt alla og það gat gerst þennan dag. Sigurður
Nikulásson, UV, hafði lítið keppt í vetur en hann er lunkinn
glímumaður og það getur enginn bókað sigur gegn honurn. Mikil
spenna var því í loftinu þegar keppni hófst og ætluðu allir sér að
vinna Grettisbeltið. Ómögulegt var að spá um úrslit fyrirfram svo
jafnir voru keppendur.
Það er óhætt að segja að keppnin hafi verið jöfn og spennandi því
í lokin voru þrír keppendur jafnir með fjóra vinninga. Það voru
þeir Ingibergur Sigurðsson, Ólafur Sigurðsson og Pétur
Eyþórsson. Þeir þurftu að glíma aftur sín á milli til að fá úr því
skorið hver hampaði Grettisbeltinu. Fyrstu glímuna í úrslitunum
áttu Ingibergur og Pétur og gerðu þeir jafnglími. Næst áttust við
Ingibergur og Ólafur og sigraði Ingibergur með hælkrók hægri á
vinstri. Að lokum áttust við Ólafur og Pétur, ef Pétur sigraði
þyrftu Ingibergur og Pétur að glíma til þrautar. En svo fór að
Ólafur sigraði og tryggði sér þar með annað sætið og Ingibergur
var þar með orðin glímukóngur Islands sjötta árið í röð.
Keppnin var afar jöfn sem sést best á því að Lárus var í fjórða sseti
með 3,5 vinninga og Arngeir í því fimmta með 3 vinninga. Ólafur
Kristjánsson var í sjötta sæti með 2,5 vinninga og Sigurður i
sjöunda sæti með engan vinning. Það hefði ekki mikið þurft að
breytast í innbyrðis viðureignum sex efstu manna til að úrslitin
hefðu snúist við. Það munaði aðeins 1,5 vinningi á fyrstu mönnurn
og Ólafi Kristjánssyni sem lenti í 6 sæti. Góð tilþrif sáust hja
glímumönnunum en það var baráttan og spennan sem einkenndi
mótið í heild. Það mátti ekkert útaf bera í svo jafnri keppni sem
raun bar vitni og glímumennirnir tóku enga áhættu. En í heild
tókst mótið vel og glímumennirnir voru sér og þjóðaríþróttinni til
sóma.
Heiðursgestur mótsins var Steingrímur Hermannsson
fyrrverandi forsætisráðherra og afhenti hann Ingibergi
Grettisbeltið. Það var vel við hæfi að Steingrímur afhenti beltið þvl
í ár eru 80 ár frá því að faðir hans, Hermann Jónasson, var
glímukóngur Islands
Upphaf Íslandsglímunnar má rekja til Akureyrar í byrjun 20-
aldarinnar en árið 1906 var Ungmennafélag Akureyrar stofnað,
fyrsta ungmennafélagið á íslandi. Helsti hvatamaðurinn að
stofnun þess var Jóhannes Jósefsson. Félagið hafði íþróttir 3
stefnuskrá sinni og var glíman í fyrsta sæti. Mikill áhugi var fyr>r
glímunni og ekki minnkaði áhuginn þegar virðulegir borgarar a
Akureyri stofnuðu árið 1906 Glímufélagið Gretti. Glímufélagið lét
smíða Grettisbeltið og efndi til fyrstu Íslandsglímunnar 21. ágúsr
1906. Tólf glímumenn mættu til leiks og fóru leikar þannig að
Ólafur V. Davíðsson varð fyrstur til að vinna Grettisbeltið og er
hann jafnframt sá yngsti til að vinna það en hann var þá 19 ára-
Íslandsglíman hefur verið haldin árlega frá 1906 að fimm árun1
undanskildum á árum fyrri heimstyrjaldar. Alls hafa 30
glímumenn sigrað í Íslandsglímunni og borið sæmdarheit'
glímukóngsins.
Helgi Kjartanssoú
48