Skinfaxi - 01.04.2001, Blaðsíða 50

lokaorð
Sigurbur Aöalsteinsson, varamaður í stjórn UMFÍ og
fulltrúi UMFÍ í Landsmótsnefnd
Eins og þetta blað Skinfaxa ber
með sér er mjög stutt í 23. Lands-
mót Ungmennafélaganna á Egils-
stöðum. Þar er nú allt til reiðu, öll
mannvirki tilbúin og skipulagning
mótsins á lokastigi.
Það er fagnaðarefni að sjá hvernig sveitarfélög bregðast við
þegar héraðssamböndum á þeirra svæði er úthlutað
Landsmóti, það verður jafnan til þess að byggð er upp
íþróttaaðstaða af bestu gerð hvers tíma. Egilsstaðir eru
enginn eftirbátur í þeim efnum, þó þar hafi aðstaða til
íþróttaiðkana verið með besta móti áður en til þess kom að
halda Landsmótið þar. Nú er engu að síður glæsilegustu
íþróttamannvirki utan suðvesturhornsins staðreynd á
Egilsstöðum og er það vel. Sveitarstjórnarmenn á Austur-
Héraði eiga heiður skilinn fyrir það hugrekki og elju sem
þeir hafa sýnt við þessa uppbyggingu ásamt ríkinu sem
kom myndalega að þeim málum.
Gestir á 23. Landsmóti Ungmennafélaganna eiga eftir að
eiga eftirminnilega helgi yfir Landsmótsdagana á
Egilsstöðum og nágrenni, enda ekki á móti mælt að Egils-
staðir eru meðal fegurstu bæja á landinu þar sem stórhugur
og snyrtimennska eru höfð í fyrirrúmi.
Þessar hugleiðingar verða til þess að ég hugsa með sjálfum
mér hvort þetta sé sjálfsagður hlutur og kemst að því að það
er alls ekki. Grundvöllur að þessu er öflugt starf
Ungmennafélags Islands og góð samvinna þess við hinar
dreifðu byggðir landsins. Það er stefna Ungmennafélagsins
að dreifa Landsmótunum um landið til að hjálpa til við
uppbyggingu íþróttamannvirkja sem víðast eins og til
dæmis sést af því að næsta Landsmót verður á ísafirði,
vonandi og að sjálfsögðu, með tilheyrandi uppbyggingu
því samfara.
Hvað getum við hinn almenni ungmennafélagi gert til að
þetta starf haldi áfram? Það verður alltaf að ganga útfrá því,
svo vitnað sé í fleyg orð: „Hvað get ég gert fyrir
Ungmennafélagshreyfinguna, það er ekki spurning um
hvað Ungmennafélagshreyfingin getur gert fyrir mig."
Þess vegna vil ég hvetja alla ungmennafélaga bæði unga og
aldna að standa vörð um þessa hreyfingu og það ekki að
ástæðulausu. Nú á síðari árum hefur hart verið sótt að
þessari hreyfingu, "að sunnan", af dæmalausri vanþekk-
ingu. Þar á ég við að reynt hefur verið með ofbeldi,
yfirgangi og hótunum að þröngva Ungmennafélagi Islands
sem eru frjáls félagasamtök, til sameiningar við stóra bróðir
sem eru stór miðstýrð samtök sem starfa á lagagrunni til að
halda utan um íþróttastarfið í landinu og með fulh1
virðingu fyrir þeim samtökum þá virðast þau sjá ákaflega ,
skammt út fyrir suðvesturhornið alla jafna.
Ég vil þess vegna hvetja alla ungmennafélaga til að standa
fast að baki Ungmennafélagi íslands og afstýra því slysi að
við rennum inní þessi samtök þar sem við erum nánast
dæmd til að týnast samkvæmt reynslunni.
Það er staðreynd að Ungmennafélag íslands stendur fyrh
margt fleira en íþróttir. Þar er lögð áhersla á menningar'
tengda starfsemi ásamt hverskonar landgræðslu og
hreinsunarátökum. Ég bendi á máli mínu til stuðnings
öfluga leiklistarstarfsemi í Ungmennafélögum allt 1
kringum landið ásamt allskonar mannræktarstarfi sero
Ungmennafélögin standa að ásamt íþróttaiðkuninni. Alh
þetta starf mun kristallast í dagskrá Landsmótsins a
Egilstöðum og nágrenni.
Ég hvet sem flesta til að mæta til Egilsstaða og sjá með eigh1
augum sýnishorn af því öfluga starfi sem unnið er 1
Ungmennafélögunum. Spá mín er sú að þar sjáum við mfð
eigin augum að við megum með engu móti hætta því starfi
sem unnið er í ungmennafélögunum út um hinar dreifðo
byggðir landsins með vanhugsuðum ákvörðunum sem getð
leitt til þess að Ungmennafélag Islands starfi ekki í óbreyttn
mynd áfram.
Vaðbrekku Hrafnkelsdal um sumarsólstöður.
Islandi allt.
Sigurður Aðalsteinssoi1
50