Skinfaxi - 01.10.2001, Blaðsíða 10

hermann hreiðarsson
Hefur ekki áhyggjur þegar
hann kaupir kók og prins!
Skapti Örn Ólafsson hringdi út tii Englands
á dögunum í einn besta knattspyrnumann
okkar íslendinga og það sem meira er að
hann er einnig dýrasti knattspyrnumaður
okkar. Eyjapeyinn Hermann Hreiðarsson er
að hefja sitt fimmta knattspyrnutímabil í
hörðum heimi knattspyrnunnar í Englandi
og spilar nú með úrvalsdeildarliðinu Ips-
wich Town. Hemmi eins og hann er jafnan
kallaður hefur spilað í öllum deildunum í
Englandi og hafa Crystal Palace, Brentford,
Wimbledon og nú Ipswich Town fengið að
njóta krafta hans. Aður hafði Hemmi getið
sér gott orð með ÍBV hér heima. Þá er hann
einn af burðarásum landsliðsins.
Ásgeir var mín fyrirmynd
Þið hafið ekki farið vel af stað í ár miðað við frábært
gengi í fyrra. Einhver ástæða?
„Við erum nú ekkert langt frá því að vera að spila eins og
á síðasta tímabili. Maður vissi það alltaf að tímabilið núna
yrði erfiðara. Það eru miklar væntingar hjá áhangendum
Ipswich sem og okkur leikmönnum þannig að pressan er
mikil. Eftir frábært tímabil í fyrra þá taka andstæðingarnir
okkur núna alvarlega og þó svo að stigin séu ekki eins
mörg og maður vildi þá er margt gott í leik okkar. Ég hef
bullandi trú á hópnum og á von á að þetta fari að smella
saman hjá okkur.“
Nú ertu að byrja þitt fimmta tímabil í Englandi og
hefur leikið í öllum deildunum þar. Var það alltaf
draumur þinn í æsku að komast í atvinnumennskuna?
„Já, auðvitað var það draumur hjá manni eins og hverjum
öðrum ungum fótboltastrák í dag. Þetta var bæði stór og
kannski fjarlægur draumur hjá manni en ég er ánægður