Skinfaxi - 01.10.2001, Blaðsíða 31
búinn þá lá leiðið í Fjölbrautaskólann í Breiðholti þar sem ég
útskrifaðist sem stúdent 1995. í dag er ég í Listaháskólanum þar
sem ég er að læra grafíska hönnun og stefni á að útskrifast
þaðan nk. vor," sagði Kristín Rós en hún komst í landsliðið í
sundi árið 1987, þá 14 ára gömul og hefur verið í því síðan. „Ætli
ég fari síðan bara ekki að vinna og æfa sundið ennfrekar," sagði
hún en sundíþróttin á hug hennar allan. „Ég hef sett stefnuna á
Heimsmeistaramótið í Argentínu í desember á næsta ári og er
að byrja að æfa skipulega fyrir það mót.
Nú hefur þú unnið ógrynni verðlauna, hvað stendur upp úr?
„Ég á 10 medalíur frá Ólympíuleikum, þar af fimm gullverðlaun.
Ég held alveg óskaplega mikið upp á þessa peninga en það er
alltaf gaman að vinna til verðlauna," sagði Kristín Rós sem er
greinilega mikil keppnismanneskja.
Hvaða skoðun hefur þú á tóbaki og vímuefnum? „Ég er mjög
mikið á móti tóbaki. Ég hef aldrei prufað tóbak né áfengi enda
kæmi það niður á sundinu. Ætli það myndi nokkuð passa að
vera á fullu í sundi og síðan reykja og drekka. En ég hef aldrei
prufað þetta og ætla mér heldur ekkert að gera það."
Telur þú að sundið haldi krökkum og unglingum frá því að
fara að drekka og reykja? „Alveg tvímælalaust. Þeir krakkar
sem stunda sundíþróttina eru alltaf á fullu við æfingar og að
synda í stað þess að fara niður í bæ að
djamma. Sundið tekur það mikinn tíma
að flestar helgar fara í æfingar og
keppnir. Þannig að það má segja að
það séu forvarnir við þessu rugli að
stunda sund og íþróttir."
Nú ert þú búin að vera lengi að æfa
sund og vinna næstum allt sem
hægt er að vinna, ætlar þú ekkert að
fara að hætta? „Á meðan ég hef
gaman af því að synda þá held ég
áfram. Og af hverju að hætta þegar
gengur svona vel? En ætli það megi
ekki segja að ég sé að toppa núna en
ég ætla mér að ná toppnum á
Ólympíuleikunum í Aþenu árið 2004.“
Hver er formúlan á bak við svona
góðan árangur? „Vera samvisku-
samur og að hafa vilja og þor. Síðan
náttúrulega að hafa áhuga á því sem
maður er að gera og ekki spillir fyrir að
hafa aga á sjálfum sér. Þetta á kannski
allt við til að halda krökkum og ung-
lingum frá rugli eins og brennivíni og
reykingum."
Spilar á frumbyggjahljóðfæri
Alls fara um 18 klukkutímar á viku í
æfingar hjá Kristínu Rós sem æfir
um þessar mundir með íþróttafé-
laginu Fjölni í Grafarvogi. „Það fara
svona þrir tímar á dag í æfingar hjá
mér alla daga vikunnar nema
sunnudaga. Æfingarnar eru klukkan
fimm á daginn og standa til svona átta.
Ég er núna að æfa með Fjölni í
Grafarvogi en var áður hjá Breiðabliki.
Ég er svona að skipta um þjálfara og
félag núna og ég verð komin á fullt eftir
smá tíma.“
Hvaða skoðun hefur þú á fíkniefna-
vandanum? „Það er nokkuð Ijóst að
vandinn er mikill og nær að manni
skilst niður í grunnskóla. Ég heyrði um daginn af einni stelpu í
grunnskóla hér í Reykjavík að sjúkrabíll hafi þurft að sækja hana
eftir að hún hafi sprautað sig. Þannig að vandinn er kannski
meiri en fólk gerir sér grein fyrir. Það þarf að leita einhverra leiða
til að koma unglingum í skilning um hættuna sem fylgir því að
vera í svona rugli. Þessir krakkar þyrftu kannski að finna sér
eitthvað áhugamál eins og íþróttir ( stað þess að drekka og
dópa," sagði Kristín Rós og bætti við að það ætti að tvinna
íþróttastarf meira við grunnskólana með því að halda
krökkunum lengur í skólanum á daginn við íþróttaiðkun.
Áttu þér einhver áhugamál önnur en sundið? „Ég hef gert
svolítið af því að mála. Það tengist kannski skólanum sem á hug
minn allan þessa dagana ásamt sundinu. Þá hef ég gaman af
tónlist og spilaði meðal annars á flautu og trompet þar til ég
byrjaði í framhaldsskóla. Núna spila ég stundum á hljóðfæri sem
heitir Dideridu sem er frumbyggjahljóðfæri frá Ástralíu, en ég
keypti það f Ástralíu þegar ég var að keppa þar," sagði Kristín
Rós og er greinilegt að henni er margt til lista lagt og prýddu
veggir heimili hennar m.a. málverk eftir hana sjálfa. Skinfaxi
þakkar Kristínu Rósu fyrir skemmtilegt spjall og óskar henni
velfarnaðar í því sem hún tekur sér fyrir hendur.
Hlíðarfjall Akureyri
Vetranþróttamiöstöö
íslands, Akureyri
Aðeins 7 km frá Akureyri í 500 m hæð yfir sjó.
Veitingasala, skíðaleiga, stólalyfta, tvær spjaldalyftur,
T-lyfta. Heildarafköst um 3000 m/klst.
Fallhæð frá efstu lyftu að hóteli 500 m,
lengsta skíðaleið 2,5 km. Göngubrautir 3,5
km, 5 km, 10 km.
Skíðastaðir á Akureyri
Hlíðarfjalli, 600 Akureyri
Tel.: (+354) 462 29 30
Fax: (+354) 461 20 30