Skinfaxi - 01.10.2001, Blaðsíða 33
bubbi morthens
Skiptir höfuðmáli að
velja rétt í lífinu
Þannig var það bara
Hver er Bubbi Morthens ef við sleppum
gítarnum og boxhönskunum í lýsing-
unni? „Ég er fæddur 6. júní 1956 og ólst
upp í Vogunum. Móðir mín var dönsk og
faðir minn hálf norskur. í Vogunum kynntist
ég strákum eins Einari Má Guðmundssyni,
Friðrik Þór Friðrikssyni og Agli Ólafssyni.
Ég átti mína barnæsku hér á íslandi en
gekk líka í skóla í Danmörku. Síðan kem ég
heim upp úr 1973 og gerðist farandverka-
maður til margra ára eða fram til 1980. Þá
byrjaði ég á fullu í tónlist og gaf út mína
fyrstu plötu, ísbjarnarblús, 17. júní sama ár.
Eftir það hef ég ekki sleppt gítarnum og
verið að spila og syngja."
í sjónvarpinu segir hann með tilþrifum „Sástu þetta
Ómar - þetta var svakalegt upphandleggshögg" og
í útvarpinu syngur hann „Stál og hnífur er merki
mitt - merki farandverkamanna." Þessar lýsingar og
margar aðrar eiga við engan annan en Bubba
Morthens einn ástsælasta tónlistarmann okkar á
Fróni og boxáhugamann með meiru. Nóg er að gera
hjá Bubba um þessar mundir. Nú nýverið kom út
plata með Bubba og hljómsveit hans, Stríð og
friður, og er kappinn að fylgja henni eftir. Jafnhliða
þessu er Bubbi í samstarfi með Essó í forvarnar-
herferðinni „Það skiptir máli að velja rétt!" Þetta og
margt fleira vakti athygli Skinfaxa. Skapti Örn
Ólafsson settist því niður með kappanum.