Skinfaxi - 01.12.2001, Blaðsíða 20

ílí?p?

körfuboltakappar
Þeir eru margir efnilegir körfu-
boltamennirnir sem leika með
Selfossi í dag. Tveir þeirra, Ragn-
ar Gylfason og ívar Freyr Haf-
steinsson, hafa, ásamt fleirum,
verið að koma inn í meistara-
flokkinn á síðustu tveimur árum
þrátt fyrir ungan aldur. Þeir eru
aðeins 16 ára og hafa verið sigur-
sælir með yngri flokkum Selfoss
m.a. eru þeir núverandi Islands-
meistarar í 10. flokki.
Skólinn gengur fyrir
Ég gæti trúað að
meðalaldurinn
sé 18 ár þannig
við við eigum
eftir að þroskast
mikið. Það er
því björt
framtíð hérna á
Selfossi
„Þetta var rosalega erfitt í fyrra.
Við lentum í undanúrslitum á móti
Grindavík og unnum þá. Til úrslita
lékum við gegn Njarðvík. Það var
tvísýnn leikur og sérstaklega eftir
að Ivar fór út af með 5 villur, en við
náðum að klára leikinn og tryggja
okkur Islandsmeistaratitilinn á
lokasekúndunum/' segir Ragnar.
Spila upp fyrir sig
Út af með fimm villur ívar. Ertu
svona grófur leikmaður? „Nei,
nei, alls ekki ég er mikið prúð-
menni inn á velli og þetta var mjög
ósanngjarn dómur," segir hann
glottandi.
Þið urðuð einnig íslandsmeistara
í 7. flokki á sínum tíma. Hver er
ástæðan fyrir svona góðum ár-
angri á undanförnum árum? „Það
er spuming. Við höfum reyndar
verið duglegir að æfa og höfum
lagt mikið á okkur. Þá held ég að
það hafi skipt miklu máli að við
höfum alltaf leikið upp fyrir okkur
þ.e.a.s. með eldri strákum og núna
erum við að leika með meistara-
flokki. Þetta herðir okkur og við
fáum meira út úr því að leika með
betri og á móti sterkari leikmönn-
um," segir Ivar.
Meistaraflokkur Selfoss leikur í 1.
deild í körfunni en hefur ekki
farið neitt sérstaklega vel af stað í
vetur? „Okkur hefur gengið illa
það sem af er vetri. Við erum
aðeins búnir að vinna einn leik og
það er ekki nógu gott," segir ívar.
Nú léku þið til úrslita um sæti í
Úrvalsdeild í fyrra en eruð nú eins
og staðan er í dag í hinum end-
anum á töflunni. Hvað veldur?
„Við erum að spila á mjög ungu
liðið í ár samanborið við í fyrra og
því er ákveðið reynsluleysi að há
okkur. Við erum reyndar með nán-
ast sama hóp en spilum reyndar án
útlendings og svo fór einn mjög
sterkur leikmaður frá okkur fyrir
tímabilið. Þegar hópurinn er svona
lítill, eins og hjá okkur, þá skiptir
hver maður miklu máli. Ég held að
þetta séu aðal orsökin fyrir slæmu
gengi auk þess sem við vorum með
útlending sem þjálfaði og lék með
okkur en hann var látinn fara fyrir
skömmu enda var leikskipulagið
komið í algjört rugl," segir Ragnar.
Nú hefur gamalreyndur körfu-
boltamaður og landsliðsmaður,
Gylfi Þorkelsson, tekið við þjálf-
un liðsins. Þú ættir að þekkja eitt-
hvað til hans Ragnar? „Já, já, þetta
er pabbi minn." Og ívar bætir við:
„Gylfi er að koma inn nýjum
hlutum hjá okkur sem tekur tíma
að átta sig á. Við höfum fulla trú á
að við eigum eftir að bæta okkur
eftir áramótin enda höfum við
verið óheppnir í mörgum leikjanna
og verið að tapa þeim með litlum
mun. Það má því segja að þetta hafi