Skinfaxi - 01.12.2001, Blaðsíða 28
Magnús Már Kristinsson
flugsundsmaður
Við hörkum bara af okkur enda
farin að venjast kuldanum
Magnús Már Kristinsson hefur æft
sund í fimm ár. Hann var 10 ára þegar
hann byrjaði og á þessum fimm árum
hefur hann skipað sér á bekk með bestu
sundmönnum landsins í 50 og 100 metra
flugsundi. Hann er í íslenska Framtíð-
arhópnum, en í honum er sundmenn
sem reikna má með að séu líklegir til
afreka á næstu árum. Valdimar Kirst-
ófersson stakk sér til sunds í djúpu
laugina á Selfossi en þar var hann
búinn að mæla sér mót við Magnús.
Hvernig er aðstaðan fyrir sund-
menn hérna á Selfossi? „Hún er
ágæt. Það er reyndar hræðilegt að
þurfa að mæta á æfingar í 20 stiga
frosti og synda úti. Innilaugin er
of lítil til að æfa inni. Því förum
við út og æfum í 25 metra laug-
inni."
Þannig að þetta er þá oft meiri
píning en skemmtun að mæta í
sundlaugina? „Nei, alls ekki.
Þetta er alltaf jafn skemmtilegt að
synda en það getur stundum
verið ansi kalt."
Hefur ekkert annað en sundið komist að hjá þér í gegnum
tíðina? „Jú, ég var reyndar í handbolta og karate áður en ég
fór í sundið. Ástæðan fyrir að ég hætti í þeim var einföld.
Eg einfaldlega gat ekkert í þessum greinum og ég er yfir
höfuð ekkert góður í íþróttum. Ég man eftir því að ég var
þokkalegur í langstökki án atrennu en það þótt mér ekki
spennandi íþrótt," segir hann brosandi en er þá væntanlega
ekki að tala um sundið því þar býr hann yfir miklum hæfi-
leikum.
Af hverju ákvaðstu að fara í sundið þegar þú sagðir skilið
við hinar greinarnar? „Ég varð fyrir
áhrifum frá fjölskyldunni þ.e.a.s. frá
systkinum mínu því báðir bræður mínir
og systir mín eru í sundinu. Það lá því
einhvern veginn beinast við að ég
mundi prófa að stinga mér til sunds og
ég sé ekki eftir því að hafa valið sundið."
Ég er yfirleitt ekki
vaknaður fyrr en upp
úr hádegi þótt ég sé
mættur í laugina kl. 6
um morguninn
Hver er helsta greinin þín í sundinu?
„Ég syndi í nokkrum flokkum en 50 og 100 metra flugsund
eru aðal greinarnar mínar."
Þú ert kominn í íslenska Framtíðarhópinn í sundi. Hvaða
hópur er þetta? „Þetta eru strákar sem eru fæddir 1986 og
stelpur sem eru fæddar 1988 sem þykja vera hvað mest
framúrskarandi í sínum aldursflokki. Það er Sundsamband
Islands sem stendur að þessum hópi."
Hvernig hefur árgangurinn þinn verið í gegnum tíðina í
sundinu? „Hann er alltaf að verða betri og betri. Það er eins
með sundið og handboltann og karate að ég var ekkert
sérstakur. Svo allt í einu fór þetta að smella og ég hef
stöðugt verið að bæta mig síðan. Það er spurning hvort ég
hafi ekki hætt of snemma í handbolta og karate." Segir hann
brosandi og er sjálfsagt því guðsfeginn að hafa farið í
sundið.
Er þá stundum mikið um forföll
og veikindi á meðal sundmanna?
„Jú, það kemur fyrir að menn
missi úr æfingar vegna veikinda,
en það er þó ekki oft. Við hörkum
bara af okkur enda farin að
venjast kuldanum."
Þú segir að aðstaðan mætti vera
aðeins betri en er þetta ekki bara
vatn og sundlaug sem þarf til að
æfa sund? „Jú, að vísu en það
skiptir miklu máli
að æfa í stórri laug
og hér á landi er
betra að það sé
innilaug þar sem
veturinn getur oft á
tíðum verið svolítið
kaldur. Það mætti
því alveg byggja
yfir útilaugina hérna því í þessum
kulda þá er t.d. erfitt að æfa
tækniæfingar."
Hvað er það sem gerir einn
sundmann betri en annan? „Ég
mundi segja að tæknin skipti
geysilega miklu máli, þá verður
maður að hafa gott þol og vera
liðugur, sérstaklega í höndunum."
Hvernig æfir þú fyrir sundið?
„Þetta snýst ekki eingöngu um að
fara út í laug og synda heldur
verður maður að gera allskonar
sett og tækniæfingar án þess að
koma nálægt lauginni. En laugin
skiptir að sjálfsögðu miklu máli
og þar tekur maður endalausar
endurtekningar, syndir fram og til
baka t.d. 20X100 metrar o.s.frv."
Hvernig er það eiginleg að stinga
sér til sunds og synda stanslaust
í tvo til þrjá tíma? „Það getur
verið mjög erfitt og það er
nauðsynegt að hafa léttar æfingar
inn á milli þannig að maður fái
ekki meira en nóg. Við æfum sex
sinnum í viku og maður hefur í
raun ekki mikinn tíma til að gera
nokkurn skapaðan hlut annað en
að synda og stunda skólann. Við
æfum eins og er einu sinni á
morgnana kl. 6 og fimm sinnum
seinni part dags. Þetta gæti þó
orðið fleiri æfingar á morgnana
og æfingarnar geta orðið allt að
níu sinnum í viku."
Ertu þá mikill morgunhani?
„Nei, ekki get ég sagt það. Ég er
yfirleitt ekki vaknaður fyrr en
upp úr hádegi þótt ég sé mættur í
laugina kl. 6 um morguninn.”
Þú ert ekkert hræddur við að
drukkna þá í lauginni hálf sof-
andi? „Nei, það ætti ekki að koma
fyrir. Maður rankar reyndar að-
eins við sér þegar maður fer ofan
í kalda laugina."
Nú ertu kominn í Framtíðarhóp-
inn. Stefnir þú á Iandsliðssæti í
framtíðnni? „Já, auðvitað. Ég
ætla að reyna að komast í ung-
lingalandsliði á næsta ári og svo
er stefnan sett á úrvalshópinn þ.e.
A-landsliðið."
Fylgist þú mikið með öðrum
íþróttum en sundinu þótt þú
hafir ekki verið sleipur í þeim?
„Já, ég reyni að fylgjast með þessu
af bestu getu, en það er þó ekki
mikið. Ég horfi alltaf á sundið en
það er bara verst hvað þeir sína
lítið frá því á sjónvarpsstöðvun-
um."