Sjómannablaðið Víkingur - 01.10.1950, Blaðsíða 8
Veðurf regnir
SpásvœSin. — Sjá grein.
Hinn 29. október 1949 skrifaði veðurstofustjórinn, frú
Teresía Guðmundsson, bréf til 13. þings F. F. S. í., sem
þá stóð yfir. Efni bréfsins var eftirfarandi:
„Það mun algengt í öðrum löndum að sérstökum
mönnum sé falið það starf að vera tengiliður milli sjó-
mannastéttarinnar og Veðurstofunnar.
Ég álít að mikil þörf sé á því að koma á slíku skipu-
lagi hér á landi og vil leggja til við stjórn Farmanna-
og fiskimannasambands Islands, að rætt verði á yfir-
standandi þingi sambandsins um möguleika á því, að
skipuð verði nefnd, sem hefði slíkt starf með höndum.
Nauðsynlegt væri að í nefndinni ættu sæti bæði full-
trúar frá sjómannasamtökunum og Veðurstofunni".
Samkvæmt ályktun 13. þings skipaði stjórn F. F. S. í.
þriggja manna nefnd, sem hefði samvinnu við Veður-
stofustjóra eða fulltrúa hennar um bætt fyrirkomulag
á veðurþjónustunni til sjómanna. Samstarfið er þegar
farið að sýna árangur; í haust hefur orðið að sam-
komulagi við Veðurstofustjóra að veðurspá verði gefin
fyrir fiskimiðin sérstaklega, þegar þess gerist þörf.
Hins vegar hafa togaraskipstjórar og loftskeytamenn
lofað að senda veðurskeyti til Veðurstofunnar, og munu
10 togarar annast það. Kort það, er hér fylgir, sýnir
skiptingu svæða þeirra er Veðurstofan ætlar að gefa
út veðurspár fyrir.
Er vonandi að þessi nýja tilhögun megi gefast vel,
og á Veðurstofustjóri þakkir skildar fyrir frumkvæði
sitt að henni. Vert er að benda á það, að veðurspár
geta því aðeins orðið ábyggilegar, að veðurathuganir
þær, sem Veðurstofunni berast, hvort heldur er útan
af landi eða sjó, séu samvizkusamlega af hendi leystar.
Starfsmaður F. F. S. í. hefur lofað að gefa allar þær
upplýsingar, sem óskað kynni að verða eftir, varðandi
veðurþjónustuna, og koma á framfæri við Veðurstofuna
og veSurspár
öllum tillögum eða umkvörtunum varðandi veðurspár
o. s. frv.
Skýringar og greinargerö frá Veöurstofunni.
1. Suðvesturmið — Hjörleifshöfði að Reykjanesi.
2. Faxaflóamið — Reykjanes að Snæfellsnesi.
3. Breiðafjarðamið — Snæfellsnes að Látrabjargi.
4. Vestfjarðamið — Látrabjai'g að Gjögri.
5. Norðurmið — Gjögur að Melrakkasléttu.
6. Norðausturmið — Melrakkaslétta að Dalatanga.
7. Suðausturmið — Dalatangi að Hjörleifshöfða.
Grunnmið teljast 20 mílur út frá ströndinni.
Auk veðurathugana frá ýmsum veðurathugunarstöðv-
um á íslandi verða lesnar veðurathuganir frá:
Þó —■■ Þórshöfn í Færeyjum.
Veðurskip „I“, 59° N, 19° V.
Veðurskip „A“, 62° N og 33° V.
Ap — Apútiteq, Grænlandi.
CT — Cap Tobin við Scoresbysund, Grænlandi.
JM — Jan Mayen.
Veðurskeyti frá íslenzkum skipum óskast frá svæðinu
milli 60. og 70. breiddarbaugs, Greenwich lengdarbaugs
(0°) og suðausturstrandar Grænlands.
Veðurathuganir verða lesnar í sömu röð og áður, —
byrjað á Reykjavík og farið vestur um land. Síðan
verða erlendu athuganirnar lesnar í þessari röð: Þórs-
höfn í Færeyjum, veðurskip „1“ (um 500 km. suður af
Vestmannaeyjum), veðurskip „A“ (um miðja vegu milli
Reykjaness og Hvarfs í Grænlandi), Apútiteq (á Græn-
landi, norðvestur af Látrabjargi), Cap Tobin (við
Scoresbysund, norður af Hornbjargi), Jan Mayen.
Veðurspár verða gerðar fyrir djúpmiðin, og er miðað
við allt að 200 faðma dýpi. Spásvæðið verður milli 63°
og 6714° breiddarbauga og 12° og 27° lengdarbauga.
Ákveðið var að skipta spásvæðinu í sjö minni svæði
með ákveðnum markalínum. Það má þó ekki taka þessar
línur alltof bókstaflega. Þær eru dregnar með það
fyrir augum að kveða nánar á um takmörk hvers
spásvæðis. Það er augljóst að veðrið breyttist ekki
undir venjulegum kringumstæðum við skýrt afmarkaða
línu. Þetta er tekið fram til þess að forðast allar hár-
toganir og óþarfa gagnrýni, sem annars kynni að koma
fram.
Veðurathugunarmenn á skipum geta hvenær sem er
snúið sér til Veðurstofunnar til þess að fá skýringu á
hverju þvi, er gæti ef til vill verið óljóst í sambandi
við veðurathuganirnar. Það skal sérstaklega brýnt fyrir
hlutaðeigandi aðiljum, að því nákvæmari sem veður-
athuganirnar eru, því réttari má vænta að spárnar
verði.
Z4D
V I K I N G U R