Sjómannablaðið Víkingur - 01.10.1950, Blaðsíða 13

Hnattlíkneskjum, sólúrum,
stundaglösum, krónómetr-
um, segulsteinum, nútíma
áttavitum og öðrum þeim
tækjum, sem ég kann ekki
að nefna. En einna mesta
athygli vekur þó sautjándu-
aldar-safn það af slíkum
tækjum, sem tilheyrðu eitt
sinn Barberíni kardínála,
hvers föðurbróðir kvað upp
dóminn yfir Galileo á sínum
tíma fyrir þær vísindalegu
staðhæfingar, sem hann hélt
fram og þóttu þá guðlast.
Sjóminjasafnið í Green-
wich var stofnsett með lög-
um frá brezka þinginu 1934
í því augnamiði að skýra
sjóferðasögu Breta, geyma
minningar um herskipaflota
þeirra, verzlunarflota og
veiðiflota. Það var opnað almenningi með mik-
illi viðhöfn af Georgi VI. þann 27. apríl 1937.
Aðsókn að safninu er mikil og öllum ókeypis.
Núverandi forstjóri þess er Frank G. G. Carr.
Salur í sjóminjasafninu í Greenwich.
BARA BLA
*
Þegar ég hafði litið yfir það, sem mér vannst
tími til, gekk ég upp á hæðina fyrir ofan bygg-
ingarnar, en þaðan er fögur sýn yfir skipuleg
húsin og ána, sem bugðast til sjávar. Uppi á
hæð þessari standáf hús stjörnurannsókna-
stöðvar þeirrar, sem sett var á stofn af Charles
II. árið 1675 og að miklu leyti teiknuð af ein-
um frægasta húsameistara Breta, Wren, þeim
sama er sá um smíði Pálskirkju.
Byggingar þessar eru nú í fádæma niður-
níðslu og stjörnurannsóknir engar á staðnum,
hins vegar veðurathuganastöð. Merkastur eða
öllu heldur þekktastur er staðurinn fyrir það,
að þaðan eru mældir lengdarbaugar hnattarins
og stundatalið miðað við Greenwich. Umhveri’i
bygginganna er mjög fagurt. Til suðurs liggur
breiður vegur með háum trjám til beggja hliða,
en turni Allraheilagra-kirkj u fyrir endanum.
Til norðurs er borgin. En leifar stjörnurann-
sóknastöðvarinnar eru til lýta á staðnum, úr
því þeim er ekki betur haldið við. Hálfkúlur
tui’nanna eru komnar að niðurlotum, og ekkei t
bendir til þess, að frá þeim punkti sé reiknaður
hver nýr dagur.
London, maí 1950.
1Vlías Mar.
Nýtt bindi væntanlegt.
Eins og lesendum Víkings mun yfirleitt kunnugt, hef-
ur Farmanna- og fiskimannasamband íslands gefið út
tvö bindi af sjómannabókinni „Bára blá“, og hafa þau
flutt sögur, kvæði og frásagnir um líf og störf íslenzkra
sjómanna. Nú er að koma út þriðja bindi þessa safn-
rits. Flytur það eingöngu valdar sjómannasögur eftir
erlenda höfunda, og hefur mikill meirihluti sagnanna
verið þýddar sérstaklega fyrir þessa útgáfu og ekki
verið birtur hér áður. Bókin er nú fullprentuð og kemur
væntanlega í bókaverzlanir um eða eftir miðjan nóvem-
ber. Þetta bindi er 15 arkir að stærð. Efnið er fjöl-
breytt. Sumar sögurnar eru stórbrotnar lýsingar á bar-
áttu sjómannsins við hamfarir náttúruaflanna. Má í
þeim hópi nefna Stormur á fiskimiðum eftir Johan
Bojer, Niður hringiðuna eftir Edgar Allan Poe og
Elías og skrímslið eftir Jonas Lie. Aðrar sögur bregða
upp eftirminnilegum myndum úr lífi farmanna og fiski-
manna, svo sem Sagan af Særek eftir Holger Drach-
mann, Skipbrot eftir Axel Sandemose og Sjómanns-
brúðurin eftir Elin Wagner. Þá eru sögur, sem fyrst
og fremst lýsa hreysti og harðfengi: Iiule Britannia,
ágæt saga úr Napóleonsstyrjöldinni eftir J. N. Hall og
Hvíti livalurinn eftir Herman Melvville. Snjallar gaman-
sögur og ástarsögur er þarna einnig að finna, svo sem
Belson skipstjóri eftir A. R. Wetjen, ísjakinn ofhlaöni
eftir Morley Roberts, að ógleymdri bráðfyndinni sögu
eftir W. W. Jakobs. — Verði bókarinnar hefur verið
stillt mjög í hóf. Hún kostar kr. 40 óbundin og kr. 50 í
bandi.
V I K I N E U R
245