Sjómannablaðið Víkingur - 01.12.1950, Page 59

Þessi tvö atriði voru tillögur F. F. S. í. um yfirstjórn
skólans (skólaráð) og hugleiðing um kennslubækur
hans. Var síðan farið nokkrum orðum um bæði þessi
atriði.
Nú spurði ég: „Hvað á þarna eftir að upplýsa um
stjórn og rekstur Sjómannaskólans (ég á þarna auð-
vitað ekki við skólanefndina og kennslubækurnar) ?“
Orðunum innan sviga bætti ég við til þess að knýja
yður til að slcýra frá bvað þér væruð þarna að gefa
í skyn, ef það væri þá annað en gaspur út í loftið,
því ég ályktaði sem svo, að varla gætuð þér átt við
það, að ræða þyrfti á ný atriði, sem gerð hafði verið
full grein fyrir áður og drepið lauslega á aftur nú.
Eitthvað mun hafa vafizt fyrir yður að svara þessari
spurningu, en óskaráðið kom yður samt í hug. Jú, það
voru einmitt skólanefndin og kennslubækurnar, sem
átt var við!! Að vísu spyrjið þér nú, hvort ekki vanti
eitthvað af nýjum tækjum í Sjómannaskólann, eins og
þeir skólar, sem þar eiga heima, séu einu skólarnir í
landinu, sem ekki hafi getað fullnægt þörfum sínum
fyrir ný tæki á þessum erfiðleikatímum; en það er
bara til að segja eitthvað.
Ekki tekur betra við, þegar þér ætiið að finna stað
orðum yðar um þá furðulegu afstöðu, sem þér segið
mig hafa tekið, þegar rætt hafi verið um að fuligera
húsið og ganga frá lóðinni. Það athugist vel, að þau
ummæli standa i 2. grein yðar og mér virðist þau vísa
tii einhvers, sem á að hafa skeð áður en deila okkar
byrjaði. Þau hefjast á orðunum: „Oftar en einu sinni
...“ (sjá framar). Þessu kvað ég yður hreinlega hafa
skrökvað upp, og skoraði á yður að afsanna þann áburð
með því að nefna dæmi. Skulum við nú athuga hvernig
yður tekst það.
Nú er ekki að sjá, að þetta hafi skeð nema tvisvar,
og segið þér fyrra skiptið hafa verið, þegar ég deildi
við Grím Þorkelsson stýrimann um kennslubækur Stýri-
mannaskólans, en hið sanna í því er þetta: Árið 1946
skiptumst við Grímur Þorkelsson á skoðunum um
kennslubækur Stýrimannaskólans og annað, er að sjálfri
kennslunni lýtur, en hvorugur minntist einu orði á
framkvæmdir við skólahúsið eða lóðina. Um þetta getið
þér sannfærzt sjálfur með því að fletta upp í VIII.
árg. Víkings. Hin fullyrðing yðar, að ég hafi hellt úr
skálum reiði minnar út af því, að kröfur komu fram
í fyrstu grein yðar um að fullgera skólahúsið og ganga
frá lóðinni, vona ég að ekki þurfi mörg orð um að
hafa. Hún er svo fráleit og fjarri allri skynsemi, að
hver meðalgreindur maður hlýtur að hlæja að slíkum
tilbúningi, og sýnir eins vel og tilvitnun yðar í orða-
skipti okkar Gríms Þorkelssonar, út í hvaða vandræði
þér eruð kominn.
En þó þetta tvöfalda haldreipi yðar hafi nú bilað,
eruð þér ekki af baki dottinn, því þér eigið annað til
vara. Þér gefið nefnilega í skyn, að ef til vill hafi
ég viðhaft einhver slík ummæli, þó ekki séu þau bók-
fest, og svo haldið þér að ég muni lítt hafa tekið
undir tillögur frá þingi F. F. S. í., sem snerta skól-
ann! Jæja, hvað þarf þá frekar vitnanna við? Er ekki
þarna sannað, að ég hafi „þykkzt við og hellt úr skálum
reiði minnar“ yfir einhvern? Þér eruð orðhagari en ég,
herra ritstjóri, og meiri fræðimaður, svo að það er
bezt að þér ráðið sjálfur nafninu á þessari málsmeð-
ferð yðar.
í fyrri skrifum mínum í þetta blað hef ég boðið
bæði yður og öðrum, sem um málefni skólans rita,
allar þær upplýsingar, sem ég get í té látið, og sam-
vinnu um allt það, sem stofnuninni mætti verða til
gagns. Þetta heitir á yðar máli að ég „furði mig á að
nokkur skuli voga sér að minnast á skólann án þess að
leita fyrst til mín“, og þýðir nú ekki að kippa sér
upp við slíkt lengur. En haldið þér nú, herra ritstjóri,
að mikið hefði sakað þótt þér hefðuð aflað yður hald-
betri vitneskju en þér virðist ráða yfir um málefni
Sjómannaskólans, áður en þér fóruð af stað með fyrstu
grein yðar, jafnvel komið til mín og rætt við mig í
allri vinsemd um það, sem þér höfðuð á hjarta, því
aðstöðu minnar vegna ættu ekki aðrir að vera kunn-
ugri þessum málum en ég? Ég held fyrir mitt leyti,
að þá hefðum við komizt hjá þessum orðaskiptum, sem
ég býst við að hvorugum hafi verið til ánægju né mál-
efnum Sjómannaskólans til framdráttar. Vel get ég trú-
að því, að í upphafi hafi það ekki verið ætlun yðar að
veitast að okkur, forráðamönnum skólans, þó svona
tækist til. En þegar út í það var komið, hafið þér ekki
viljað draga í land, enda hefur mér fundizt, að í þess-
ari deilu okkar hafið þér stundum beitt meir mál-
færsluaðferðum sumra samferðamanna yðar en reglu
Ara Þorgilssonar, að vilja hafa það heldur, er sannara
reyndist.
Ég læt nú útrætt um þetta af minni hálfu, og breytir
þar engu um, hvort heldur þér látið hér staðar numið
eða ekki.
Með þökk fyrir birtinguna.
Friðrik V. Ólafsson.
★
Þótt ekki væri með öllu ástæðulaust að gera nokkrar
athugasemdir við þetta svar Friðriks V. Ólafssonar
skólastjóra, mun ég láta það ógert, þar eð ég fæ ekki
séð, að málefni því, sem um er deilt, sé greiði ger með
I \
frekari orðaskiptum í þessari tóntegund.
Gils Guðmundsson.
Fjórtdnda þing F. F. S. í.
Fjórtánda þing Farmanna- og fiskimannasambands
Íslands var háð í Reykjavík í nóvembermánuði s. 1.
Þingið var fjölmennt og athafnasamt og gerði margar
ályktanir. Fréttir af þinginu verða birtar í janúar-
blaði Víkings.
VÍ K I N □ U R
317