Sjómannablaðið Víkingur - 01.09.1964, Side 2

skipulagðar byggingar tilheyr-
andi skólanum eða nátengdar
honum. Kemur mér þá í hug sjó-
vinnuskóli unglinga, sem vantar
tilfinnanlega húsnæði yfir starf
sitt. Sá skóli á að vera í nánum
tengslum við Sjómannaskólann
og undir stjórn forráðamanna
hans en ekki Æskulýðsráðs.
Fiskasafn mætti einnig koma
þarna og ekki hvað sízt sjó-
minjasafn. — Þá er Skólahúsið
sjálft nú þegar að verða of lítið.
Einhverja stækkun þar, mun á-
reiðanlega þurfa eftir nokkur
ár. Furðulegar má því telja þær
ráðstafanir, sem nú hafa verið
gerðar, að leyfa nýstofnuðum
Tækniskóla aðsetur í Sjómanna-
skólahúsinu.
í mörg ár hafa sjómannasam-
tökin barizt fyrir því að fá alla
vélfræðikennslu flutta undir eitt
þak og þá auðvitað inn í þetta
veglega hús. Fiskifélag íslands
með ýmis sterk áhrifamenni —
allt upp í ráðherra — hefur
staðið eins og klettur gegnþessu.
Aldrei hefur þó komið fram
skýring eða frambærileg rök
fyrir því að heppilegt væri að
tvískipta vélfræðikennslunni og
sízt af öllu eftir að skólahúsið
varð til.
Manni verður því á að spyrja,
hvort einhver peningalykt sé af
þessum málum og hvort fiskifé-
lagið hafi einhverjar duldar
tekjur af starfrækslu vélfræði-
kennslunnar, ef svo er, hvers-
vegna þá ekki að gefa fiskifé-
laginu meiri tekjur og fá þeim
heildarstjórn allrar vélfræði-
kennslunnar á landinu í hendur?
Kjarni þessa máls er ekki sá,
hvað þeir eða hann heita, sem
fara með yfirstjórn vélfræði-
kennslunnar, heldur hitt, að vél-
fræðikennslan sé undir einum
hatti í sömu húsakynnum og að
unnið sé af heilindum að byggja
upp vélfræðinámið og skapa
festu í þessa hluti.
Sú ringulreið, sem setið hefur
í hásæti þessara mála um langt
árabil, á að miklu leyti rætur
sínar að rekja til tvískiptingar
vélfræðikennslunnar. — Sýnum
nú í verki, að við erum einu
sinni menn til að koma á góðri
framtíðarskipan vélfræðikennsl-
unnar.
Tækniskólinn ætti að geta not-
að kennslustofurnar í fiskifé-
lagshúsinu næstu 2 ár, en að
þeim tíma liðnum er búizt við
að hann verði kominn í sitt eig-
ið húsnæði. — Tækniskólinn yrði
líka betur settur í fiskifélags-
húsinu heldur en í húsakynnum
Vélskólans, þar sem nemendur
hans yrðu þá í nánum tengslum
við hámenntaða vísindamenn og
fengju vafalaust aðgang að full-
komnum rannsóknarstofum, sem
þarna eru fyrir hendi. Á þennan
hátt kynntust ungir nemendur
þegar á byrjunarstigi daglegum
rannsóknum vísindamanna og
fengju þar með aflgjafa til að
stunda nám sitt af kostgæfni.
Ekki get ég skilið við þennan
pistil, án þess að minnast lítil-
lega á húsbyggingarnefnd Sjó-
mannaskólans, en það er nú ein
hneisan, sem kannske kórónar
allt.
Nefndina eiga að skipa 7
menn. Þrír eru fallnir í valinn,
og engir komnir í staðinn. Samt
eru haldnir fundir og mikilvæg-
ar ákvarðanir teknar. — Fjórir
menn leyfa sér án nokkurra at-
hugasemda að taka ákvarðanir
um mikilvæg málefni, sem 7
manna nefnd er ætlað. — Ráðu-
neytið er ánægt og leggur bless-
un sína yfir gerðirnar.
Kannske er öll hersingin anda-
trúar og leitar samþykkis fyrr-
verandi nefndarmanna með að-
stoð miðils?
Nei, ég er ekki í nokkrum vafa
um, að þeir þrír látnu nefndar-
menn hefðu aldrei opnað Tækni-
skólanum leið inn í Sjómanna-
skólahúsið, ef þeir hefðu á lífi
verið og fengið um að fjalla, til
þess voru þeir búnir að berjast
of lengi erfiðri baráttu fyrir að
fá upp skólahúsið.
Einn hinna fjögra lifandi
nefndarmanna lýsti sig andvíg-
an staðsetningu Tækniskólans í
húsakynnum sjómanna. — Hann
var líka sá, sem um 30 ára skeið
stóð framarlega í baráttuhópn-
um og þekkti vel af eigin reynd
þá miklu vinnu, sem lögð var í
það að öðlast skólahúsið.
Vonandi líður ekki á löngu
þar til húsbyggingarnefndin
verður á ný fullskipuð. — Þætti
mér ekki óviðeigandi að formað-
ur nefndarinnar færi fram á það
við ráðherra, að nefndin yrði
fullskipuð sem allra fyrst.
Ö. S.
Xr
—Ég þræla mig uppgefna á hverjum
degi og held þetta ekki út lengur,
sagði frú Hansen. Hreingerningar upp-
þvottur, stórþvottur og matartilbún-
ingur. Hansen auglýsti þegar eftir
húshjálp.
Þegar hún hafði verið nokkra hríð,
andvarpaði frú Hansen:
— Ja, þessar vinnukonur hafa ekki
mikið að gera. Hér eru nýtízku vélar
til alls, sjálfvirk þvottavél, uppþvotta-
vél, ryksuga og fleira. Ég skil bara
ekki hvernig manneskjan fær tímann
til að líða.
oooooooooooooooooo
SPARISJÓÐUR
VÉLSTJÓRA
Báragðto II
Simi 1659S
Annast öll
venjuleg spari-
sjóðsviðskipti.
Opið daglega
kl. 4—6
0<>CK><><>0<><>CK><>0<><><>0<
VÍKINGUR
180