Sjómannablaðið Víkingur - 01.12.1967, Blaðsíða 53
inu hefði nú verið formlega af-
hent Leifsstyttan til framtíðar-
varðveizlu, ennfremur tók hann
fram, að styttan hefði um meir
en tveggja áratuga skeið verið
þar kennimerki, og að meir en
250.000 safngestir skoðuðu hana
árlega. Loks lét forstjórinn þess
getið, að Leifsstyttan væri orðin
tákn Sjóminjasafnsins í þeim
skilningi, að mynd af henni er
prentuð á öll bréfsefni safnsins
og umslög, og einnig á rit þau,
sem safnið lætur frá sér fara. I
sölubúð safnsins (Museum Store)
eru auk þess til sölu tvær smá-
myndir af styttunni.
Af bréfi forsetans liggur það í
augum uppi, hve vel staðsett
Leifsstyttan er á Sjóminjasafn-
inu, og samtímis mikil landkynn-
ing fyrir Island og Islendinga. Á
hún einnig ágætlega heima á því
fræga og fjölskrúðuga safni, sem
helgað er sæfarendum og sjóferð-
um að fornu og nýju.
VÍKINGUR
Er eirsteypan að öllu leyti eft-
irmynd Leifsstyttunnar á Skóla-
vörðuholtinu í Reykjavík, og á
málmskildi framan á henni skýru
letri skráð, að hún sé af íslend-
ingnum Leifi Eiríkssyni, sem
fyrstur norðurálfumanna steig
fæti sínum á strönd Norður-
Ameríku.
Forganga Þjóðræknisfélags Is-
iendinga í Vesturheimi í þessu
máli er einn þáttur, og hann
merkilegur, í margþættri viðleitni
þess áratugum saman, að sýna í
verki trúnað við íslenzkar menn-
ingarerfðir, stuðla að því, að Is-
lendingar verði sem beztir borg-
arar í þarlendu þjóðlífi, og auka
með þeim hætti veg og virðingu
íslenzku þjóðarinnar á erlendum
vettvangi.
Þessi grundvallaratriði í stefnu-
skrá Þjóðræknisfélagsins hafði
Stephan G. Stephansson í huga í
kveðju sinni til félagsins ný-
stofnaðs, hinu snjalla kvæði
,,Þing-kvöð,“ er öndvegi skipar í
fyrsta árgangi Tímarits félags-
ins, og er í senn þrungið heitri
ættjarðarást og lögeggjan til
dáða, eins og ágætlega lýsir sér í
eftirfarandi erindi kvæðisins:
Nú skal bera á borð með olckur,
bót við numinn auð,
margar aldir ósáð sprottið
íslenzkt lífsins brauð:
Allt, sem lyfti lengst á götu,
lýsti út um heim,
nú skal sæma sveitir nýjar
sumargjöfum þeim.
Sumargjöfum öllum þeim.
1 þessum anda heldur Þjóð-
ræknisfélagið áfram þjóðernis-
legri og menningarlegri starf-
semi sinni, þó að um margt sé á
brattann að sækja. Á það sér
einnig bráðlega hálfa öld að baki,
því að 49. ársþing þess verður
haldið í Winnipeg í febrúar næst-
komandi.
309