Sjómannablaðið Víkingur - 01.05.1968, Blaðsíða 17

H-
UMFERÐ
Menn virðast ekki sammála um
nauðsyn þeirra ráðstafana að
breyta umferð frá vinstri til
hægri, og hefur mikið verið skrif-
að um þá ráðstöfun, en þó lítið
þar til búið var að ganga frá
þessari ákvörðun og hafinn und-
irbúningur undir breytingar á
þann veg, að ekki verður aftur
snúið, enda vafasamur hagnaður
að „taka frest“ í málinu, eins og
komið er.
Það er ekki tilgangur minn að
ræða um þessa ráðstöfun, en að-
eins vekja athygli á mjög alvar-
legu at/riði í umferðarmálum okk-
ar. Þetta atriði á jafnt við um
vinstri og hægri umferð, en virð-
ist þess eðlis, að ástæða sé til að
taka ákveðna afstöðu til þess ein-
mitt, þegar H-dagurinn er á dag-
skrá í tíma og ótíma, kannski
meira en efni standa til.
Hér á ég við hina einkennilegu
(og vafasömu) reglu, að gang-
andi maður skuli halda sig á öf-
ugum vegarkanti (hægra megin
meðan vinstri umferð er ákveðin
og þá líklega vinstra megin eftir
breytinguna), þar sem ekki eru
gangstéttir. Þessar reglur skilst
mér að hafi verið búnar til hjá
Slysavarnafélagi Islands, þótt ó-
trúlegt sé að þetta ágæta félag
skuli setja jafn vafasamar og
vanhugsaðar reglur fyrir sak-
lausa vegfarendur.
Ef aðrar reglur eiga að gilda
fyrir gangandi vegfarendur en
akandi, þá er fullkomin ástæða til
að lögfesfa þær reglur í sambandi
við H-dag. En áður en sú lögfest-
ing á sér stað, er nauðsynlegt að
gera sér ljós svör við eftirfar-
adni atriðum:
1. Er líklegt, að maður, sem er
vanur að víkja rétt (hvortsem
um er að ræða V- eða H-um-
ferð) akandi, breyti sinni
venju, ef snögglega er flaut-
að á hann? (Ég held ekki) , og
skiptir þá ekki máli, hvort
sem flautað er til að fara
fram úr öðru farartæki eða
ekki.
2. Hvað eru gangandi vegfar-
endur? Eru það aðeins lausir
og liðugir menn eða eru það
einstaklingar með barna-
vagna, leiðandi reiðhjól, ak-
andi hjólbörum eðahandvögn-
um (þótt það sé ekki algengt
í nútíma umferð) og hvar eru
þar takmörk?
3. Hvernig eru viðhorf trygg-
ingarfélaga, ef ekið er á
mann, sem gengur á öfugum
kanti eða víkur til rangrar
hliðar, ef gefið er hljóðmerki?
4. Hvernig eiga akandi vegfar-
endur að haga sér, ef mikið
er af gangandi fólki á vegin-
um og allir á öfugum kanti?
(Ég held, að það geti orðið
nokkuð erfitt að svara því og
ekki á allra færi að breyta
rétt í þessum tilfellum).
Fleira mætti telja upp, en verð-
ur ekki gert að þessu sinni, en ég
held, að öllum væri fyrir beztu
eins og nú og fyrr, að „sömu lög
gildi fyrir alla landsmenn," hvort
sem þeir væru gangandi eða ak-
andi og að rík ástæða sé fyrir því
að taka þetta atriði til alvarlegr-
ar athugunar í sambandi við hinn
svokallaða H-dag.
Maí 1968.
Guðfinnur Þorbjörnsson.
Guðfinnur Þorbjörnsson
VÍKINGUR
157