Sjómannablaðið Víkingur - 01.06.1972, Blaðsíða 45

Haft var eftir dönskum frétta-
manni 1969, að íslendingar væru
á mjög góðum vegi í efnahags-
málunum.
Þá kvað Guðmundur:
Viðreisnin er voða slyng,
vel það skilja Danir.
Hundrað prósent hagræðing,
og hliðarráðstafanir.
Æði margir stömpum steypa,
stökkva trylltir frá og að.
Hiklaust mundu heiminn gleypa
heilan, ef þeir gætu það.
Al'drei nóg af neinu er,
nægtarsjó þó vöðum lengi.
Bjargarfró, að berja sér,
beita kló, með fölsku gengi.
*
Ennþá er heimurinn harður,
sem forðum,
hampar þá sínum á líðandi stund.
Hlakkandi gleypir við hræsnar-
ans orðum,
hrækir í forsmán á sannleikans
pund.
Guðm. A. Finnbogason.
VlKINGUR
Nýtt skip
frá Þorgeiri og Ellert
Miðvikudaginn 12. apríl 1972, var sjósett hjá Þorgeir og
Ellert hf., Akranesi, nýtt 103 rúmlesta fiskiskip úr stáli, sem
byggt er fyrir Þórð Guðjónsson, skipstjóra, Akranesi. Skipið
er teiknað af Benedikt Erl. Guðmundssyni, skipaverkfræð-
ingi hjá Þorgeir og Ellert hf., og byggt undir eftirliti Sigl-
ingamálastofnunar ríkisins í samræmi við reglur Det Norske
Veritas, en sérstaklega styrkt fyrir siglingar í ís. Mesta
lengd skipsins er 27,60 m, breidd þess er 6,60 m og dýpt
3,30 m.
Skipið er útbúið til veiða með línu, netum og botnvörpu,
og búið eftirfarandi vélum og tækjum:
Aðalvél er AIpha-Diesel 405-26VO, 500 hestafla við 400
sn/mín. ásamt tilheyrandi skiptiskrúfu. Hjálparvélar eru
tvær Bukh 4K-105, 54 hestafla við 1500 sn/mín. Samanlögð
raforkuframleiðsla í skipinu er 60 kw. Stýrisvél er Frydenbö
HS 9. Þilfarvinda er frá Vélaverkstæði Sigurðar Sveinbjörns-
sonar, 11 tonn. Línuvinda og bómuvinda eru af Norwich
gerð. í skipinu er nýr og mjög fullkominn dýptarmælir af
Simrad gerð EK með scopi, Simrad asdik SK 3, Kelvin
Hughes ratsjá 64 mílna, Decca-Arkas sjálfstýring, Sailor
talstöð 100 watta, sjálfvirk miðunarstöð, lorantæki, kallkerfi,
fjölbylgjutæki frá Baldri Bjarnasyni, sjónvarp og útvarp
auk allra venjulegra siglingatækja.
Fiskilest skipsins er einangruð og búin tækjum til kæl-
ingar og einnig bjóðageymsla, sem staðsett er aftast í þil-
farshúsi.
Ungfrú Inga Jóna Þórðardóttir, dóttir eigandans, gaf
skipun nafnið Sigurborg AK. 375.
261