Sjómannablaðið Víkingur - 01.03.1973, Blaðsíða 3

• vVN r (>•••
Gengio a tjorur
Því miður er það svo, þrátt
fyrir margítrekuð tilmæli blaðs-
ins til starfandi sjómanna um að
þeir sendi efni til birtingar í
blaðinu, þá skeður það alltof
sjaldan, að á okkar fjörur berist
efni eða hugmyndir frá þessum
aðilum. Það er þó vitað, að ekki
skortir sjómenn áhuga eða hug-
myndir í ýmsum málum bæði er
snerta þeirra eigin störf, menn
og þjóðmál. Það þekkja allir,
sem setið hafa í káetu eða lúg-
kar, þá komast yfirleitt færri
að en vilja, en þegar færa á þetta
fram fyrir almenning dofnar á-
liuginn. Hvort þetta er meðfædd
eða áunnin hlédrægni eða bara
einfaldlega landlægur ótti við
skrifstofusérfræðingana, er tröll-
ríða öllu í þjóðfélaginu, er ekki
gott að segja. Þess vegna gríp-
um við feginshendi hugmynd og
uppdrátt eins góðvinar okkar,
er hann rak á fjörur okkar
hér á Bárugötu 11, þar sem
það gæti vakið forvitni margra
og ýtt undir aðra með að láta
þessi og fleiri mál til sín taka.
Þar sem skýringar sjómannsins
munu líklega ekki sjást á mynd-
inni fylgja þær hér með.
Ritstj.
Hugmynd að stærri og betri höfn fyrir Akranesbæ
Ef „Suðurgarður" yrði lengdur
sem því nemur er uppdráttur
sýnir og gerður annar garður
„Austurgarður" yrði vafalaust
hreyfingarlítið eða jafnvel hreyf-
ingarlaust á svæðinu innan „Mið-
garðs“ og „Sementsgarðs", einn-
ig yrði hreyfingarlítið á svæðinu
VÍKINGUR
milli efrihluta „Suðurgarðs“ og
„Miðgarðs". Við „Austui’garð“
innanverðan skapast aðstaða til
losunar á öllu efni fyrir Sements-
vérksmiðju ríkisins, og við lagn-
ingu „Suðurgarðs“ skapast stór-
aukið athafnasvæði fyrir upp og
útskipun á hvers konar varningi,
og ber þar að hafa í huga vonir
manna um aukin aflabrögð við
útfæi-slu landhelginnar í 50 sjó-
mílur, og vegna framleiðsluaukn-
ingar og aukningar skipastólsins,
þrengist stöðugt í höfnum lands-
ins. Þannig er rík þörf á að at-
huga fleiri hafnir.
59