Sjómannablaðið Víkingur - 01.12.1973, Blaðsíða 31
vikrið þeyttist inn á þilfar. Felmt-
ur mikið greip mannskapinn, sem
vissi ekki sitt rjúkandi ráð. Líf-
bátamir virtust ekki koma til
greina í þessu tilfelli. Þeir sefuð-
ust nú brátt þegar þeir sáu að
hættan var ekki alveg yfirvofandi
og það var ekki um strand að
ræða en skipið öslaði í gegnum
þetta á hálfri klukkustund. Þegar
við komum í höfn í Pago Pagó
sáum við að hliðar og botn skips-
ins höfðu hreinsast vel, allt var
slétt og fágað.
Það sem benti til þesss að það
væri úr fersku gosi var hvað vik-
urlagið var þykkt og hafði ekki
náð að breiða úr sér.
Fiskverkunarstöð
Gunnars h.f.
°g
Snœfugls h.fv
Reyðarfirði.
Sími
97-4123
★
SKRESÐAR-
OG
SALTFISKVERKUN
SÍLDARSÖLTUN
t
MINNING:
ÞORSTEINN STEFÁNSSON
SKIPSTJÓRI
Hinn 3. sept. s. 1. andaðist að
Hrafnistu, dvalarheimili aldraðra
sjómanna, Þorsteinn Stefánsson,
fyrrverandi skipstjóri og síðar
hafnarvörður á Akureyri.
Þorsteinn var Eyfirðingur að
ætt, fæddur að Hauganesi v.
Eyjafjörð hinn 7. marz 1896. For-
eldrar hans voru hjónin Kristín
Jónsdóttir og Stefán Hansson,
sem fórst mieð hákarlaskipinu
Kærstinu vorið 1907, en á því
skipi var hann stýrimaður.
Þorsteini var sjómennska í blóð
borin, um það vitnar hans sjó-
mannsferill allur, frá því er hann
kornungur hóf sjósókn á árabát-
ura, en síðar á skútum, og stund-
aði þar bæði hákarla- og þorsk-
veiðar.
Prófi frá Stýrimannaskólanum
í Reykjávík lauk hann vorið 1921,
en vorið eftir varð hann skip-
stjóri á skipi er Fönix hét. Þetta
vor lentu mörg skip í erfiðleikum,
og þrjú týndust alveg, í ofsaveðri
út af Vestfjörðum. Fönix litli
slapp óskaddaður þótt hann lægi
úti allan garðinn, og má það vafa-
laust þakka gætni og árvekni hins
unga skipstjóra, er þarna fékk
sína eldskím.
Ekki er það ætlan mín að rekja
hinn langa sjómannsferil Þor-
steins, en geta má þess eftir að
hann var kominn á Hrafnistu og,
að maður hélt var búinn að
,,nausta“ að fullu, fór hann annar
stýrimaður á rannsóknarskipið
Árna Friðriksson, um tveggja
mánaða skeið.
Þorsteinn lét félagsmál sjó-
manna mikið til sín taka, var t. d.
yfir 20 ár í sj ómannadagsráði hér
á Akureyri og þá lengst af for-
maður.
Strax að afloknu prófi frá
stýrimannaskólanum mun hann
hafa gengið í Skipstjórafélag
Norðlendinga, sat í stjórn þess í
15 ár, þar af 7 ár formaður. Hann
var og heiðursfélagi þess.
Nú, þegar Þorsteinn er allur,
viljum við félagar hans í Skip-
stjórafélagi Norðlendinga þakka
honum hans mörgu og óeigin-
gjörnu störf í þágu félagsins, og
við munum ætíð minnast hans
þegar góðs félaga er getið.
Sjálfur vil ég frændi minn
þakka þér margar og ánægjuleg-
ar samverustundir á lífsleiðinni,
og kveð þig í þeirri fullu vissu
,að landtaka þín, handan hafsins
mikla, hafi gengið að óskum.
Björn Baldvinsson.
VÍKINGUR
383