Sjómannablaðið Víkingur - 01.08.1980, Blaðsíða 8

nákvæmara
skipulag
fiskveida
Ákveðnari stjórnun—
A þessu ári eru allar líkur til aö togararnir okkar
megi ekki stunda þorskveiðar mikið yfir 200
daga. Þrátt fyrri miklar takmarkanir af hálfu
stjórnvalda varþorskaflinn orðinn um 300þúsund
tonn um mánaðamótin júlí — ágúst sl. Margt
bendir til að þorskur sé nú meiri á miðunum en
verið hefur um langt árabil; skipin koma úr hverri
veiðiferðinni eftir aðra með fullfermi eftir ör-
stuttan tíma, og er algengt að aflinn sé 35 — 40
tonn á sólarhring.
Hafrannsóknastofnunin hefur í tillögum sínum
á undanförnum árum lagt áherslu á að reyna að
koma í veg fyrir ofveiði, með þeim árangri að víst
má telja að hrygningarstofn þorsks hafi hin síð-
ustu misseri verið í öruggum vexti. Ekki hafa
sjávarútvegsráðherrar undangenginna ára viljað
fara að öllu leyti eftir tillögum Hafrannsóknar um
hámarksafla. Þeir hafa hins vegar lagt áherslu á
ýmsa þœtti verndunar, sem reynst hafa gefa góðan
árangur. Má íþví sambandi minna á lokun svœða,
stœkkun möskva o.fl.
Menn greinir auðvitað á um einstaka þœtti
fiskveiðastefnu stjórnvalda, og framkvœmdin
kann í ýmsum tilvikum að valda deilum. Hitt er
tœpast ágreiningsefni að viðþœr aðstœður serr nú
ríkja þurfum við ákveðnari stjórnun og sam-
ræmdara skipulag á veiðum og vinnslu afla.
Góðar vonir eru bundnar við það kvótakerfi sem
nú er upptekið á loðnuveiðum, enda mjögþokka-
leg reynsla af svipuðu kerfi í öðrum veiðum, og
virðist nú tímaspursmál hvenœr jafngildar reglur
verði settar um þorskveiðar. Hvernig sem þœr
reglur endanlega kunna að vera, hlýtur markmið
þeirra að verða minni kostnaður, betri nýting fisks
og aukin samrœming veiða og vinnslu.
Mikla athygli hefur það vakið í fréttum und-
anfarið að stjórnvöld hafa heimilað útgerðaraðil-
um kaup á 11 nýjum togskipum. A ð vísu eiga
fjögur skip að hverfa úr landi í staðinn, en engu að
síður eru hér um að rœða umtalsverða aukningu á
fiskiflotanum. Slíkar ráðstafanir brjóta í bága við
allt sem skynsamlegt má teljast, því að ekki verður
séð hvernig fjölga má togurum án þess að fœkka
um leið þorskveiðidögum hvers skips. Og það er
liðin tíð að við eigum einhverjar vannýttar fisk-
tegundir sem hœgt sé að vísa flotanum í. Ymislegt
bendir til þess að stofnar eins og karfi og ufsi þoli
alls ekki meiri veiði en stunduð hefur verið um
sinn. Við núverandi aðstœður verður að krefjast
þess að ekki verði leyfður innflutningur á fiski-
skipum, enda anna innlendar skipasmíðastöðvar
fullkomlega smíði allra þeirra skipa sem við
þurfum til viðhalds flotanum á nœstu árum.
1
JÓN BALDVINSSON nýi, RE 208, kom til Reykjavikur 23. júní sl. skipið er smiðað í Portúgal, systurskip Más SH 127. Eigandi er
Bæjarútgerð Reyjavíkur. Jón Baldvinsson er 493 brúttó rúmlestir að stærð, mesta lengd 53,45 m og mesta breidd 10,52 m. Aðalvél
skipsins er Wichmann 2400 hö.
8
VÍKINGUR