Sjómannablaðið Víkingur - 01.08.1980, Blaðsíða 17

Jónas Sigurdsson, skólastjóri Stýrimannaskólans:
Umræður um
menntun sjómanna
Vegna umræðna um fræðslumál
sjómanna í 7. tbl. Víkingsins vil ég
biðja ritstjóra blaðsins fyrir
nokkrar athugasemdir frá mér.
Fyrir það fyrsta virðist mér þeir,
sem þátt tóku í umræðunum hafa
f remur litla vitneskju um það starf,
sem fer fram í Stýrimannaskólan-
um, þó þeir telji sig geta rætt það
og fellt sinn dóm. Hefði ekki verið
úr vegi að bjóða mér eða starfandi
kennara við skólann að taka þátt í
þessum hringborðsumræðum sem
að verulegu leyti snerust um
kennsluhætti í Stýrimannaskólan-
um.
í umræðunum svo og í ritstjóra-
spjalli kemur fram sú skoðun að
tengsl skólans við þá reynslu, sem
fæst við störf á hafi úti, sé of lítil
og reynsla fiskiskipstjóra ekki nýtt
fyrir memendur. í þessu sambandi
vil ég geta þess að síðastliðin 20 ár
hefur starfað við skólann kennari
sem hefur náð miklum árangri í
veiðitækni. Á sumrin hefur hann
verið starfandi skipstjóri á fiski-
skipum og verið toppniaður á því
sviði. Hann hefur haft með hönd-
um sérstaklega kennslu í fiskleit-
artækni og efa ég að aðrir betri
fengjust til þess. Þess skal getið
jafnframt að hann hefur kynnt sér
þessi mál á Norðurlöndum, í
Kanada og Bandaríkjunum. Tveir
aðrir siglingafræðikennarar hafa
fengið ársleyfi frá kennslu til
endurmenntunar og ég leyfi mér
að fullyrða að skólinn hefur á að
skipa mjög færu kennaraliði sem
fylgist með nýrri tækni.
Að því er snertir fiskleitartækni
vil ég taka fram að skólinn á fisk-
leitartæki, sem algengast er um
borð ísl. fiskiskipum, og námsefni
hefur verið tekið saman. Hvað
varðar menntun fiskimanna, sem
hefur verið aukin verulega á seinni
árum, þori ég að fullyrða að við
stöndum ekki að baki Norður-
landaþjóðunum eða öðrum þeim
fiskveiðiþjóðum sem ég þekki til.
Tækjakennsla almennt við
skólann hefur verið aukin verulega
á seinni árum einkum eftir að
skólinn fékk radar-samlíki. Þar
læra nemendur að sigla eftir radar
bæði siglingu nálægt landi (hægt er
að setja strandlengju inn á radar-
skerminn) og einnig hvernig haga
beri siglingu gagnvart öðrum skip-
um við mismunandi aðstæður, því
hægt er að setja alls sex skip
aukalega inn á radarskerminn auk
eigin skips. Allir nemendur 2. stigs
verða að Ijúka námskeiði í radar-
siglingu og hljóta sérstakt skír-
teini eftir það. Við samlíkinn hefur
verið tengt Loran C tæki og veit ég
ekki um aðra skóla sem slíka
samtengingu hafa. Verkfræðideild
Háskóla íslands leysti hið tækni-
lega vandamál í sambandi við Lor-
an C tengingu, svo nú geta nem-
endur auk radar siglingar einnig
siglt eftir Loran C staðsetningum.
Auk tækjakennslunnar í skól-
anum fá svo nemendur 2. stigs og
3. stigs að fara 3ja daga æfingaferð
með varðskipum ríkisins undir
leiðsögn kennara og skipstjórnar-
manna varðskipanna. Þessi skip
eru búin mjög fullkomnum sigl-
ingatækjum og hafa þessar ferðir
verið vinsælar meðal nemenda og
eru nokkur uppbót fyrir það að
skólinn hefur ekki yfir að ráða
VÍKINGUR
17